Рус йигити "Исломобод" масжидида мусулмон бўлди
Бугун, 13 апрель куни жума намози вақтида аввал ғайридин бўлган йигит "Исломобод" жоме масжиди имомига муқаддас ислом динини қабул қилишида ёрдам сўраб келган.
Масжид имоми ҳам ўз навбатида ушбу йигитнинг сўровига жавоб берган ҳолда, динимизнинг асосларини тушунтириб ўтган. Бир ғайридиннинг исломни қабул қилишига кўпчилик гувоҳ бўлишини истаган ҳолда бугунги жума намозидан олдин жамоат олдида уни таништирган.
Рус миллатига мансуб йигит ўз исмини Исломдаги энг гўзал исм Абдуллоҳга ўзгартирган. Имомнинг сўзларига кўра, Абдуллоҳ ўз хоҳиши билан, кўриб-билиб муқаддас динимизни қабул қилмоқчилигини билдирган.
Абдуллоҳ жамоа олдида ҳам “Шаҳодат” калимасини айтиб, гўзал Исломни қабул қилганини кўрсатди.
Қуйидаги видеолавҳада Абдуллоҳнинг масжидда, жамоа олдида туриб калима қайтаргани акс эттирилган. Марҳамат, кўриб кўзингизни қувнтинг. Мусулмонлик муборак бўлсин, эй Абдуллоҳ!
ЎМИ Матбуот хизмати
Намозга киришда қўллар қулоқ баробаригача кўтарилиб, қўлнинг бош бармоғи қулоқнинг юмшоғига етказилади ва "такбири таҳрима" айтиб, намозга кирилади. Қўллар кўтарилганда кафтнинг ички томони қиблага қаратилиб, бармоқлар бироз очилган ҳолатда бўлади.
Намозга киришда қўллар қулоқ баробаригача кўтарилиши ҳақида бир қанча ҳадислар келган:
Воил ибн Ҳужр розияллоху анҳу: "Мен Набий соллаллоҳу алайҳи ва салламни намозга киришда такбир айтиб, қўлларини кўтариб, қулоқлари баробарига кўтарганларини кўрдим", дедилар (Имом Муслим ривояти).
Анас ибн Молик розияллоху анҳу ривоят қилган ҳадисда: "Расулуллоҳ соллаллоҳу алайҳи ва саллам намозга киришда такбир айтиб, сўнгра икки қўлларини кўтариб, бош бармоқларини қулоқларига баробар қилар эдилар" (Имом Ҳоким ва Имом Дорақутний ривоятлари).
Уламоларимиз: “Ҳадисларда келган "қўлни қулоқ баробарига кўтариш”дан мақсад уни қулоққа теккизишдир, чунки қулоқнинг юмшоғига қўл тегиши қўлнинг қулоқ баробарига кўтарилганининг аниқ белгисидир”, деганлар. Бу ҳақда “Раддул Муҳтор”, “Лубоб фий шарҳил китоб”, “Фатавои Қозихон”, “Шарҳул Виқоя”, “Мажмаъул анҳур” шу каби бир қанча мўътабар фиқҳий китобларимизда баён қилинган.
Уйчи туман "Хизиробод" жоме масжиди
имом-хатиби Шерзод Раҳимов
Манба: t.me/softalimotlar