O'lganlarga qur'on tilovat qilishning xukmi xaqida
Barcha mo'min - musulmonlar o'tganlarga atab, Qur'on tilovat qilishga odatlanishgan. Turli mazxablarning ulomolari xam bu ishga o'z fatvolarini berganlar. Ammo ba'zi bir bemazxablar bu ishga xilof qilishib, ixtilof chiqarishga urinishmoqda. Ular dastlabki paytda bu ish bo'lmagan degan gap bilan odamlarni o'tganlarga atab qur'on tilovat qilishdan qaytaradilar. Bemazxablarning bu masalada avval aytib o'tilgan gapdan boshqa dalillari yo'q. Ammo “Dastlabki paytlarda bu ishning ommaviy ravishda bo'lmaganining o'zi uni qilmaslikka dalil bo'la oladimi ?” degan gap ularning xayollariga ham kelmaydi.Albatti qur'on tilovati eng afzal ibodatlardan bo'lib, u bilan musulmon banda Robbiga yaqin bo'ladi.Qur'on qiroati insonga manfaatli bo'lib, xoh vafotidan keyin bo'lsin, xoh manzilida yoki uyida bo'lsin, xoh janozadan keyin yoki oldin bo'lsin yoki qabr oldida bo'lsin, bu narsa shar'iy xukmda joiz xisoblanadi va Alloh taoloning fazli bilan mayyitning qabrida azoblar engillashiga sabab bo'ladi. Bu xaqda Rasululloh (s.a.v) xabar berib, o'liklarga qur'on qiroat qilishga undaganlar “Biror mayyitga “Yasin” surasi o'qilsa, engillik bo'ladi” deganlar. Albatta, ushbu qur'on tilovati odoblariga amal qilib, xarflarni o'z maxrajidan chiqarish kerak. Hanafiy mazxabidagilar mayyitga xam , tirklarga xam qur'on qiroatining savobi etib borishi joizligini aytishgan. “Hidoya, Badoi'” va boshqa kitoblarda bayon qilingan. Shuningdek Shofe'iy mazxabi ulomolari xam qiroatning savobi , agar o'quvchi Alloh taolodan so'rasa, mayyitga etib borishini aytishgan. Ibn Abu Zayd (r.a) “Risola” kitobida Ibn Faxrundan rivoyat qilib aytishicha, Molikiy mazxabi imomlari xam mayyitga qiroat savobi borishini aytishgan. Hanbaliy faqixlaridan Ibn Qudoma (r.a) “Mayyit barcha qurbat bo'luvchi narsalardan manfaat oladi. Demak inson qanday qurbat qilsa xam, savobini mayyitga bag'ishlasa, Alloh taoloning izni bilan manfaat oladi” deganlar.
Hulosa qilib aytadigan bo'lsak , qur'on tilovati mayyitga , xoh u mayyit qabrda bo'lsin yoki uzoqda bo'lsin, joizdir. Alloh taoloning izni bilan savobi mayyitga etib boradi. Hususan, qori qiroati savobini mayyitga bag'ishlasa.
Jarqo'rg'on tuman “Oq qo'rg'on” jome masjidi imom-xatibi A.Halilov
Anjuman diniy sohada zamoniy kadrlar tayyorlash yo‘lidagi muhim qadam bo‘ldi
Joriy yilning 19-20 avgust kunlari bo‘lib o‘tgan nufuzli anjuman diniy ta’lim tizimini sifat jihatidan yangi bosqichga olib chiqish, ilmiy-tadqiqot ishlari ko‘lamini kengaytirish va sohaga ilg‘or pedagogik yondashuvlarni tatbiq etish va zamon talabiga mos kadrlar tayyorlashda yo‘lidagi salmoqli amaliy qadam bo‘ldi.
Tadbirlar davomida sohaga oid ilmiy ma’ruzalar bilan bir qatorda Oliy Majlis Qonunchilik palatasi, Raqamli ta’lim va sun’iy intellektni rivojlantirish markazi hamda ilmiy-tadqiqot sohasining yetakchi mutaxassislari tomonidan ma’naviy-ma’rifiy taraqqiyot, diniy ta’limda raqamli transformatsiya, sun’iy intellekt va ilmmetriya masalalariga bag‘ishlangan mahorat darslari ham o‘tkazildi. Mashg‘ulotlar tizimda zamonaviy yondashuvlarni ommalashtirish, dars jarayonlarida yangicha uslublarni qo‘llash hamda soha vakillarining kasbiy mahoratini oshirishga xizmat qiladi.
Shuningdek, anjuman doirasida oliy va o‘rta maxsus diniy ta’lim muassasalari professor-o‘qituvchilarining muhtaram Prezidentimizga yo‘llagan Murojaatnomasi o‘qib eshittirildi.
Unda so‘nggi yillarda diniy-ma’rifiy sohani tubdan rivojlantirish, milliy va diniy qadriyatlarimizni tiklash hamda ulug‘ ajdodlarimizning boy ma’naviy merosini o‘rganish va diniy ta’limni rivojlantirish borasida olib borilayotgan tarixiy islohotlar alohida e’tirof etildi. Jumladan, Mir Arab oliy madrasasi, Hadis ilmi maktabi, Imom Termiziy islom instituti kabi diniy ta’lim maskanlari, Imom Buxoriy, Imom Termiziy, Imom Moturidiy va Bahouddin Naqshband kabi xalqaro ilmiy-tadqiqot markazlari tashkil etilishi yurtimizda ma’rifat ahli uchun keng imkoniyatlar ochgani ta’kidlandi.
O‘z navbatida, pedagoglar ushbu yuksak e’tibor va shart-sharoitlar uchun Davlatimiz Rahbariga minnatdorlik bildirib, bunga javoban yoshlarni Vatanga muhabbat va umuminsoniy qadriyatlarga hurmat ruhida tarbiyalash, Islom dinining asl insonparvarlik g‘oyalarini o‘zlashtirgan va sohada yetuk kadrlarni tayyorlashini ta’kidladilar.
Bo‘lib o‘tgan anjuman diniy ta’lim tizimini yangi bosqichga olib chiqish, innovatsion va raqamli texnologiyalarni o‘quv jarayoniga tatbiq etish hamda sohada yuqori malakali, zamon bilan hamnafas mutaxassislarni tayyorlashda muhim poydevor bo‘lib xizmat qiladi.
O‘zbekiston musulmonlari idorasi Matbuot xizmati
- «
- »