Haj va umra ziyorati uchun elektron vizalar Saudiya Arabistoni Haj va umra vazirligi rejalari doirasida turli haj va umra kompaniyalari uchun bir necha daqiqadayoq taqdim qilinadi.
“Podshohlikdan tashqaridan keladigan hojilar viza olish uchun haj va umra xizmatini ta’minlaydigan kompaniya va agentliklarga bog‘langanlar. Elektron vizalar mamlakatlarda Haj va umra ziyoratlarini tashkil qilish uchun litsenziyasi bo‘lgan ana shu kompaniyalarga taqdim qilinadi”, deydi Haj va umra vaziri maslahatchisi hamda Haj va umra elektron platformaasi rahbari Abdurahmon Shams. Bu haqda Azon internet nashri xabar berdi.
Shamsning aytishicha, elektron platformada saudiyalik bo‘lmaganlar uchun xizmat paketlarini ko‘rib chiqish, tanlash va viza olish uchun onlayn tarzda murojaat qilish imkonini beruvchi yangi xizmatlar ham mavjud.
“Biz kerakli blankalarni bir necha daqiqada to‘ldirish orqali pasportlar bilan elchixonalarga borishga ehtiyoj qoldirmay, elektron vizalarni joriy qilish maqsadida Tashqi ishlar vazirligi va Ichki ishlar vazirligi bilan yaqindan ishlamoqdamiz”, deydi u.
Yanvar oyida vazirlik chet ellik ziyoratchilarni qo‘llab-quvvatlash uchun portalni yangilagan edi. O‘tgan sinov davrida 1.1 millionga yaqin musulmon Makka va Madinada ziyorat uchun sharoitlarni ta’minlaydigan 30 dan ortiq kompaniyalar orasidan tanlab olish imkonini beruvchi “Maqom” onlayn portalidan foydalangan edi.
Vazirlik 2018 yildan buyon elektron xizmatlarni joriy qilish masalalarini muhokama qiladi.
O‘zbekiston musulmonlari idorasi Matbuot xizmati
Toshkent islom instituti talabalari uchun “Fatvo berishga kim haqli?” mavzusida tadbir tashkil etildi. Tadbirda “Aqoid va fiqhiy fanlar” kafedrasi dots.nti, islomshunoslik fanlari bo‘yicha falsafa doktori (PhD) Saidjamol Masayitov ma’ruza qildi.
Shuningdek, Yoshlar bilan ishlash, ma’naviyat va ma’rifat bo‘limi boshlig‘i Bahriddin Parpiyev va professor-o‘qituvchilar ishtirok etishdi.
Shubhasiz, islomda fatvoning o‘rni va ta’siri muhim bo‘lishi bilan birga o‘ta mas’uliyatli vazifa ham hisoblanadi. Chunki fatvodan Allohning hukmlarini bayon qilish maqsad qilinib, unda halol-harom, savob-gunoh kabi me’yorlar ko‘rsatib beriladi. Fatvo berish o‘ta mas’uliyatli ish bo‘lib, fatvo beruvchi Alloh va Uning rasuli nomidan gapiradi.
Talabalarga mavzu yuzasidan atroflicha tushuntirishlar berildi.
O‘zbekiston musulmonlari idorasi
Matbuot xizmati