Islom san'ati va madaniyati haqidagi «Bayt Al Fann» onlayn platformasida O'zbekiston turizm sohasining Buyuk Britaniyadagi elchisi Sofi Ibbotsonning" Buxoroi Sharif va O'zbekistonning muqaddas joylari "sarlavhasi ostida maqolasi chop etildi, deb xabar bermoqda "Dunyo" axborot agentligi.
Material O'zbekistonga ziyoratchilar va sayyohlarni jalb etishda davom etayotgan O'zbekistonning boy tarixiy merosiga bag'ishlangan.
Muallifning fikricha, bundan ming yil muqaddam Buxoro islom dunyosining yirik markazlaridan biri bo'lib, o'sha davrda Bag'dod va Qohira bilan raqobatlashgan. Imom Buxoriy, Abu Ali ibn Sino (Avitsenna) va uning ustozi Al-Qumriy, Sadriddin Muhammad Aufiy, Bahouddin Naqshband va Amir Kulol (Shams ud-Din) – Sharq Renessansi olimlari Buxoro madrasasida tahsil olganlar. Bi-bi-si xabarida O'zbekistonni "Ming qadamjolar mamlakati" deb atagani qayd etilgan maqolada ziyoratgoh uchun eng muhim besh joy ko'rsatiladi.
Imom Al-Buxoriyning Samarqanddagi yodgorlik majmuasini ta'riflab, muallif 810 yilda tug'ilgan Muhammad Ismoil Buxoriy bolaligidan hadislarni o'rganib, 16 yoshida Haj qilganligini qayd etadi. 30 yoshida u o'zining "Al-Jomiy as-Sahih" ("Sahih Al-Buxoriy" nomi bilan ham tanilgan) asarida eng sahih hadislardan 7272 tasini to'pladi, hali ham bu sunniylar tomonidan eng muhim hadis to'plami sanaladi.
"Buxorodagi Bahouddin Naqshband maqbarasi XVI asr o'rtalariga borib taqaladi, jahon merosi maqomini olish uchun YuNYeSKOning taxminiy ro'yxatiga kiritilgan", - deydi muallif. - Ayni paytda u Markaziy Osiyo musulmonlari, shuningdek, Janubiy Osiyo va Buyuk Britaniyadan kelgan Naqshbandiya izdoshlari uchun muqaddas maskan hisoblanadi.
O'nlab maqbaralar joylashgan Samarqanddagi Shohi-Zinda ko'pchilik tomonidan Temuriylarning shoh maqbarsi deb ataladi va maftunkor firuza rang koshinlari bilan ajralib turadi. Majmua YuNYeSKOning Butunjahon merosi ro'yxatiga kiritilgan bo'lib, shubhasiz O'zbekistonning eng diqqatga sazovor joylaridan biri hisoblanadi, deb yozadi muallif.
Termiz shahrida tashrif buyuruvchilar (shuningdek, Kampir Tepa deb nomlanuvchi) Oksus ustida qurilgan Iskandariya yo'qolgan shahari, Fayoz Tepa va Qora Tepada buddaviylar monastirlari, shuningdek, yaxshi saqlanib o'rta asr yodgorliklarining muhim kollektsiyasi, shu jumladan, bir qator arxeologik yodgorliklarni ko'rishlari mumkin.
Islom merosiga qiziquvchilarga X-XVII X-XVII asrlarga oid maqbaralar va masjidni o'z ichiga olgan Sulton Saodat majmuasini ziyorat qilish tavsiya etiladi. Majmuadagi ilk qabrda Termiz sayyidlari xonadonining asoschisi Hasan al-Amirning hoki yotibdi. Uning Islom dunyosida e'tirof etilgan shajarasi Hazrat Payg'ambarimiz sollallohu alayhi vasallam borib taqaladi.
Miloddan avvalgi IV asrda tashkil etilgan Mizdaxon maqbarasi Nukusda saqlanib qolganligi ham qayd etiladi.
Hulosa qilib aytganda, muallif O'zbekiston bugungi kunda o'zining boy merosini qayta kashf etish va ulug'lash bilan bir qatorda ziyorat turizmini ham rivojlantirayotganini alohida ta'kidlaydi.

O'zbekiston musulmonlari idorasi matbuot xizmati