Сайт тест ҳолатида ишламоқда!
29 Апрел, 2025   |   1 Зулқаъда, 1446

Тошкент шаҳри
Бомдод
03:55
Қуёш
05:23
Пешин
12:25
Аср
17:15
Шом
19:21
Хуфтон
20:44
Bismillah
29 Апрел, 2025, 1 Зулқаъда, 1446

Раддия: Азонни овоз кучайтиргичда айтиш тўхтагани йўқ!

31.10.2019   5203   1 min.
Раддия: Азонни овоз кучайтиргичда айтиш тўхтагани йўқ!

Куни кеча ижтимоий тармоқларда “Мусулмонлар идораси тавсияси билан овоз кучайтиргичда азон айтиш тўхтатилди”, деган сарлавҳа билан бошланган хабарда гўёки Наманган шаҳридаги масжидларда азонни овоз кучайтиргичлар орқали айтиш тўхтатилгани иддао қилинган. Ушбу бўҳтон маълумот ижтимоий тармоқларда баҳс-мунозаларга сабаб бўлмоқда.

Ўзбекистон мусулмонлари идораси бу воқеанинг келиб чиқиш сабабларига аниқлик киритиш мақсадида, Наманган вилояти вакиллиги мутахассислари билан боғланди. Ушбу вилоят вакиллиги масъул ходимлари ва мазкур ҳудуддаги жоме масжидлар имом-хатиблари Наманган шаҳридаги масжидларда азонни овоз кучайтиргичлар орқали айтиш тўхтатилгани ҳақидаги хабар мутлақо ёлғон ҳамда асоссиз эканини қатъий таъкидладилар.

Аллоҳ таолонинг изни ила диёримиз масжидларида мўмин-мусулмонларни намозга чорловчи азон садолари бундан буён ҳам янграйверади. Бунинг исботи сифатида мамлакатимизнинг барча ҳудудларидаги масжидларда мусулмонларимизни намозга чорлаётган, шу жумладан кучайтиричлар орқали айтилаётган азон садолари далил бўлади.

Шу ўринда айтиш керакки, ижтимоий тармоқларда турли хил ёлғон ва бўҳтон хабарлар тарқатаётган кимсаларга Аллоҳдан қўрқинг деймиз. Ҳақ таоло мўмин-мусулмонларни “Ҳужурот” сурасининг 6-оятида қуйидагича огоҳлантиради: “Эй иймон келтирганлар! Агар фосиқ хабар келтирса, аниқлаб кўринглар, билмасдан, бир қавмга мусибат етказиб қўйиб, қилганингизга надомат чекувчи бўлманглар”.

Демак, ҳар қандай хабарни ким етказганига жиддий эътибор қаратиш лозим. Таъкидлаш жоизки, азон масаласида сохта хабарларни тарқатаётган манбаларнинг мақсадлари юртимиз мусулмонлари орасида фитна уруғини сочишдан бошқа нарса эмас.

Ўзбекистон мусулмонлари идораси юртимиз масжидларида азон садолари бардавом бўлишини таъкидлаган ҳолда Ислом дини қадриятлари, уламолар ва Диний идора шаънига нисбатан айтилган ҳар қандай асоссиз гапларга нисбатан доимо муросасиз эканини маълум қилади.

Ўзбекистон мусулмонлари идораси Матбуот хизмати

Мақолалар
Бошқа мақолалар
Янгиликлар

Попдаги масжидлар ва маҳаллий аҳоли ҳолати ўрганилди

29.04.2025   528   1 min.
Попдаги масжидлар ва маҳаллий аҳоли ҳолати ўрганилди

Шу йил 28 апрель куни Наманган вилояти бош имом-хатиби Мусохон домла Аббасиддинов бошчигида вилоят вакиллиги ходимлари, туман-шаҳарлар бош имом-хатиблари ва “Ҳаж – 2024” зиёратчиларидан иборат ишчи гуруҳи аъзолари учун  Поп туманидаги “Кичик Хўжабод“ жоме масжидида йиғилиш ўтказилди.
 

Унда Поп туманида амалга ошириладиган ишлар муҳокама қилиниб, тавсия ва кўрсатмалар берилиб, Ишчи гуруҳ фаолиятининг асосий йўналишлари сифатида қуйидагилар белгиланди:


1. Имом-хатиб “Ҳаж – 2024” зиёратчиларини маънавий-маърифий тадбирларга жалб этиш;

2. Имом-хатибнинг масжидни бошқариш фаолиятини яқиндан ўрганиш ва унга кўмак бериш;

3. Имом-хатиб учун намуна тарзида пешин намози вақтида масжидга келганларга долзарб мавзуда маъруза қилиб бериш.


Юқоридаги йўналишлар бўйича Ишчи гуруҳ аъзолари Поп туманида иш олиб борди.


Шунингдек, Ишчи гуруҳ аъзолари Поп туманидаги масжидлар ҳудудидаги маҳаллий хонадонларга кириб, уларнинг ҳол-аҳволи сўралди. Хусусан, ёшларнинг таълим-тарбияси, муаммолари ўрганилди, таклиф, фикр-мулоҳазалари тингланди ва кексалардан юртимиз ҳаққига дуои ҳайрлар олинди.

Ўзбекистон мусулмонлари идораси

Наманган вилояти вакиллиги

Матбуот хизмати

Попдаги масжидлар ва маҳаллий аҳоли ҳолати ўрганилди Попдаги масжидлар ва маҳаллий аҳоли ҳолати ўрганилди Попдаги масжидлар ва маҳаллий аҳоли ҳолати ўрганилди Попдаги масжидлар ва маҳаллий аҳоли ҳолати ўрганилди
Ўзбекистон янгиликлари