Mazhabga ergashaylik!
Asrlar osha diyorimiz musulmonlari bir mazhabga ergashib kelishgan.
Ammo, hozirgi kunlarda hanafiy mazhabiga ergashib kelayotgan sizu- biz musulmonlarni taqlid qiluvchi gumrohlar deya ayblayotgan toifalar paydo bӯlishgan.
Ularning, mujtahid imomlarga ergashish, ularga taqlid qilish harom va shirk, ularga taqlid qiluvchilar esa gumrohlar deb aytayotgan gaplariga raddiya sifatida quyidagi hujjat va dalillarni keltiramiz.
"Agar bilmaydigan bӯlsangiz, zikr ahllaridan sӯrangiz " (Nahl surasi 43- oyat) .
Huzayfa roziyallohu anhu aytadilar: Biz Nabiy sollallohu alayhi vasallamning huzurida ediki. U zot: " Men sizlarning orangizda yana qancha yashashimni bilmayman. Shuning uchun mendan keyin Abu Bakr va Umarga ergashinglar " - deya ishora qildilar (Imom Termiziy rivoyati).
"Majmuatul fatovo " kitobida Shoh Valiyulloh Dehlaviyning quyidagi sӯzlari keltirilgan: " Hindiston va Movarounnahr yurtlarida Shofeiy , Molikiy va Hanbaliy mazhabi tarqalmagan va kitoblari ham etib kelmagan. Shuning uchun ushbu diyorlarda yashovchi, ijtihod qilish darajasiga etmagan kishilarga Abu Hanifa mazhabiga ergashishlik vojib bӯladi " .
Shunday ekan bemazhablikga chaqirayotgan kimsalarning: " Men qur'on va hadisdan ӯzim hukm olaman " degan, ixtilofni va ummat birligiga rahna soluvchi notӯg'ri da'volariga quloq solmaylik.
Aksincha, bemazhablikga yuz tutmay, ӯtgan ajdodlarimiz kabi Hanafiy mazhabiga amal qilib va unda sobit turaylik!
Abdullaxon Mirzayev
Denov tuman "Muhammadqul" jome' masjidi imom-xatibi.
Taniqli ulamolar "Imom Buxoriy" ordeni bilan taqdirlandi
Prezidentimizning "O‘zbekiston Respublikasi mustaqilligining o‘ttiz besh yilligi munosabati bilan fan, ta’lim, sog‘liqni saqlash, sport, madaniyat va san’at sohalari hamda ommaviy axborot vositalari xodimlaridan bir guruhini mukofotlash to‘g‘risida"gi Farmoni e’lon qilindi.
Bugungi kunning eng quvonchli xabari shuki, diniy-ma’rifiy sohada fidokorona xizmat qilib kelayotgan, xalqimizning ma’naviy yuksalishiga beqiyos hissa qo‘shayotgan taniqli ulamolarimiz va faxriylarimizning jonkuyar mehnatlari yuksak darajada e’tirof etildi!
Ularning haq yo‘ldagi sa’y-harakatlari, ma’rifat tarqatishdagi fidoyiliklari davlatimiz tomonidan yuksak orden bilan munosib taqdirlandi. Bu nafaqat ularning shaxsiy yutuqlari, balki butun diniy-ma’rifiy jamoamiz uchun katta sharaf va cheksiz quvonchdir!!
"Imom Buxoriy" ordeni:
O‘zbekiston musulmonlari idorasi raisining birinchi o‘rinbosari Homidjon domla Ishmatbekov;
O‘zbekiston musulmonlari idorasi Faxriylar kengashi raisi Shayx Abdulaziz Mansur;
Samarqand viloyati Payariq tumani "Imom al-Buxoriy" jome masjidi faxriy imomi Mahmudjon domla Ibodullayev;
Buxoro viloyati Kogon tumani "Bahouddin Naqshband" masjidi imom-xatibi Abdug‘ofur domla Razzoqov.
O‘zbekiston musulmonlari idorasining butun jamoasi, davlatimizning yuksak mukofotlariga sazovor bo‘lgan aziz ulamolarimiz va fidoiy xodimlarimizni chin qalbdan, samimiy muborakbod etadi!
Sizlarga Alloh taolodan mustahkam sihat-salomatlik, oilaviy hayotingizga fayzu baraka, xonadonlaringizga tinchlik-xotirjamlik tilaymiz. Kelgusi xayrli faoliyatlaringizda yanada ulkan zafarlar, ezgu maqsadlaringizga erishishda doimiy muvaffaqiyatlar yor bo‘lishini tilaymiz!
Hamisha elu yurtning duosida bo‘lib, dinimizga, Vatanimizga xizmat qilish sharafi bardavom bo‘lsin!
O‘zbekiston musulmonlari idorasi Matbuot xizmati
