Sayt test holatida ishlamoqda!
18 Yanvar, 2025   |   18 Rajab, 1446
search icon
Avvalgi sayt
ЎЗ РУ EN AR

Toshkent shahri
Tong
06:22
Quyosh
07:45
Peshin
12:38
Asr
15:41
Shom
17:25
Xufton
18:43
Bismillah
18 Yanvar, 2025, 18 Rajab, 1446
Avvalgi sayt
#search
 YouTube

O'zbekiston musulmonlari idorasi Odob-axloq komissiyasining navbatdagi yig'ilishi to'g'risida axborot

17.02.2022   3252   2 min.
O'zbekiston musulmonlari idorasi Odob-axloq komissiyasining navbatdagi yig'ilishi to'g'risida axborot

Shu kunlarda ijtimoiy tarmoqlarda ba'zi imom domlalarning diniy e'tiqod mavzusida bildirgan fikrlari turli muhokamalarni keltirib chiqardi.

Ta'kidlash joizki, alohida diniy xodimlarning shaxsiy fikri O'zbekiston musulmonlari idorasining rasmiy munosabatini ifoda etmaydi.

Jamiyatda qonun ustuvorligini ta'minlash va amaldagi normativ-huquqiy hujjatlarga rioya etishni O'zbekiston musulmonlari idorasi doimo qo'llab-quvvatlaydi. Ayni vaqtda diniy soha xodimlari ham o'rnatilgan qonun-qoidalarga so'zsiz amal qilib keladilar va shunday bo'lib qoladi.

Avval ma'lum qilinganidek, O'zbekiston musulmonlari idorasi ichki me'yoriy hujjatlari va buyruqlarida diniy soha xodimlariga jamoat oldida, ommaviy axborot vositalarida salbiy mazmundagi keskin munozaralarga sabab bo'luvchi chiqishlar qilmaslik talabi qat'iy belgilangan.

Zero, mehrob muqaddas joy bo'lib, bu erda voizning shaxsiy talqini asosida bildirilgan fikrlar dindorlar tomonidan fatvo sifatida qabul qilinadi.

Shu munosabat bilan bugun O'zbekiston musulmonlari idorasining Odob-axloq komissiyasi chaqirilib, so'nggi vaqtda ijtimoiy tarmoqlarda muhokamalarga sabab bo'layotgan masalalar ko'rib chiqildi. Yig'ilishda imom-xatiblarga jamiyatda ixtilof keltirib chiqaruvchi mavzularni masjid mehrobida turib muhokama qilmaslik, va'z-nasihatlarda odob-axloq, diniy-ma'rifiy qadriyatlarni asrab-avaylash, ibodatlarni to'g'ri va mukammal ado etish bo'yicha mo'min-musulmonlarga yo'l-yo'riq ko'rsatish haqida tushuntirish berildi.

Shuningdek, O'zbekiston musulmonlari idorasi tizimidagi barcha masjid xodimlari el-yurt manfaati va farovonligi yo'lida muqaddas dinimiz buyurgan amri ma'ruf va nahyi munkarda, jumladan, jamiyatda uchrab turadigan ayrim ijtimoiy illatlarga qarshi ma'rifiy targ'ibot olib borishda bardavom ekanini ma'lum qiladi hamda ushbu yo'nalishda davlat va jamoat tashkilotlari bilan yaqin hamkorlik munosabatlari mavjudligini ta'kidlaydi.

Buning yorqin dalili sifatida shu kunlarda taniqli ulamolarimiz Toshkent shahridagi masjidlar va boshqa turli tashkilotlarda amalga oshirayotgan ma'rifiy-tarbiyaviy suhbatlarni misol keltirish mumkin.

O'zbekiston musulmonlari idorasi diniy soha xodimlarini jamoaviy va ijtimoiy tarmoqlardagi chiqishlarda amaldagi qonunchilikka rioya etishga, amri ma'ruf va nahyi munkarni Hazrati Payg'ambarimiz Muhammad sollallohu alayhi vasallam sunnatlari asosida olib borishga chaqiradi. Fuqarolardan esa bunday mavzularni g'arazli maqsadlarda ijtimoiy tarmoqlarda ommalashtirmaslikni so'raydi.

 

O'zbekiston musulmonlari idorasi
Matbuot xizmati

Maqolalar
Boshqa maqolalar

Shaytonni kim vasvasa qildi?

16.01.2025   4440   3 min.
Shaytonni kim vasvasa qildi?

Bismillahir Rohmanir Rohiym

Biror marta o‘zingizga shu savolni berib ko‘rganmisiz?

Iblis Odamga sajda qilishdan bosh tortganida hali shayton yo‘q ediku, unga kim vasvasa qildi?
Bu barchamiz uchun juda jiddiy va o‘ta muhim savoldir...
Shayton Allohga osiy bo‘lganida, uning shaytoni kim edi?
Ushbu satrlarni o‘qing — bizning haqiqiy shaytonimiz kim ekanligini bilasiz!

"Nafs" so‘zi nihoyatda muhim ma’noni anglatadi va u Qur’oni karimda juda ko‘p oyatlarda zikr qilingan.
Alloh taolo "Qof" surasida bunday deydi:
"Biz insonni yaratdik va uning nafsi nimani vasvasa qilayotganini ham bilamiz. Biz unga yo‘g‘on tomiridan ham yaqinroqmiz" (Qof, 16).
Biz Allohga imon keltirganmiz, Uni zikr qilamiz, masjidda namoz o‘qiymiz, Qur’on o‘qiymiz, sadaqa qilamiz va hokazo...
Shunga qaramay, gunohlardan holi bo‘la olmaymiz. Nega?

Sababi shundaki, biz haqiqiy dushmanni qo‘yib, zaif va ojiz dushmanga qarshi boramiz. Alloh taolo bunday deydi:
"Darhaqiqat, shaytonning makri zaifdir" (Niso, 76).
Haqiqiy dushman bu — nafsdir. Ha, nafs insonning ichidagi soatli mina, yashirin xavfdir.

Alloh taolo "Isro" surasida bunday deydi:
"Kitobingni o‘qib chiq. Bugun nafsing senga hisobchi bo‘lishi yetarlidir" (Isro, 14).

Yana Alloh taolo "G‘ofir" surasida bunday deydi:
"Bugun har bir nafs qilgan amallariga yarasha mukofotlanadi. Zulm qilinmaydi" (G‘ofir, 17).

"Muddassir" surasida:
"Har bir nafs qilgan ishining garovidir" (Muddassir, 38).

"Noziat" surasida:
"Kim Robbining martabasidan qo‘rqib, nafsini havoyi istaklardan tiysa..." (Noziat, 40).

"Takvir" surasida:
"Har bir nafs qilgan amallarini bilib olar" (Takvir, 14).

Ko‘rib turganingizdek, bu oyatlarda asosan "nafs" haqida so‘z ketmoqda. Shunday ekan, nafs nima o‘zi?

Olimlar bunday deydi: ilgari Allohdan boshqa iloh sifatida sig‘inilgan butlar — Lot, Uzzo, Manot, Suvo’, Vadd, Yag‘us, Ya’uq va Nasr — barchasi yo‘q qilindi. Ammo bir soxta iloh borki, uni odamlar hanuz ham Allohdan o‘zgacha sevib, unga bo‘ysunadi. Bu iloh — nafs havosidir. Alloh taolo aytadi: "O‘z nafsini iloh qilib olgan kimsani ko‘rmadingizmi?" (Josiya, 23).

Nafs havosi insonni o‘z qo‘liga olsa, u na biror qonunga bo‘ysunadi, na bir diniy ta’limotga. Shundan uni o‘zi istagan narsasiini qilib yurganini ko‘rasiz.

Imom Busiriy o‘z qasidasida bunday deydi:
"Nafs va shaytonga qarshi chiq va u ikkisiga itoat qilma".

Qobil Hobilni o‘ldirgani haqida hikoya qilar ekan, Alloh taolo aytadi:
"Uning nafsi uni o‘z akasi Hobilni o‘ldirishga undadi..." (Moida, 30).

Biror odam gunohga qo‘l ursa va keyin afsuslanib tavba qilsa, undan:
— Nima seni bu gunohga boshladi? deb so‘rasangiz, u: "Nafsimning gapiga kirdim", deb aytadi.

Xulosa shuki, nafsimiz bizning eng katta dushmanimiz va biz uni doimo ta’qib qilishimiz lozimdir.

Homidjon domla ISHMATBЕKOV