Мақолалар

ЖАҲОЛАТГА ЧОРЛОВЧИ ҒОЯЛАРДАН ОГОҲ БЎЛАЙЛИК

 

 Дунё яралибдики, тинчлик — осойишталик инсоният учун тенгсиз неъмат бўлиб келмоқда. Чунки, биринчи галда осуда ҳаёт , яратувчан меҳнат фаровонлик, умуман, барча эзгу мақсадларнинг рўёби, энг аввало, шу неъматга боғлик. Бироқ азалдан яхшилик билан ёмонлик, эзгулик билан ёвузлик каби инсон ҳаётига раҳна солувчи офатлар ҳам мавжуд. Ислом шараътида умуман бўлмаган, исломга ёт ғояларнинг, бизнинг юртимизга кириб келишидир. Ёвуз ниятли диний эктремистик ва террорчи оқимларнинг тарафдорлари, халқимизнинг тинч-тотув ҳётига раҳна солишга уринишмокда. Хусусан, хорижий давлатларга кетаётганларнинг маълум қисми шу оқимларнинг таъсирига тушишмоқда. Бу эса чет элдаги кўплаб давлатларнинг наздида юртдошларимизни шу оқимнинг асосий вакиллари сифатида эканлиги ҳақида нотўғри талқинларни ҳам келтиришига сабаб бўлмокда. Ваҳоланки мамлакатимизда шу оқимга кириб кетган инсонлар, ўз қилмишларига пушаймон бўлиб кечирим сўраб қайтганларни авф этишяпти.

Айнан шу каби халқимизга ёт ва ёш авлод учун зарарли бўлган ёт ғоя ва иллатларнинг салбий таъсиридан ёшларни муҳофаза килиш мақсадида, уларни миллий ғояси ва қадриятларни эъзозлаш руҳида тарбиялаш, эркин фикрлайдиган, ўз қарашларида миллий ғоямизга таянган, ўз ҳатти-ҳаракати, ҳаёт тарзи билан яшашга ёшларни тарбиялаш олдимиздаги вазифалардир.

Бугунги кундаги ёт ғояларнинг алдовларига алданиб ўзи намоз нималигини билмайдиган, ўз юртини шанини топтаб ва оиласини юзини ерга қаратиб, ўзларининг нима қилаётганини билмайдиган кимсалар мана ўшалар илмсиз ислом нималигини, дин нималигини билмайдиган кимсалардир. Мазкур иллатларнинг ортидан манфаат кўраётган айрим кимсалар эса, динни бузиб талқин қилган ҳолда, динни ниқоб қилиб, бузғунчи ва диний ақидапарастлик ғояларини илгари сурмоқда. Ачинарлиси, бугунги кунда мазкур жиноятларнинг қурбонига айланаётганларнинг асосий қисмини, ёшлар ташкил қилади. Сабаби ҳали оқ-қорани ажрата олмайдиган, дунёқараши шаклланмаган ўғил — қизларни тўғри йўлдан оздириш, бирмунча осон. Юртимизда инсон шаъни, қадр-қиммати юксак эътиборда. Бизнинг вазифамиз, мазкур иллатлар тасирига тушиб қолмаслиги учун, дини исломни чуқурроқ етказиш ва ўрганишдир.

М.Тўраев

Гурлан туман «Қора Алам бобо» жоме масжиди имом-ноиби

265 марта ўқилди

Мақолалар

Top