Азиз muslim.uz сайти мухлислари! Сизларга тақдим қилмоқчи бўлган янги “Етти кунга етти китоб” лойиҳасида ҳафтанинг ҳар бир кунида дунёдаги машҳур китобларнинг ўзбек тилдаги таржималари, диёримиздаги уламолар тафсири ва бошқа китоблари, сийрат, фиқҳ, ақида, тасаввуфга доир энг сара китобларнинг электрон кўринишини тартиб билан ўқувчилар эътиборига тақдим этиб борилади.
Қўйиб бориладиган китоблар мавзулари:
1. Қуръон
2. Ҳадис
3. Ақида
4. Фиқҳ
5. Сийрат
6. Тасаввуф
7. Муҳим мавзулар
Ўқигувчиларимизга манфаат етказа олсак хизматимиздан беҳад мамнунмиз.
Ўзбекистон мусулмонлари идораси Матбуот хизмати
Бисмиллаҳир Роҳманир Роҳийм
Фарз қилинган закот чўнтаклардан олинадиган солиқ эмас, балки у энг аввало инсонларга меҳр-мурувват ва раҳм-шафқат туйғу, шиорларини сингдириш, турли табақалар ўртасида танишув ва улфатлик муносабатларини мустаҳкамлашдир. Қуръони Каримда закот беришдан мақсад, ғоя баён этилиб, Расулуллоҳ соллаллоҳу алайҳи васалламга хитобан: "Молларидан садақа ол. Бу билан уларни поклайсан, тозалайсан. Уларнинг ҳаққига дуо қил. Албатта, дуойинг улар учун таскиндир. Аллоҳ ўта эшитувчидир, ўта билувчидир" (Тавба сураси, 103-оят) дейилган.
Шунингдек, закот жорий этилишининг энг муҳим ҳикматларидан бири, нафсни тубанлик кирлигидан тозалаш ва жамиятни олий даражага кўтаришдан иборатдир.
Шайх Муҳаммад Ғаззолий раҳимаҳуллоҳ.
Изоҳ: Набий соллаллоҳу алайҳи васаллам: "Закот — Исломнинг кўпригидир" деганлар. Закот бериш билан бевалар, етимлар, ногиронлар ва муҳтожларга ғамхўрлик қилинади. У инсонлар ўртасида алоқаларни яхшилаб, бойлар ва камбағаллар ўртасидаги кўприк.