“Qozon Qur'oni” ko'rgazmasi bahorgacha davom etadi
Islom madaniyati muzeyida joylashgan “Qozon Qur'oni” ko'rgazmasi 2024 yil 29 fevraliga qadar uzaytirildi.
Bu haqda “Qozon Kreml” muzey-qo'riqxonasi matbuot xizmati ma'lum qildi.
Ko'rgazmada Qozon federal universiteti ilmiy kutubxonasi fondidan noyob buyumlar taqdim etilgan. Bular 18 asrdagi Qur'oni karimning tatar qo'lyozmalari, 1803 yildagi Qur'oni karimning birinchi bosma nashrlari, Qozon Qur'onlari hodisasini o'rgangan tatar diniy arboblarining qo'lyozma va kitoblaridir. Mazkur kitoblarning mualliflari tatar etuk ulamolari Shig'abutdin Marjoniy, Rizautdin Faxretdin, Musa Bigiyevlar sanaladi.
O'zbekiston musulmonlari idorasi
Matbuot xizmati
Buxoroda Qur’on musobaqasi o‘tkazildi
O‘zbekiston Respublikasi Davlat mustaqilligining 35 yilligi munosabati bilan Buxoro viloyatida faoliyat olib borayotgan imom-xatib va imom-noiblar o‘rtasida “Qur’on tinchlikka buyuradi” shiori ostida Qur’on musobaqasi o‘tkazildi.
Ochilish marosimida Buxoro viloyati bosh imom-xatibi Jobir domla Elov so‘zga chiqib, mazkur ma’rifiy tadbirning ahamiyati haqida so‘zlab, ishtirokchilarga muvaffaqiyat tiladi.
Musobaqani o‘tkazishdan ko‘zlangan maqsad diniy soha xodimlarining Qur’oni karim bo‘yicha bilim va mahoratini yanada oshirish, ular o‘rtasida o‘zaro hamjihatlik muhitini shakllantirishdir.
Bellashuvda viloyatning tuman va shaharlarida faoliyat yuritayotgan 10 nafar imom-xatib va imom-noib ishtirok etib, Qur’oni karimni o‘qish va yoddan bilish borasidagi bilim va mahoratini namoyish etishdi.
Birinchi o‘ringa Peshku tumani “Chiqirchi” jome masjidi imom-noibi Afzal Shavkatov sazovor bo‘ldi. Ikkinchi o‘rin Buxoro shahridagi “Volidi Abdulazizxon” jome masjidi imom-noibi Abduvohid Akramovga, uchinchi o‘rin Jondor tumani “Raboto‘g‘lon” jome masjidi imom-xatibi Shuhrat Sherovga nasib etdi.
G‘oliblarga diplom va qimmatbaho sovg‘alar topshirildi.
O‘zbekiston musulmonlari idorasi
Matbuot xizmati
