Shu yil 7 aprel' kuni O'zbekiston musulmonlari idorasi raisi, muftiy Nuriddin domla hazratlari Germaniya elchisi Tilo Klinnerni qabul qildilar.
Uchrashuvda Muftiy hazratlari O'zbekiston va Germaniya o'rtasidagi munosabatlar mustahkamlanib borayotgani, O'zbekiston musulmonlari idorasi faoliyati va oxirgi yillardagi diniy-ma'rifiy sohadagi o'zgarishlar haqida so'zlab berdilar.
Germaniya ilm-fan kabi o'ta muhim sohalarga alohida ahamiyat ko'rsatib, yoshlarga, jumladan o'zbekistonlik yosh avlodga qulay sharoitlar berayotgani, ular Germaniyada ilmiy tadqiqotlar olib borishga juda ishtiyoqmandligi, shuningdek, yaqin kunlarda Diniy idora Kutubxona xodimlari ham Berlin muzeyiga safari rejalashtirilayotganini muftiy hazratlari ma'lum qildilar.
Tillo Klinner samimiy qabul uchun minnatdorlik bildirib, haqiqatan ikki davlat munosabatlari yanada yaxshilanishi va hamkorlik aloqalarida ulkan muvaffaqiyat tiladi. Elchi janoblari O'zbekiston zaminida diniy bag'rikenglik va millatlararo totuvlik muhiti dunyoga namuna qiladigan darajada ekanini e'tirof etdi. U diniy-soha xodimlari o'zaro hamkorlik qilish yaxshi natija berishini bildirib, Germaniya hukumati qo'lyozma manbalarni o'rganish ishlarini har tomonlama qo'llab-quvvatlashini aytdi.
Muloqotda elchi Islom dini ma'rifatini keng yoyishdagi O'zbekistonnning ilmiy salohiyatini e'tiborga olgan holda “Markaziy Osiyoda Islom dinining o'rni” mavzusida xalqaro anjuman o'tkazish va Muftiy hazratlarini ikki tomonlama aloqalarni yo'lga qo'yish maqsadida, qulay vaqtda Germaniya davlatiga taklif etdi.
Uchrashuv do'stona va samiy ruhda o'tdi.
O'zbekiston musulmonlari idorasi Matbuot xizmati
Dunyo ilm-fan rivojida Islom ma’rifati va madaniyatining o‘rni beqiyosdir. Ko‘plab allomalar va ulamolarning ma’naviy-ilmiy asarlari o‘z davridan hozirgi vaqtgacha ahamiyatini yo‘qotmasdan ilm-fan taraqqiyotiga muhim manba sifatida e’tirof etib kelinmoqda. Umumjahon e’zozlagan olimlar va ulamolar Bog‘dod, Damashq, Samarkand, Buxoro, Granada va Tripoli kabi shaharlarda yashab ijod qilganlar. Ular: Imom Buxoriy, Imom Termiziy, Imom Dorimiy, Imom Moturidiy, Mahmud Zamahshariy kabi ulamolar dinimiz rivojiga hissa qo‘shgan. Abbosiylar davridan boshlab Tripoli shahri mana bir necha asrdirki ilm-fan markazi bo‘lib qolmoqda. Fotimiylar davrida esa Tripoli shahri poytaxt bo‘ldi. Halifa Ibn Ammor Tripolini ilm markaziga aylantirdi va o‘z davrining eng yirik kutubxonalaridan biri ochildi. Manbalarga ko‘ra unda yuz ming jild kitob mavjud edi. Uning davrida olimlar, ulamolar va yozuvchilar ulug‘langan. Ularga g‘amxo‘rlik qilingan va alohida halifa e’tirofida bo‘lishgan.
Hozirgi kunda ham Tripolida nufuzli xalqaro tashkilotlar, universitetlar, kutubxonalar va ilmiy tadqiqot markazlari faoliyat yuritib kelmoqda. Shahar ulamolar, olimlar, tadqiqotchilar va talabalar bilan gavjum. Poytaxtning o‘zida 100 dan ko‘p nufuzli universitetlar mavjud. Tripoli universiteti esa o‘zida ham diniy va dunyoviy ilmlarni jamlagani bilan boshqa universitetlardan ajralib turadi. Ushbu dargoh “200 nufuzli Islom universitetlari” ro‘yxatiga kiritilgan. Tripoli universiteti 1957 yilda tashkil etilgan bo‘lib, hozirgi kunda 70 000 dan ortiq talabalar bu dargohda ta’lim olib kelishmoqda. U turli yo‘nalishdagi 20 ta kollejni birlashtiradi. Islomshunoslik, Ilohiyat, Fiqh, Huquqshunoslik, Tibbiyot, Xorijiy tillar va Iqtisodiyot kabi fakultetlardan tashkil topgan. Tripoli universiteti dinimiz qadriyatlari doirasida rivojlanishni va ilmiy tadqiqotlarni qo‘llovchi ta’lim muassasasidir. Universitetning maqsadi talabalarga Islom dini va axkomlari asosida ilmiy va axloqiy ta’lim berish va turli dunyoviy bilimlarni o‘rgatishdir. Tripoli universitetining o‘ziga hos jixati shundaki har bir talaba moliyaviy savodxonlik va tadbirkorlikni o‘rganishi shart. Tadbirkorlik faoliyati bilan shug‘ullanuvchi talabalar universitet tomonidan rag‘batlantiriladi.
Islomshunoslik yo‘nalishi talabalari o‘quv dasturi davomida Quroni karimni to‘liq yod olishi, shariat asoslarini o‘rganishi, Islom tarixi, Hadis ilmi, Meros taqsimoti, og‘zaki va yozma nutq san’ati kabi fanlarni o‘zlashtirishi talab qilinadi. Islomning sof fitratini namoyish etish, ilm olish va uni ulashish ushbu yo‘nalish fakultetining maqsadidir. Adashgan oqimlar va ekstremistik qarashdagi guruhlarni Quron va hadis orqali ezgu yo‘lga chorlash ularning vazifasidir.
Tripoli universitetida 3450 ta ilmiy nashr faoliyat ko‘rsatadi. Ularda talabalarning ilmiy ishlari, amaliyot va tadqiqotlar natijalari keltirilgan. Misol tariqasida, “Islom ta’limini o‘rganishda Qur’oni Karimning ta’siri”, Ahmad Abdul Salam Abu Moziriqning “Irshod al-Hiron” kitobi haqida, Shayx Abu Abdulloh Muhammad bin Ali al-Xorubiyning “Riyod al-Azhar” va “Sirlar xazinasi”ning lingvistik talqini kabi ilmiy izlanishlar va maqolalar nashrlar orqali keng ommaga berib boriladi.
Shohruh UBAYDULLOH