Islom buzg'unchi g'oyalarga qarshi
Alloh taolo marhamat qiladi: “Ey iymon keltirganlar!Barchangiz yoppasiga tinchlik ishiga kirishingiz” (Baqara surasi 208-oyat)
Payg'ambarimiz sollalohu alayhi va sallam bunday dedilar: “Musulmonlar uning tili va qo'lidan omonda bo'lgan kishi chin musulmondir” (Imom Buxoriy rivoyati)Haqiqiy musulmon kishi boshqalarga ozor berish haqida emas, balki oilasi tinchligi, yashab turgan joyini obod qilish, buguni va ertasi haqida qayg'uradi, atrofdagilarga yaxshilik ulashadi. Bugungi kunda ijtimoiy tarmoqlarda o'zlariga qandaydir taxalluslarni qo'yib olib yoshlarni buzg'unchi g'oyalar girdobiga torayotgan, musulmon olamiga fitna solayotgan Abu Saloh, Mahmud Abdimo'min, Sodiq Samarqandiy, Abdulloh Zufarlar kim o'zi?, degan savol tug'iladi. Bularning ilmiy darajalari bormi? Yo'q albatta. Bir so'z bilan aytganda ular buzg'unchidir. Terrorizm – jamiyatda osoyishtalikni izdan chiqarish, odamlarni qo'rqitish, kuch ishlatish, zo'rovonlik qilish, odamlarni qirib tashlash, qo'rqitish orqali pul undirish kabi maqsadlarni ko'zlovchi oqim. Ekstemizm esa jamiyatdagi qonun – qoidalarga zid radikal qarash va harakatlarni ifodalaydi. Terrorizm va eksremizmning asosiy maqsadi siyosiy jarayon bilan bog'liq bo'lib, hokimiyatni egallash, jamiyat osoyishtaligi va xavfsizligiga tahdid solib, insonlar ongini puch g'oyalari bilan zaharlashdan iborat. Yuqorida ta'kidlab o'tilgan shaxslar shular jumlasidandir. Butun dunyo ulomalari din niqobi ostida turli harakatlarni amalga oshirayotgan terroristik va ekstremistik oqimlarning hatti harakatlarini qoralab, ularning qilayotgan ishi Islom diniga umuman aloqasi yo'qligiga ittifoq qilishgan.
Islom – tinchlik va xotirjamlik dini. Uni har qanday buzg'unchi oqimlar ta'siridan saqlaylik. Dinimiz ta'limotiga oid masalalarni , avvalo, masjid imom-xatiblaridan so'rab, ishonchli diniy – ma'rifiy kitoblar, internet tarmog'idagi saytlardan o'qib o'rganaylik.
Uychi tumani
"Devonabobo" jome masjidi imom-xatibi
Abdufattoh Musaxanov
Saudiya matbuoti: O‘zbekiston madaniy-gumanitar, turizm sohalarida xalqaro hamkorlikni kengaytirmoqda
Saudiya Arabistonining nufuzli OAVda O‘zbekistonning madaniy-gumanitar, turizm va sport sohalaridagi xalqaro hamkorligi hamda mamlakatda bo‘lib o‘tadigan yirik tadbirlarga bag‘ishlangan tahliliy maqolalar e’lon qilindi, deb xabar bermoqda “Dunyo” AA muxbiri.
Xususan, Saudiya Arabistonining “Amwaj” nashrida joriy yilning 24–29 avgust kunlari Toshkentda “Islom sivilizatsiyasi: yangicha nigoh, yangi kashfiyotlar” mavzusida xalqaro mediaforum o‘tkazilishi keng yoritildi.
O‘zbekistondagi Islom sivilizatsiyasi markazida bo‘lib o‘tadigan ushbu yirik tadbirga yetakchi xorijiy jurnalistlar va xalqaro ekspertlar to‘planishi qayd etilgan. Forum dasturi yalpi majlislar, talabalar uchun mahorat darslari, mediaturlar va Samarqandning tarixiy obidalarini ziyorat qilishni o‘z ichiga oladi hamda O‘zbekiston davlat mustaqilligining 35 yilligini nishonlashga bag‘ishlanadi.
Shuningdek, nashrda Samarqandda O‘zbekiston Turizm qo‘mitasi tomonidan tashkil etilgan birinchi O‘zbekiston–Gruziya turizm forumi ham yoritilgan. Ta’kidlanishicha, tadbir O‘zbekiston Prezidenti Shavkat Mirziyoyevning Gruziyaga davlat tashrifi chog‘ida erishilgan kelishuvlarning amaliy ifodasi bo‘ldi.
Tomonlar qo‘shma sayyohlik mahsulotlarini yaratish, to‘g‘ridan to‘g‘ri aviaqatnovlarni kengaytirish va turizmning yangi turlarini rivojlantirish masalalarini muhokama qilgan. Gruziyadan kelayotgan sayyohlar oqimining sezilarli darajada oshgani va O‘zbekiston turizm sohasining umumiy ko‘rsatkichlari yuqori ekani qayd etilgan.
“Saudi Press Agency” axborot agentligi Jidda shahrida Saudiya Arabistoni Islom ishlari, da’vat va irshod vazirligi hamda O‘zbekiston Din ishlari bo‘yicha qo‘mitasi o‘rtasidagi Anglashuv memorandumiga doir ijro dasturi imzolangani haqida xabar berdi.
Ushbu hujjat mo‘tadillik tamoyillarini mustahkamlash, ekstremizmga qarshi kurashish, voiz va imomlar uchun o‘quv kurslarini tashkil etish, Qur’oni Karim ma’nolarini o‘rganish va yoyish sohasidagi hamkorlikni rivojlantirishga qaratilgan.
O‘zbekiston musulmonlari idorasi Matbuot xizmati
