ALLOHNING UYI OBOD BO'LDI
Zamharir qish kelib, butun borliq oppoq qorga burkandi. Tashqarida ayoz bo'lsa-da, odamlarning ko'ngli iliq. Ular Allohning baytini obod qilish ilinjida sovuqni pisand ham qilmayotir.
Bugun poytaxtimizdagi "Shayx Zayniddin" jome masjidi hovlisi, atrof-javonib hashar yo'li bilan qordan tozalandi.
Hasharda masjid imom noiblari, ko'ngilli namozxonlar ishtirok etib, Allohning uyini obod etishdi. Zero, masjidni, oyati karimada ta'kidlanganidek, Alloh taologa va oxirat kuniga iymon keltirgan kishilar obod etadilar. 
Yangi tayinlangan imomlar uchun o‘quv-seminar o‘tkazildi
#xabar #seminar #imom #malaka
O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbuslari bilan diniy soha xodimlarining kasbiy salohiyatini oshirish va ish samaradorligini yuksaltirish maqsadida tizimli chora-tadbirlar amalga oshirilmoqda.
Shu maqsadda 8–9 sentyabr kunlari Diniy idoraning Masjidlar bilan ishlash hamda Kadrlar bo‘limlari hamkorligida respublikamiz bo‘yicha yangi lavozimga tayinlangan 55 nafar imom-xatib va imom noiblari uchun ikki kunlik o‘quv-seminari o‘tkazildi.
Mashg‘ulotlar davomida O‘zbekiston musulmonlari idorasi raisining birinchi o‘rinbosari Homidjon domla Ishmatbekov, Masjidlar bilan ishlash bo‘limi mudiri Muzaffar Kamolov, Qur’oni karim va tajvidni o‘rgatish bo‘limi mudiri Shayx Alijon qori, shuningdek, Fatvo markazi, Kadrlar bilan ishlash, Ichki nazorat bo‘limi mutasaddilari o‘z yo‘nalishlari bo‘yicha ma’ruza qildilar.
Xususan, soha mutasaddilari tomonidan muvaffaqiyatli imom bo‘lish omillari, go‘zal qiroat va tajvid qoidalari, shar’iy masalalarga to‘g‘ri yondashish, faoliyat samaradorligini baholash (KPI), qonun-qoidalarga qat’iy rioya etish, mehnat munosabatlari hamda jamoat bilan ishlash ko‘nikmalari yuzasidan zarur amaliy tushuntirish va tavsiyalar berildi.
O‘zbekiston musulmonlari idorasi
Matbuot xizmati
- «
- »