Navbatdagi sayyor uchrashuv
Samarqand viloyati imom-xatiblari insonga e'tiborni yanada kuchaytirish, ularga yaqin bo'lish, muammo va kamchiliklarini bartaraf etishda ko'makdosh bo'lish maqsadida shahar va tuman bosh imom-xatiblari bugun Urgut tumanida yig'ildilar.
Urgut tumanidagi 31 ta masjid imom-xatiblari bilan hamkorlikda 155 dan ziyod xonodonlarga, 31 ta mahallalarga tashrif buyurib ularga moddiy yordamlar ko'rsatilishi, nizoli va muammoli holatlar mahalla ishtirokida bartaraf etilishi va Peshin namozida esa jamoat bilan diniy ma'rifiy suhbatlar o'tkazilishi rejalashtirilgan.
Alloh taolo bu xayrli ishlarni bardavom va manfaatli qilsin.
Sayyor uchrashuv va suhbatlar davom etadi.
Toshkent islom institutida “Xatoba” fanidan yangi o‘quv mashg‘ulotlari boshlandi
Imom Buxoriy nomidagi Toshkent islom institutining Modul ta’lim tizimida yangi o‘quv mashg‘ulotlari boshlandi.
12 sentyabr kuni Toshkent shahar bosh imom-xatibi Abduqahhor domla Yunusov talabalar uchun «Xatoba» (notiqlik san’ati) fanidan ilk darsni o‘tib berdi.
Mashg‘ulot davomida ustoz va’z-nasihat qilish san’ati, minbar odoblari, tinglovchi bilan jonli muloqot o‘rnatish sirlari hamda bugungi kun imom-xatibi zimmasidagi mas’uliyatli vazifalarga alohida to‘xtaldi. Notiqlik mahoratiga oid nozik jihatlar hayotiy va amaliy misollar orqali ochib berildi.
Qizg‘in va samimiy ruhda o‘tgan dars so‘nggida talabalar o‘zlarini qiziqtirgan savollarga atroflicha javob oldilar.
O‘zbekiston musulmonlari idorasi
Matbuot xizmati
