1. Мусибатзадага таъзия билдириш.

Расулуллоҳ соллаллоҳу алайҳи васаллам: “Ким мусибат етган биродарига таъзия билдирса, Аллоҳ таоло қиёмат куни унга ҳурмат-эҳтиром либосини кийдиради”, деганлар.

2. Азадор хонадонга таом тайёрлаб чиқариш.

Чунки азадор хонадон аҳлининг таом тайёрлашга фурсати ҳам, шароити ҳам бўлмайди. Бундай юмуш кўнгилларига сиғмайди ҳам.

3. Маййит эгалари дафндан уч кун ўтмай таом қилиб бермайди.

Аҳли маййит дафндан кейинги биринчи уч кунда бошқаларга таом қилиб бериши макруҳдир. Меросхўрларнинг ичида балоғатга етмаган болалар бўлса, бошқаларга таом қилиб бериш ҳаромдир.

Даврон НУРМУҲАММАД