Сайт тест ҳолатида ишламоқда!
20 Январ, 2026   |   1 Шаъбон, 1447
search icon
Aввалги сайт
O`Z РУ EN AR

Тошкент шаҳри
Бомдод
06:21
Қуёш
07:44
Пешин
12:39
Аср
15:43
Шом
17:28
Хуфтон
18:45
Bismillah
20 Январ, 2026, 1 Шаъбон, 1447
Aввалги сайт
#search
 YouTube

Аввал ўйла, кейин сўйла

09.08.2020   3688   8 min.
Аввал ўйла, кейин сўйла

1991 йил халқимиз мустақилликка эришгач Ислом дини арконларига амал қилиш, унинг таълимотларини ўрганишга бўлган иштиёқини рўёбга чиқариш борасида имкониятлар очилди. Ўша даврларда Самарқанд вилоятидаги Имом Бухорий жоме масжидида имом-хатиб вазифасида фаолият олиб бораётган Усмонхон Алимов ўз ҳамфикрлари билан биргаликда халқнинг диний таълимга бўлган эҳтиёжларни қондириш мақсадида масжид қошида Имом Бухорий мадрасасига асос солди ҳамда ушбу масканда устозлик қила бошлади. Дастлаб, ўрта махсус диний билим юрти, сўнг ҳадис илми маркази сифатида фаолият юритган ушбу билим юрти бир неча юзлаб диний уламолар етиштириб берди. Бугунги кунда жуда кўплаб масжидларнинг имом-хатиб, имом ноиби, билим юртларининг мударрислари сифатида ва бошқа соҳаларда ушбу мутахассислар фаолият олиб бориб, халқимизнинг диний-маърифий саводхонлигини оширишда хизмат қилиб келмоқдалар.

Ҳаммамизга маълум, кейинчалик ушбу таълим маскани негизида Усмонхон Алимов ҳазратларининг Ўзбекистон мусулмонлари идораси раиси вазифасида иш олиб бориш жараёнида халқаро илмий тадқиқот марказлари ташкил қилинди. 2019 йилга келиб эса Имом Бухорий номли ҳадис олий мактаби ҳам ўз иш фаолиятини бошлади ва ҳадис илми соҳасида етук олимлар тайёрлаш бўйича собиқ иттифоқ ҳудудидаги ягона таълим муассасига айланди.

Кўп йиллар масжид имоми, вилоят бош имом-хатиби лавозимида меҳнат қилган Усмонхон Алимов 2006 йилга келиб, Ўзбекистон мусулмонлари идораси раиси, муфтий этиб сайландилар. Ўзининг илму маърифати, иш юритиш салоҳияти, адолат, оғир ва вазминлик билан фикрлаши, мусулмонлар манфаатини ўйлаб иш бошқариши муфтий ҳазратларининг узоқ йиллар давомида идора раислиги вазифасида ишлашини таъминлади десак, муболаға бўлмайди.

Ҳазрат ҳар қандай вазиятда ҳам мусулмонлар идораси, масжид ва мадрасаларнинг бир маромда иш олиб бориши, уларга нисбатан ҳар хил таъна тошлар отилиши, турли зарарлар етишини олдини олганлиги айниқса шу соҳа ичида бўлганларга кўпроқ аёндир, шу жумладан каминга ҳам. Нафақат зарар етиши, балки уларни такомиллаштириш, халқимизнинг масжид ва мадрасаларга бўлган эҳтиёжларини қондириш борасида мусулмонларнинг раҳбари сифатида кўплаб ишларни амалга оширгани ҳеч кимга сир эмас. Янги масжидларнинг очилиши, 500дан зиёд масжидларда қайта қуриш ва таъмирлаш ишлари олиб борилаётгани, Бухоро шаҳридаги “Мир Араб”, Самарқанд вилоятидаги “Имом Бухорий ҳадис мактаби” диний олий билим юртлари, 2020 йил Сурхондарё вилоятидаги “Имом Термизий” ўрта махсус ислом билим юрти янгидан очилиб, фаолият олиб бораётгани, диний билим юртларига талабалар қабул квотасининг оширилиши, вилоятларда ҳадис, калом, ақида, фиқҳ мактабаларининг фаолияти йўлга қўйилганлиги, диний билим юртлари қошида Қуръон курслари ташкил этилганлиги каби кўплаб хайрли ишлар айнан муфтий Усмонхон Алимов ҳазратларининг диний идора расиликлари даврида амалга ошилирлагани ҳазратнинг ушбу соҳадаги самарали меҳнатларидан далолат беради. Муфтий Усмонхон Алимов ҳазратлари Ўзбекистон мусулмонларининг раҳбари, бугунги кунда диний соҳада фаолият олиб бораётган кўплаб мутахассисларнинг устози бўлибгина қолмай, ён қўшни мамлакатлар, Россия, Озарбайжон, Қозоғистон, Қирғизистон муфтиётлари томонидан ҳам устоз сифатида эътироф этилганини қайд этишимиз лозим. Улар кўплаб масалаларда Ўзбекистон мусулмонлари идораси билан ҳамкорликда иш олиб бораётгани, ҳазратнинг идора тарихида илк бор 2012 йил Ислом олами уюшмаси таъсис мажлисининг аъзоси, Бутун дунё уламолар кенгаши аъзоси этиб сайланганлари, ислом дини маърифатини кенг тарқатиш, бузғунчи кучларга қарши бирга курашиш ва ўзаро ҳамкорликдаги кенг кўламли ишлар учун Россия  Федерацияси Свердловск вилояти мусулмонлари идораси томонидан “Кумуш ярим ой” медали билан тақдирланиши, Марказий Осиё мусулмонлари маънавий тараққиётига кўп йиллар хизмат қилгани, тинчлик-осойишталик, фаровонлик каби исломий тамойилларга содиқлиги, урф-одатларни тиклаш ва авайлаб асрашга қўшган ҳиссаси учун Қирғизистон мусулмонлари идорасининг 1-даражали “Ынтымоқ” медали (“Иттифоқ”) билан тақдирланишлари, Уммон Султонлиги Исломий стратегик тадқиқотлар маркази томонидан 2019 йил 30 сентябрда эълон қилинган “Дунёнинг энг нуфузли 500 мусулмони” рўйхатидан муносиб ўрин эгаллаганлари халқаро эътибор ва эҳтиромга сазовар бўлаётганларига далолат қилади.

Муфтий ҳазратлари Ислом дини маърифатининг тарғиботчиси сифатида ҳам нафақат юртимизда, балки, кўплаб хорижий мамлакатларда бўлиб ўтган халқаро анжуманларда илмий асосланган мазмунли маърузалари билан иштирок этиб келмоқдалар. У киши йигирмадан ортиқ китоб ва юздан зиёд илмий-оммабоп мақолаларнинг муаллифи ҳисобланади. “Тафсири Ирфон”, “Расулуллоҳнинг муборак васиятлари”, “Расулуллоҳ мўъжизалари”, “Оилада фарзанд тарбияси”, “Ёшлар келажагимиз”, “IX-X асрларда Самарқандда калом илмининг ривожланиши” каби асарлари шулар жумласидандир.

Муфтий Усмонхон Алимов ҳазратларининг Ислом дини ва мусулмонлар манфаати йўлида амалга оширган ишлари ва олиб бораётган саъй ҳаракатлари ҳақида яна кўплаб тўхталишимиз мумкин. Аллоҳ таолонинг инояти ила мана шундай салмоқли ишлар муфтий ҳазратлари бошчиликларида бардавом бўлмоқда. Аммо, бугунги кунда баъзи бир дилни хира қиладиган, мусулмонларни ўз раҳбарига қарши чиқишга ундайдиган, улар орасида фитна ва парокондаликка чақирувчи айрим ижтимоий тармоқлардаги хабар ва гапларнинг тарқалиши биз диний соҳа вакиллари ва мусулмонларнинг норозилигимизга сабаб бўлмоқда. Илм аҳлларининг даражаларини Аллоҳ таолонинг  Ўзи баланд қилган. Бу тортишмайдиган масаладир. Чунки, Аллоҳ таоло “Аллоҳ сизлардан иймон келтирганларни ва илмга берилганларнинг даржаларини кўтарур” (Мужодала-4), дея марҳамат қилган. Олимларга душманлик қилган одам Аллоҳга уруш қилганга ўхшайди. Аллоҳ азза ва жалла билан уруш қилган ғолиб бўлармиди? Расулуллоҳ соллаллоҳу алайҳи васаллам айтадилар: “Аллоҳ айтади: “Ким менинг дўстимга душманлик қилса, унга уруш эълон қиламан” (Бухорий ривояти). Ибн Ҳажар айтади: Аллоҳнинг дўстидан мурод Аллоҳни танийдиган, Унинг тоатида доим бўладиган олимдир.

Абдуллоҳ ибн Муборак раҳматуллоҳи алайҳ: “Ким олимларни пастга урса, унинг охирати барбод бўлади, ким амирларни пастга урса, унинг дунёси барбод бўлади. Ким биродарларини пастга урса, унинг одамгарчилиги барбод бўлади”, деганлар.

Аҳли илм, имомларга самимий хайрихоҳ бўлайлик. Аслида исломнинг моҳияти ҳам шундай, Расулуллоҳ соллаллоҳу алайҳи васаллам буни ўз ҳадисларида таъкидлаганлар.

Тами ибн Авс Дорий розияллоҳу анҳудан ривоят қилинган ҳадисда Пайғамбаримиз соллаллоҳу алайҳи васаллам: “Дин самимий хайрихоҳликдир”, дедилар. Биз: “Ким учун?” дедик. У зот: “Аллоҳ учун, Унинг Китоби учун, Расули учун ҳамда мусулмонларнинг имом-раҳбарлари ва ҳаммалари учун”, дедилар”. (Имом Муслим ривояти).

Барчамиз учун устоз бўлган, олим, фазилатли шайх Усмонхон Алимов ҳазратларини ўз вазифасига нолойиқ, олиб бораётган ишларини самарасизликда айбламанг! Муфтий ҳазратларининг одилона, илму маърифат ва мўътадиллик билан иш бошқаришлари натижаси ўлароқ масжидларимиз обод, талабаларимиз илм чашмасидан баҳраманд, соҳа вакиллари ўзаро иттифоқликда меҳнат қилиб, халқнинг маърифати, тинчлиги, тўғри йўлдан оғишмай, ҳалол-ҳаромни фарқлайдиган бўлиб шаклланиши давом этмоқда. Зеро, ҳикматларда “Ишларнинг яхшиси ўртачасидир”, дейилиши билан ҳар бир ишни мўътадил ҳолда бажариш афзал эканлигини таъкидланган.

Муфтий ҳазратларига узоқ йиллар мўмин-мусулмонларимиз хизматида бардавом бўлишларини Аллоҳ таоло насиб айласин!

 

Зайниддин ЭШОНҚУЛОВ,

Самарқанд вилоят бош имом-хатиби

 

 

 

 

                   

 

Мақолалар
Бошқа мақолалар
Мақолалар

Сукут сақлашнинг 702 та энг муҳим фойдаси (4-қисм)

20.01.2026   325   14 min.
Сукут сақлашнинг 702 та энг муҳим фойдаси (4-қисм)

Бисмиллаҳир Роҳманир Роҳийм

 

1-қисм, 2-қисм, 3-қисм

фақат АСОСИЙЛАРИни санаб ўтамиз 

УЛУҒ  УСТОЗ  УЛАМОЛАРИМИЗ  баён  қилиб  берганлар:  

СУКУТ сақлашнинг

702 та энг муҳим ХИСЛАТИ (фақат АСОСИЙЛАРИ)

 

 

  1. Сукут — АҚЛ ВА ФИКР РАВШАНЛИГИНИНГ МАНБАИ.
  2. Сукут — ақлнинг бойлиги.
  3. Сукут — ақлнинг қут-баракаси.
  4. Сукут — фикрнинг равшанлиги.
  5. Сукут — теран тафаккур эшиги.
  6. Сукут — зеҳнни чангдан тозалайди.
  7. Сукут — фикрни тинчлантиради.
  8. Сукут — хулосани тўғри чиқаради.
  9. Сукут — тафаккурга фазо очади.
  10. Сукут — масалани аниқ кўрсатади.
  11. Сукут — қарорни пишитади.
  12. Сукут — ҳар фикрни вазминлайди.
  13. Сукут — доноликнинг аввали.
  14. Сукут — фикрни пухта қилади.
  15. Сукут — чалғитувчи нарсалардан асрайди.
  16. Сукут — қалбдаги ғовларни кетказади.
  17. Сукут — фикрни тартибга солади.
  18. Сукут — зеҳнни гулдек очади.
  19. Сукут — ақлни ҳадикдан озод қилади.
  20. Сукут — ўзини англашга хизмат қилади.
  21. Сукут — ҳар ишни қайта ўйлатади.
  22. Сукут — инсофли хулоса беради.
  23. Сукут — тажрибанинг энг яхши устози.
  24. Сукут — муаммони чуқур ўргантиради.
  25. Сукут — жавобни пишитади.
  26. Сукут — ҳар бир сўз ортидаги маънони очади.
  27. Сукут — тўғри қарор топишга ёрдам беради.
  28. Сукут — илҳомни уйғотади.
  29. Сукут — зеҳнга нур солади.
  30. Сукут — қалб ва ақл ўртасидаги кўприк.
  31. Сукут — тафаккур қудратини оширади.
  32. Сукут — вазмин фикрлаш одати.
  33. Сукут — ақлни беғараз қилади.
  34. Сукут — хом хулосалардан сақлайди.
  35. Сукут — фикрни нафис қилади.
  36. Сукут — муаммонинг илдизини кўрсатади.
  37. Сукут — энг кучли мулоҳаза.
  38. Сукут — беҳуда гапдан асрайди.
  39. Сукут — ҳикматни эшитиш имкони.
  40. Сукут — фаҳм-фаросатни ривожлантиради.
  41. Сукут — вазиятни чуқур англаш.
  42. Сукут — ҳар фикрни ўйлаб айтиш.
  43. Сукут — муваффақият калити.
  44. Сукут — ақл учун мусаффолик.
  45. Сукут — қалб учун ором.
  46. Сукут — фикр учун озодлик.
  47. Сукут — ғоялар парвози.
  48. Сукут — хаёлни назорат қилади.
  49. Сукут — ҳар ишни мулоҳаза билан бажартирaди.
  50. Сукут — нутқдан аввалги хазина.
  51. Сукут — тўғри йўлни кўрсатувчи нур.
  52. Сукут — ишончли хулосалар манбаи.
  53. Сукут — фикрда поклик.
  54. Сукут — ҳар бир саволга мулоҳазали ёндашув.
  55. Сукут — фикр-фаросатни оширади.
  56. Сукут — англашнинг чуқурлашуви.
  57. Сукут — ички дунё билан мулоқот.
  58. Сукут — ижоднинг отилиши.
  59. Сукут — қалбдаги ғояларни ойдинлаштиради.
  60. Сукут — сабр билан фикр юргизиш.
  61. Сукут — ўй ва мулоҳаза бағри.
  62. Сукут — хаёлининг оёққа туриши.
  63. Сукут — ҳар фикрнинг имтиҳони.
  64. Сукут — фикрни чуқурлаштиради.
  65. Сукут — мураккаб масалаларни осонлаштиради.
  66. Сукут — ақлга озиқ.
  67. Сукут — сўзни пухта танлайди.
  68. Сукут — фикрдаги тартиб.
  69. Сукут — ҳар бир фикр қимматини оширади.
  70. Сукут — тўғри ечим топиш йўли.
  71. Сукут — хулоса чиқариш маданияти.
  72. Сукут — илмий фикрнинг таянчи.
  73. Сукут — маърифат эшиги.
  74. Сукут — азалий ҳикмат сири.
  75. Сукут — ички хотиржамлик.
  76. Сукут — вазиятни диққат билан кузатиш.
  77. Сукут — камгаплик ҳикмати.
  78. Сукут — фикр оролининг тинчлиги.
  79. Сукут — беозорлик.
  80. Сукут — ҳимоя воситаси.
  81. Сукут — шошилмаслик фазилати.
  82. Сукут — аниқ фикрнинг манбаи.
  83. Сукут — бошқаларни яхшироқ англаш.
  84. Сукут — мулоҳазали инсоннинг йўлдоши.
  85. Сукут — хаёлдаги тартиб.
  86. Сукут — зеҳнни чархлайди.
  87. Сукут — душманга қарши мудофаа.
  88. Сукут — ҳар бир фикрни синчков қилади.
  89. Сукут — англаш қудрати.
  90. Сукут — илҳом чорлаган лавҳа.
  91. Сукут — ахборотни сидқидил билан қабул қилиш.
  92. Сукут — қалбдаги ғовларни ювиб ташлайди.
  93. Сукут — бемаъни сўзга қарши қалқон.
  94. Сукут — хато сўздан сақловчи девор.
  95. Сукут — ички интизом.
  96. Сукут — ўзингни тинглаш фазилати.
  97. Сукут — фикрни жиддийлаштиради.
  98. Сукут — руҳни поклаш.
  99. Сукут — чуқур идрок ёритқичи.
  100. Сукут — муваффақиятли мулоҳазанинг асли.
  101. Сукут — ақлни нур билан тўлдирувчи хазина.

 

  1. Сукут — ОДОБ ВА КАМТАРЛИК МАКТАБИ.
  2. Сукунат — одобнинг нишони.
  3. Камгап одам — камхато одам.
  4. Камтарлик сукутдан бошланади.
  5. Сукунат — одобнинг энг чиройли кийими.

 

 

  1. Сукут — ОДОБУ-АХЛОҚНИНГ АСОСИ.
  2. Сукут — одобнинг энг баланд қирраси.
  3. Сукут — олижаноблик тарозиси.
  4. Сукут — ҳаё ва иффат зийнати.
  5. Сукут — тарбиянинг нишони.
  6. Сукут — хулқни сокинлаштиради.
  7. Сукут — инсонийликнинг мезони.
  8. Сукут — одобнинг юзи.
  9. Сукут — инсонийликка безак.
  10. Сукут — ҳаёнинг рамзи.
  11. Сукут — муҳтож сўзни танлайди.
  12. Сукут — юракни юмшатади.
  13. Сукут — муомалага нафосат беради.
  14. Сукут — имоннинг латофати.
  15. Сукут — иффатнинг ниқоби.
  16. Сукут — хулқни назорат қилади.
  17. Сукут — хушмуомаланинг аввали.
  18. Сукут — ўринли сўзга роҳат.
  19. Сукут — камтарлик белгиси.
  20. Сукут — маданиятнинг таянчи.
  21. Сукут — барча бениқобликдан халос қилади.
  22. Сукут — тарбия мезони.
  23. Сукут — тозалик аломати.
  24. Сукут — қалбнинг тоза ойнаси.
  25. Сукут — гапни жойида айтишни ўргатади.
  26. Сукут — сўзни вазмин қилади.
  27. Сукут — адолатнинг бошланғичи.
  28. Сукут — самимиятга бурилади.
  29. Сукут — кичикликда улуғлик.
  30. Сукут — хулқнинг безаги.
  31. Сукут — ҳар кимга муносиб жавоб.
  32. Сукут — сўзнинг масъулиятини оширади.
  33. Сукут — беҳудаликдан асрайди.
  34. Сукут — иззатнинг даражаси.
  35. Сукут — нафсни тарбиялайди.
  36. Сукут — ҳурматнинг нишони.
  37. Сукут — камтарликнинг ўзи.
  38. Сукут — ориятни кучайтиради.
  39. Сукут — ибратнинг аввали.
  40. Сукут — сўзни олам қилиб беради.
  41. Сукут — мувозанат туйғуси.
  42. Сукут — одамларда ишонч уйғотади.
  43. Сукут — кибрдан халос қилади.
  44. Сукут — бебош сўзни йўқ қилади.
  45. Сукут — инсонни нафис қилади.
  46. Сукут — одатлар ислоҳчиси.
  47. Сукут — хулқ-атворни юмшатади.
  48. Сукут — оғир-босиқнинг белгиси.
  49. Сукут — бевақт сўздан сақлайди.
  50. Сукут — одамларга яқинлаштиради.
  51. Сукут — ортиқча қўполликни йўқ қилади.
  52. Сукут — салобатнинг чироғи.
  53. Сукут — оилада барака.
  54. Сукут — тартиб ва тузум белгиси.
  55. Сукут — ўринли гапга йўл очади.
  56. Сукут — ҳар дақиқада ҳикмат.
  57. Сукут — барча сўзнинг устози.
  58. Сукут — руҳий одоб.
  59. Сукут — маҳрамлик риштаси.
  60. Сукут — муҳтарамлик даражаси.
  61. Сукут — инсонга инсоний қиёфа беради.
  62. Сукут — гуноҳдан паноҳ.
  63. Сукут — сабрнинг тарбиячиси.
  64. Сукут — ҳурматни мустаҳкамлайди.
  65. Сукут — муомаладаги нозиклик.
  66. Сукут — қалбни юмшоқ қилади.
  67. Сукут — сўзнинг ғанимати.
  68. Сукут — одамларга хуш таъсир.
  69. Сукут — одобнинг мукаммал шакли.
  70. Сукут — аввало тинглаш маданияти.
  71. Сукут — қадр топган одоб.
  72. Сукут — қалбга мулойимлик солади.
  73. Сукут — нафснинг ислоҳчиси.
  74. Сукут — ўзаро ҳурматни мустаҳкамлайди.
  75. Сукут — жимликдан ҳикмат яратади.
  76. Сукут — сўзга масъулият.
  77. Сукут — одобдаги нуфуз.
  78. Сукут — руҳий равишда латофат.
  79. Сукут — қиёфатда салобат.
  80. Сукут — ортиқча гапдан поклайди.
  81. Сукут — муомаладаги нодир фазилат.
  82. Сукут — вазминликнинг ўзи.
  83. Сукут — ҳурматга муносиблик белгиси.
  84. Сукут — сўзни тозалайди.
  85. Сукут — оилада хушмуомалалик.
  86. Сукут — руҳий салобат.
  87. Сукут — барча бўш гапларга дарвоза эмас.
  88. Сукут — қалбни беқарорликдан асрайди.
  89. Сукут — маънавиятни кўтарaди.
  90. Сукут — ўринли сўзга муҳр.
  91. Сукут — муҳокамани тозалайди.
  92. Сукут — ортиқча дағдағасиз ҳаёт.
  93. Сукут — табассумни ҳам чиройли қилади.
  94. Сукут — жамиятда латофат.
  95. Сукут — қалбларга роҳат беради.
  96. Сукут — муомаладаги ютуқ.
  97. Сукут — борлиқни ҳис қилиш.
  98. Сукут — фаҳм-фаросатда ёрдамчи.
  99. Сукут — бемаъниликка йўл қўймайди.
  100. Сукут — ҳурфаоллик риштаси.
  101. Сукут — юракка мулойимлик солади.
  102. Сукут — ҳаётни нафис қилади.
  103. Сукут — одамзотни бирлаштиради.
  104. Сукут — руҳий тарбияни мустаҳкамлайди.
  105. Сукут — ўзида ҳеч нарса йўқдек, аммо жуда кўпни беради.
  106. Сукут — одобнинг энг юксак мақоми.

 

 

Сукутнинг АХЛОҚИЙ ФОЙДАЛАРИ:

  1. Сукут — одобнинг асоси.
  2. Сукут — одамни камтар қилади.
  3. Сукут — хушмуомалаликка йўл очади.
  4. Сукут — ўринсиз сўздан сақлайди.
  5. Сукут — ёмонликка жавоб бермасликнинг энг гўзал йўли.
  6. Сукут — ҳурмат ичидан суғорилади.
  7. Сукут — сўздаги оғирликни оширади.
  8. Сукут — юракдаги кибрни синдиради.
  9. Сукут — нафсга сабоқ беради.
  10. Сукут — ҳис-туйғуларни тартибга солади.
  11. Сукут — ҳикматнинг асоси.
  12. Ҳикматни эшитиш учун сукут керак.
  13. Донолик — сукутдан туғилади.
  14. Сукут қилсанг, сўзинг вазмин бўлади.
  15. Сукут — ҳикмат эшитувчилар йўли.
  16. Безаксиз зийнат.
  17. Одобни мустаҳкамлайди.
  18. Камтарликни оширади.
  19. Ҳикмат эшитиш қобилиятини кучайтиради.
  20. Меҳрибонликни чуқурлаштиради.
  21. Тавозени оширади.
  22. Сукунат инсонни маънавий камолот сари етаклайди.

 

 

Сукутнинг ҲАЁТДАГИ УМУМИЙ ВА ШАХСИЙ АҲАМИЯТИ:

  1. Сукут — ҳаётнинг поклиги.
  2. Сукут — ички тинчликнинг рамзи.
  3. Сукут — шошма-шошарликдан ҳимоя.
  4. Сукут — қалбни поклаш воситаси.
  5. Сукут — фикр ва ҳаракатда барқарорлик.
  6. Сукут — инсонни сабрли қилади.
  7. Сукут — ҳаётдаги муаммоларни енгиллаштиради.
  8. Сукут — бошқалар билан муносабатда мувозанат.
  9. Сукут — руҳий саломатликка ёрдам.
  10. Сукут — ишонч ва ҳурмат уйғотади.
  11. Сукут — ортиқча сўздан ҳимоя.
  12. Сукут — бахт ҳиссини оширади.
  13. Сукут — ижобий фикрларни кучайтиради.
  14. Сукут — ҳаётдаги мувозанат белгиси.
  15. Сукут — ҳар бир кунни соф ҳис қилиш.
  16. Сукут — ички қудрат манбаи.
  17. Сукут — аниқ қарорлар чиқаришга ёрдам.
  18. Сукут — ҳаётий тажрибани тўғри қабул қилиш.
  19. Сукут — қалбни ёруғликка йўллайди.
  20. Сукут — руҳий барқарорлик.
  21. Сукут — ҳаётдаги тўсиқларни енгиб ўтиш.
  22. Сукут — диққат ва идрокни кучайтиради.
  23. Сукут — оила ва дўстликни мустаҳкамлайди.
  24. Сукут — ички шошма-шошарликни камайтиради.
  25. Сукут — бахтли кунларни тўлиқ ҳис қилиш.
  26. Сукут — ҳаётий қарорларни пухталаштиради.
  27. Сукут — қийин пайтларда тинчлик сақлайди.
  28. Сукут — фикрларни тозалайди.
  29. Сукут — ҳаётдаги ҳар бир лаҳзани қадрлаш.
  30. Сукут — муаммога сабр билан ёндошиш.
  31. Сукут — инсонга куч ва қудрат беради.
  32. Сукут — ички фаолликни уйғотади.
  33. Сукут — ортиқча тафаккурдан халос қилади.
  34. Сукут — руҳий тинчликни таъминлайди.
  35. Сукут — ҳаётий қимматларни кўрсатади.
  36. Сукут — энергияни тежайди.
  37. Сукут — ҳаётдаги муҳим масалани тўғри баҳолаш.
  38. Сукут — ички оромни сақлаш.
  39. Сукут — фуқаролик ва инсонийликни уйғотади.
  40. Сукут — ўз-ўзини назорат қилишга ёрдам.
  41. Сукут — ҳаётий тажрибани бойитади.
  42. Сукут — мувозанатли ҳаёт қуриш.
  43. Сукут — қалб ва ақлни уйғунлаштиради.
  44. Сукут — ортиқча сўзсиз ҳам таъсир кўрсатади.
  45. Сукут — ҳаётнинг осойишталиги.
  46. Сукут — ички шиддатни юмшатади.
  47. Сукут — қалбни қувонч ва тинчлик билан тўлдиради.
  48. Сукут — ҳаётдаги катта ва кичик синовлардан ҳимоя.
  49. Сукут — ҳақиқий донолик ва бахт рамзи.

 

 

  1. Сукут — ИЖТИМОИЙ МУНОСАБАТЛАРНИНГ БЕЗАГИ.
  2. Сукут орқали киши ўзини тутади.
  3. Сукут жамиятда обрўни оширади.
  4. Сукут — хушмуомалалик воситаси.
  5. Сукут — кераксиз тортишувдан сақлайди.
  6. Сукут — маслаҳатнинг ярми.

 

 

Сукутнинг ИЖТИМОИЙ ВА МУЛОҚОТДАГИ ФАЗИЛАТЛАРИ:

  1. Сукут — тинглаш санъатининг асоси.
  2. Сукут — баҳсни тинч қилади.
  3. Сукут — хулқли мулоқот учун шароит яратади.
  4. Сукут — сўздан олдин эҳтиётлик.
  5. Сукут — эҳтиромли муносабат белгиси.
  6. Сукут — айтишдан олдин ўйлашни ўргатади.
  7. Сукут — тушунмовчиликлардан сақлайди.
  8. Сукут — ўзга фикрларга ҳурмат.
  9. Сукут — муаммони ечишда сабрлилик.
  10. Сукут — баҳсда ғалаба ҳамда эҳтиром.
  11. Сукут — каломни меъёрда қилади.
  12. Сукут — сўз билан зарар бермаслик.
  13. Сукут — муомалада мувозанат.
  14. Сукут — муҳокамада фикрни тўғри етказишга имконият.
  15. Сукут — зиддиятда ором.
  16. Сукут — гапни ўз вақтида айтишга ўргатади.
  17. Сукут — сўз ортидаги маънони англаш.
  18. Сукут — ишончли мулоқотнинг асоси.
  19. Сукут — баҳсда ортиқча ҳис-туйғулардан сақлайди.
  20. Сукут — сўзсиз ҳам таъсир кўрсатади.
  21. Мўътадилликни оширади.
  22. Ортиқча баҳсдан сақлайди.
  23. Низоларни олдини олади.
  24. Инсонни мулоҳазали қилади.
  25. Одамлар орасида обрўни оширади.
  26. Ҳукмронликсиз ҳайбат.
  27. Сукунат одамлар билан тотувликда яшашни осонлаштиради.
  28. Узр айтишдан беҳожатлик.

 

 

  1. Сукут — БАХТ ВА ОМОНЛИК ЙЎЛИ.
  2. Сукут кўнгилни фозил қилади.
  3. Сукут бахт эшигини очади.
  4. Сукут — хаётда барқарорлик манбаи.
  5. Сукут — оила тинчлигининг устуни.
  6. Сукут — серғайратликнинг сири.

 

 

  1. Сукут — РИЗОЛИК ВА ХОТИРЖАМЛИК МАНБАИ.
  2. Сукут қалбни тинч қилади.
  3. Сукут жаҳлни сўндиради.
  4. Сукут руҳни оромлантиради.
  5. Сукут хаёлга тинчлик олиб келади.
  6. Сукут хавотирни камайтиради.

 

      Иброҳимжон домла Иномов.

 

Мақолалар
#logo