Ash'ariy va Moturidiy
«Shuni bilib olmoq lozimki, Abul Hasan va Abu Mansur - Alloh ulardan rozi bo'lsin va Islom nomidan yaxshilik-la mukofotlasin - o'zlaridan kelib chiqib biror fikr aytmadilar va yangi mazhabni paydo qilmadilar. Albatta, bu zotlar salafi solihlar mazhabini qaror toptirdilar va Rasululloh sollallohu alayhi vasallamning sahobalarining yo'liga muvofiq keldilar. U zotlardan biri Shofe'iy mazhabining va xujjatlarining nusratida turgan bo'lsalar, boshqalari Hanafiy mazhabining va xujjatlarining nusratida qoim turdilar. U zotlarning har ikkalalari bid'at va zalolat ahliga qarshi munozara qildilar va ularni er bilan yakson qilib, g'alaba qozondilar. Darhaqiqat, bu haqiqiy jihodning aslidir! Odamlarning o'zlarini u zotlarga nisbat berishiga kelsak, u zotlarning har biri salafi solihlar yo'liga bir arqonni bog'ladilar, uni mahkam tutdilar va unga xujjat va dalillarni keltirdilar. Natijada ushbu yo'lda yurgan va dalillarga ergashgan kishiga «Ash'ariy» va «Moturidiy» nomi ishlatiladigan bo'ldi».
«Ithofu saadatil muttaqiyn bi sharhi ihyoi ulumid din» asaridan
2/6-7 B, Imom Murtazo Zabiydiy rohimahulloh
Taniqli ulamolar "Imom Buxoriy" ordeni bilan taqdirlandi
Prezidentimizning "O‘zbekiston Respublikasi mustaqilligining o‘ttiz besh yilligi munosabati bilan fan, ta’lim, sog‘liqni saqlash, sport, madaniyat va san’at sohalari hamda ommaviy axborot vositalari xodimlaridan bir guruhini mukofotlash to‘g‘risida"gi Farmoni e’lon qilindi.
Bugungi kunning eng quvonchli xabari shuki, diniy-ma’rifiy sohada fidokorona xizmat qilib kelayotgan, xalqimizning ma’naviy yuksalishiga beqiyos hissa qo‘shayotgan taniqli ulamolarimiz va faxriylarimizning jonkuyar mehnatlari yuksak darajada e’tirof etildi!
Ularning haq yo‘ldagi sa’y-harakatlari, ma’rifat tarqatishdagi fidoyiliklari davlatimiz tomonidan yuksak orden bilan munosib taqdirlandi. Bu nafaqat ularning shaxsiy yutuqlari, balki butun diniy-ma’rifiy jamoamiz uchun katta sharaf va cheksiz quvonchdir!!
"Imom Buxoriy" ordeni:
O‘zbekiston musulmonlari idorasi raisining birinchi o‘rinbosari Homidjon domla Ishmatbekov;
O‘zbekiston musulmonlari idorasi Faxriylar kengashi raisi Shayx Abdulaziz Mansur;
Samarqand viloyati Payariq tumani "Imom al-Buxoriy" jome masjidi faxriy imomi Mahmudjon domla Ibodullayev;
Buxoro viloyati Kogon tumani "Bahouddin Naqshband" masjidi imom-xatibi Abdug‘ofur domla Razzoqov.
O‘zbekiston musulmonlari idorasining butun jamoasi, davlatimizning yuksak mukofotlariga sazovor bo‘lgan aziz ulamolarimiz va fidoiy xodimlarimizni chin qalbdan, samimiy muborakbod etadi!
Sizlarga Alloh taolodan mustahkam sihat-salomatlik, oilaviy hayotingizga fayzu baraka, xonadonlaringizga tinchlik-xotirjamlik tilaymiz. Kelgusi xayrli faoliyatlaringizda yanada ulkan zafarlar, ezgu maqsadlaringizga erishishda doimiy muvaffaqiyatlar yor bo‘lishini tilaymiz!
Hamisha elu yurtning duosida bo‘lib, dinimizga, Vatanimizga xizmat qilish sharafi bardavom bo‘lsin!
O‘zbekiston musulmonlari idorasi Matbuot xizmati
