Сайт тест ҳолатида ишламоқда!
20 Сентябр, 2024   |   17 Рабиъул аввал, 1446

Тошкент шаҳри
Бомдод
04:50
Қуёш
06:09
Пешин
12:21
Аср
16:35
Шом
18:26
Хуфтон
19:40
Bismillah
20 Сентябр, 2024, 17 Рабиъул аввал, 1446

Ишонинг бу факт!

8.06.2017   8417   2 min.
Ишонинг бу факт!
  • 75% одам эснаш ҳақида ўқиганда ўзи ҳам эснайди, ишонмасангиз текшириб кўринг!
  • Голландияда энг баланд бўйли инсонлар истиқомат қилишади. Эркакларнинг ўртача бўйи – 192 см, аёлларники эса – 178 см.
  • Кун давомида 1 дона олма ейиш, буйракда тош пайдо бўлишини 45%га камайтиради
  • Аёлларга нисбатан эркаклар буйрагида 4 марта кўпроқ тош йиғилади.
  • Илон 3 йилгача ухлаши мумкин.
  • Ер сайёрасидаги 245 кун, Зуҳро сайёрасида 1 кунга тенг.
  • Агар сиз шамоллаб қолган бўлсангиз 10-12 дона бодом мағзидан енг. Бу аспирин истеъмол қилган билан баробардир.
  • Бир кунда онгимизда 70.000 та фикр айланади.
  • Эркаклар юраги аёлларникидан 20%га катта.
  • Исботланишича, ичимликка солинган ялпиз мия фаолияти ва концентрациясини оширади.
  • Акула 100 литр сувга тушган бир томчи қонни ҳам сезиши мумкин.
  • 1 кг оғирликдаги буюмни кўтариш учун 80 та учар шар керак бўлади.
  • Кетма-кет ичилган 100 финжон қаҳва инсон ҳаётига зомин бўлади.
  • Жирафалар суткасига 30 дақиқа ухлашади.
  • Ижтимоий тармоқларда кунига 1 миллионта селфи сурат жойлаштирилади.
  • Аксарият ўргимчакларнинг асаб тизимлари жуда нозик бўлади. Улар шунчаки қўрқувдан ҳам вафот этишлари мумкин.
  • Олимларнинг айтишича, чекиш – стрессни камайтирмайди, аксинча кўпайтиради.
  • Гренландия – чивин йўқ бўлган дунёдаги ягона мамлакат ҳисобланади.
  • Ер юзидаги 1,1 % сув ичиш учун яроқли.
  • Асалари бутун умри давомида атиги икки чой қошиқ асал тўплай олар экан.
  • Дарахтлар баландлигининг чегараси борми? Албатта, бор. Ҳеч бир дарахт 130 метрдан ортиқ ўса олмайди, чунки ундан баланд бўлган ҳолатда ердан керакли бўлган намликни олиб капилярлар орқали дарахт учига етказиб бера олмайди. Маълумки, баланд дарахтларнинг учлари доимий сув етишмаслигидан азият чекади, шу туфайли у ердаги барглар паст қисмидагига нисбатан анча майда бўлади.

Моҳира ЗУФАРОВА

 тайёрлади.

Мақолалар
Бошқа мақолалар
Мақолалар

Қарзни узмаслик зулмдир (2-қисм)

20.09.2024   144   2 min.
Қарзни узмаслик зулмдир (2-қисм)

Бисмиллаҳир Роҳманир Роҳийм

Агар қарздор бўлсангиз, уни узишга шошилинг!

Агар бир инсон қарз олишга ўта мажбур бўлиб қолса, қарз олаётганида узиш ниятида бўлиши шарт. Зеро, Расулуллоҳ соллаллоҳу алайҳи васаллам: “Кимки бировдан қайтариб бериш ниятида қарз олса, Аллоҳ унга қарзини узишга ёрдам беради. Кимки молига талофат етказиш мақсадида олса, Аллоҳ унинг ўзига талофат етказади”, деганлар.

Шунинг учун, қарздор қарзни яхши ниятда олиши лозим.

Зиммасида қарзи бор одам Исломнинг рукни бўлган – ҳаж амалини адо этишга қарз олиб, эътибор беринг, ҳатто фарз ибодатни бажаришга динимиз буюрмаган. Балки қарзни узиш ёки қарз олган одамдан рухсат сўраш талаб этилади.


Бой одамнинг қарзни узмаслиги зулмдир

Набий соллаллоҳу алайҳи васаллам: “Бой (қодир) бўлатуриб қарзни кечиктириш зулмдир”, деганлар.

Ким қарзни қайтаришга имкони бўла туриб, қарзини узмасдан, қарз берган одамни “Худа хоҳласа бераман” деб сарсон қилса, унга зулм қилган бўлади. Бундай ҳолатлар бугунги кунда нафақат инсонлар, балки йирик ташкилот ва муассасалар ўртасида ҳам кўп кузатилмоқда.


Расулуллоҳ соллаллоҳу алайҳи васаллам қарз олганларми?

Расулуллоҳ соллаллоҳу алайҳи васаллам ҳам жуда зарур бўлган ҳолатдагина қарз олганлар. Масалан, Пайғамбаримиз соллаллоҳу алайҳи васаллам сафарда бўлганларида саҳобаларнинг биридан қарз олганлар. Мадинадага қайтганларида дарҳол қарзларини қайтариб, саҳобанинг ҳаққига: “Аллоҳ молингга ва ақлингга барака берсин”, дуо қилганлар ва “Қарзнинг ҳаққи – уни қайтариш ва Аллоҳга ҳамд айтиш”, деганлар.

Бугунги кундачи? Қарз олган одамдан ялиниб ўз қарзингизни сўрайсиз, гўёки ундан ўз ҳаққингизни эмас, эҳсон сўраётгандек бўласиз. Борди-ю, қарзингизни қайтарса ҳам, худди сизга яхшилик қилаётгандек, қовоғини солган ҳолатда, сиздан раҳмат айтишни талаб қилгандек ўзини тутади. Аслида қарздор одам сизга ташаккур айтиши, ҳаққингизга дуо қилиши керак. Зеро, қарздор одамнинг одоби шундай бўлади.

Қолаверса, шуни ҳам айтиб ўтиш керакки, Расулуллоҳ соллаллоҳу алайҳи васаллам қарзни гўзал ҳолатда узиш билан бирга, зиёдаси билан қайтарганлар.

Давоми бор...

1-қисм

Даврон НУРМУҲАММАД

Мақолалар