Saudiya Arabistoni safari davomida Muftiy Nuriddin domla hazratlari va Din ishlari bo'yicha qo'mita raisi Sodiqjon Toshboyev Madina shahrida o'z ibodatlarini ado etayotgan o'zbekistonlik umrachilar bilan muloqot qildilar.

Ayni kunlarda bir guruh hamyurtlarimiz Rasul alayhissalom shahri – Madinai munavvarada amallarini imonu ixlos, cheksiz baxt va shukronalik ila ado etishmoqda. Hususan, Masjidul Nabaviyda, Muhammad sollollohu alayhi vasallamning Ravzai mutohharalarida, minglab sahobai kromlar abadiy qo'nim topgan “Baqi” qabristoni, “Qubo” va “Qiblatayn” masjidlari va Uxud tog'ida ziyorat va ibodatda bo'lmoqdalar.

Muloqotda umrachilarimiz barcha sharoitlar muhayyo qilingani, ayniqsa, mehmonxonaning Masjidu Nabaviyga yaqinligi, besh mahal namoz va ziyoratlarni ado etishga qulayligi, mehmonxonadagi ozoda, keng va shinam xonalar kishining bahru dilini ochishi, taomlari ibodatga quvvat bo'layotgani, malakali shifokorlar tomonidan doimiy kuzatuv olib borilishini mamnuniyat ila izhor qildilar.

Alloh taolo barcha umrachilarimizning ibodatlarini O'z dargohida qabul aylasin!

O'zbekiton musulmonlari idorasi Matbuot xizmati