Fitnachimisan, ey Muoz?
Muoz ibn Jabal roziyallohu anhu masjidda Rasululloh sollollohu alayhi vasallam bilan birga namoz o'qir edi. Qavmining oldiga borganida ularga ham namoz o'qib berar edi. Bir kuni u namozlaridan biriga Baqara surasini zam qildi. Namozda unga sahobalardan Harom ibn Milhon roziyallohu anhu iqtido qilgan edi. U namozini tez o'qib, so'ngra bog'iga borib xurmolarini sug'ormoqchi edi. Muoz namozni cho'zib yuborgach, Harom ibn Milhon namozni tark qildi. O'zi o'qib olib so'ngra bog'ini sug'organi ketdi. Muoz namozni tugatgach Harom ibn Milhon roziyallohu anhuning qilgan ishini unga boshqalar aytishdi. Shunda Muoz roziyallohu anhu: “U munofiqdir!”, dedi.
Harom ibn Milhon roziyallohu anhu Muoz roziyallohu anhuning gapini eshitgach, undan shikoyat qilib Rasululloh sollollohu alayhi vasallamning huzurlariga keldi. Muoz ham o'sha erda edi. Harom ibn Milhon dedi:
- Ey Allohning Rasuli! Men bog'imni sug'ormoqchi edim. Namoz o'qigani avval masjidga kirdim. Muoz namozni cho'zib yuborgach, namozni buzib o'zim o'qib oldim va bog'imni sug'organi ketdim. U esa meni munofiq debdi.
Shunda Rasululloh sollollohu alayhi vasallam Muozga qarab dedilar:
- Sen fitnachimisan, ey Muoz?! Namozni cho'zib yuborma. Ammo “Sabbihisma”ni, “Vash shamsi va zuhoha” va shularga o'xshashini o'qigin!
©️ shoshhanafiy
Toshkentda tarix va zamonaviy san’at uyg‘unlashgan yangi madaniy makon ochilmoqda
Joriy yil 6 sentyabr kuni poytaxtimizda Toshkent zamonaviy san’at markazi — CCA Tashkent o‘z eshiklarini ochadi. Bu shunchaki yangi muzey yoki ko‘rgazma zali emas, balki bir asrdan ziyod tarixga ega inshootga yangi hayot bag‘ishlangan yirik madaniy loyihadir.
Ma’lumot o‘rnida: 1912 yilda me’mor Vilgelm Geynzelman loyihasi asosida barpo etilgan bino dastlab tramvay deposi, keyinchalik dizel elektr stansiyasi sifatida foydalanilgan. Bugun esa uning tarixiy qiyofasi va industrial ruhini saqlagan holda, zamonaviy san’at, ta’lim, tadqiqot va madaniy muloqot markaziga aylantirildi.
Davlatimiz rahbari tashabbusi bilan amalga oshirilayotgan ushbu loyiha tarixiy merosni asrab-avaylash va unga zamonaviy mazmun berishning yorqin namunasidir.
Fransiyaning mashhur Studio KO byurosi tomonidan ishlab chiqilgan arxitektura konsepsiyasi tarixiy meros va zamonaviy infratuzilmani uyg‘unlashtirgan. Markazda ko‘rgazma zallari, ta’lim va jamoat maydonlari, kutubxona hamda tadqiqot infratuzilmasi faoliyat yuritadi.
Eng muhimi — bu yerda nafaqat tarix saqlab qolindi, balki unga yangi mazmun berildi. Ilgari energiya ishlab chiqarilgan makonda bugun ijod, yangi g‘oyalar, san’at va insonlar muloqotining yangi energiyasi yuzaga keladi.
CCA Tashkent nafaqat Toshkentning, balki Markaziy Osiyoning yangi madaniy joziba nuqtalaridan biriga aylanishi kutilmoqda.
Bu yerda zamonaviy san’at bilan bir qatorda ma’ruzalar, kinonamoyishlar, tadqiqotlar, munozaralar, konsertlar, performanslar va turli madaniy-ta’lim tadbirlari o‘tkaziladi.
