Савол ва жавоблар

Savol: ISTIG'FORNI AYTILISHINI AYTIB BERSANGIZ. 2) AGARDA NAMOZNI JAMOATSIZ YO ONAM YOKI SINGLIM BILAN BIR SAFDA O'QISA BO'LADIMI?

Жавоб: Истиғфор сўзининг маъноси банданинг Аллоҳ таолодан мағфират (гуноҳларини кечиришини) сўрашидир. Бунинг лафзлари: Астағфируллоҳ, Астағфируллоҳал-ъазийм каби лафзлардир. Истиғфорнинг гўзали қуйидаги истиғфор бўлиб, уни Расулуллоҳ соллаллоҳу алайҳи васаллам саййидул-истиғфор деб номлаганлар: Шаддод ибн Авс розияллоҳу анҳудан ривоят қилинади: “Пайғамбар соллаллоҳу алайҳи васаллам: “Саййидул-истиғфор – » اللَّهُمَّ أَنْتَ رَبِّي لَا إِلَهَ إِلَّا أَنْتَ خَلَقْتَنِي وَأَنَا عَبْدُكَ وَأَنَا عَلَى عَهْدِكَ وَوَعْدِكَ مَا اسْتَطَعْتُ أَعُوذُ بِكَ مِنْ شَرِّ مَا صَنَعْتُ أَبُوءُ لَكَ بِنِعْمَتِكَ عَلَيَّ وَأَبُوءُ لَكَ بِذَنْبِي فَاغْفِرْ لِي فَإِنَّهُ لَا يَغْفِرُ الذُّنُوبَ إِلَّا أَنْتَ« “Аллоҳумма анта Роббий, лаа илааҳа иллаа анта, холақтаний, ва ана ъабдука, ва ана ъалаа ъаҳдика ва ваъдика мастатоъту, аъузубика мин шарри маа сонаъту, абуу’у лака бинеъматика ъалаййя, ва абуу’у лака бизанбий, фағфирлий, фа-иннаҳу лаа яғфируз-зунууба иллаа анта”, деб айтишингдир”, дедилар ва: “Ким буни кундузи ишонч билан айтса ва шу куни кеч киришидан олдин вафот этса, у жаннат аҳлидан бўлади. Ким буни тунда ишонч билан айтса ва тонг отишидан олдин вафот этса, у жаннат аҳлидан бўлади”, дедилар”. Имом Бухорий ривоят қилган. Саййидул-истиғфорнинг маъноси: “Эй Аллоҳ, Сен менинг Роббимсан. Сендан ўзга илоҳ йўқдир. Мени Сен яратгансан. Мен Сенинг бандангман. Мен кучим етганича, Сен билан аҳдлашган ва ваъдалашган сўзимда тураман. Қилган гуноҳларим ёмонлигидан Сендан паноҳ сўрайман. Менга берган неъматингни эътироф қиламан. Гуноҳимни ҳам эътироф қиламан. Мени мағфират қилгин. Зеро, Сендан ўзга гуноҳларни мағфират қилувчи зот йўқдир”. 2. Ҳа, онангиз ёки синглингиз билан бирга жамоат бўлиб намоз ўқишингиз жоиздир. Бунда улар орқа сафда туришади. Валлоҳу аълам.

Савол: Дастурхонга омин килишнинг исломда ӯз одоби борми? 2. Қуръони карим маъноларининг узбекча таржимасини тахоратсиз ҳолатда ҳам ӯқиса бӯладими?

1. Бу ҳақида бир қанча ҳадсилар ворид бўлган. Жумладан: Абу Саид Худрий розияллоҳу анҳудан ривоят қилинади: “Набий соллаллоҳу алайҳи васаллам таом есалар ёки ичимлик ичсалар, “Алҳамду лиллаҳиллазий атъаманаа ва сақонаа ва жаъаланаа муслимийн”, дер эдилар”. Аҳмад, Абу Довуд, Термизий ва Ибн Можалар ривоят қилишган. Маъноси: “Бизни едирган, ичирган ва мусулмонлардан қилган Аллоҳга ҳамдлар бўлсин”. 2. Агар арабий оятлар билан тафсир ёки маънолар таржимаси аралашган ёзилган бўлиб, маънолар таржимаси оятлардан кўра кўпроқ бўлса, уни ушлашни жоиз дейишган.

Savol: Kelin qaynotani tirnog'ini olsa bo'ladimi . Keyin seshanba, shanba kunlari kechqurun tirnoq olib bo'lmaydi deyishadi ? Iltmos shu savolarga oydinlik kiritib bersangiz.

1. Йўқ, келин қайнотани тирноғини олмагани маъқул. Чунки айрим сабабларга кўра, мазкур келин эрига абадий ҳаром бўлиб қолиши мумкин. Бу ҳолатлардан ниҳоятда эҳтиёт бўлиш лозим. Чунки агар қайнота келинини ёки келини қайнотасини қасддан бўлсин ёки хато қилиб, тўсиқ билан (баданнинг ҳароратини сезадиган даражада) бўлсин ёки тўсиқсиз бўлсин, шаҳват билан ушласа, ўғлига келини ҳаром бўлиб қолади. Бу ўринларда агарчи ёмон хаёлга борилмаса ҳам, ёмонликка олиб борувчи эшик очилиши ва шайтон фурсатдан фойдаланиб, фитнани ташлаши мумкиндир. Шу ўринда баъзи оилаларда маданият саналиб, келинларнинг қайноталари билан қўл беришиб ёки юздан ўпиб кўришишлари келиннинг эри билан никоҳини қайта тиклаб бўлмайдиган даражада бутунлай бузилиб кетишига сабаб бўлишидан огоҳлантириб қўйишимиз даркордир. 2. Тирноқ олишга муайян кун тайин қилинмаган. Валлоҳу аълам.

Savol: Meni bir do'stim bor. Yoshi 20 da xohlaganini qilib, qizlar bilan yuradi. Bu odamga qanday qiz uchraydi?

Аллоҳ таоло Нур сурасининг 26-оятида шундай деган: “Нопок аёллар нопок эркаклар учун (лойиқ)дир, нопок эркаклар нопок аёллар учун (лойиқ)дир. Покиза аёллар покиза эркаклар учун, покиза эрлар покиза аёллар учундир”. Шўро сурасининг 40-оятида шундай дейилган: “(Ҳар қандай) ёмонликнинг жазоси худди ўзига ўхшаш ёмонликдир”. Шунга кўра, мазкур сиз айтган ишни қилаётган йигитлар эҳтиёт бўлишлари лозим. Чунки Аллоҳ таоло уларни қилмишига яраша жазолайди. Шунингдек, ўзлари ўйнашиб юрган қизларнинг ўрнига ўзининг онаси, опа-синглиси, бўлажак турмуш ўртоғи ва қизини қўйиб кўрсин. Аллоҳ таоло шу томондан уни жазолаши мумкин!

Savol: Men namoz o'qiyman yoshim 14 da. Onamning o'rniga ham o'qisam bo'ladimi ular o'qiy olmaydilar.

Жавоб: Аллоҳу акбар! Аллоҳ таоло сиз каби онаси учун қайғурадиган, меҳрибон ва фидойи бўлган солиҳ фарзандларни кўпайтирсин! Ота-онангизга сиз сабабли, қиёмат куни иззат тожини кийиш насиб қилсин! Саволингизга келсак, намоз баданий ибодат бўлгани учун онангизнинг номидан сиз ўқий олмайсиз. Лекин намозингизнинг савобини онангизга ҳадя қилишингиз мумкин. Аммо бу нарса онангизнинг зиммасидан намозни соқит қилмайди. Валлоҳу аълам.

Батафсил савол ва жавоблар учун: "savollar.muslim.uz" га киринг

Аудиомаърузалар

muslim.uz
- Март 11, 2017
- 0
muslim.uz
- Март 03, 2017
- 0
Азизхўжа Иноятов. "Чор Бакр" жоме масжиди имом хатиби
muslim.uz
- Март 02, 2017
- 0
Анвар қори Турсунов. Тошкент шаҳар бош имом хатиби
muslim.uz
- Фев 21, 2017
- 0
Раҳматуллоҳ Сайфутдинов. Мирза Юсуф жоме масжиди имом хатиби  
muslim.uz
- Фев 15, 2017
- 0
Раҳимберди Раҳмонов.  “Хўжа Аламбардор” жоме масжиди имом-хатиби
muslim.uz
- Фев 13, 2017
- 0
Исҳоқ Муҳаммад. Тўхтабой жоме масжиди имом хатиби
muslim.uz
- Фев 12, 2017
- 0
Одилхон қори Исмоилов. Шайх Зайниддин жоме масжиди имом-хатиби

 

Hide Main content block

Медиа

Top
We use cookies to improve our website. By continuing to use this website, you are giving consent to cookies being used. More details…