Qirg‘iziston fuqarolarini Suriya va Iroqda qaytarishni boshlaydi
Qirg‘iziston ISHID safida turli jinoyatlarni amalga oshirgan fuqarolarining farzandlarini mamlakatga qaytarish ishlarini boshlaydi. Ular reabilitatsiya dasturi doirasida qayta tarbiyalanadi.
Qirg‘iziston razvedkasining juma kungi bayonotida prezident Sooronbay Jeenbekov Suriya va Iroqdagi lagerlarda qolayotgan mamlakat fuqarolarini qaytarish to‘g‘risida ko‘rsatma bergani aytilgan.
Ma’lum qilinishicha, avvalo bolalar va yoshlar mamlakatga qaytariladi. Ularning yaqinlari esa tergov olib borilganidan keyin olib kelinadi.
Suriya va Iroqda taxminan 500-1000 nafar atrofida Qirg‘iziston fuqarolari bor.
O‘zbekiston musulmonlari idorasi Matbuot xizmati
Muruvvatli bo‘lish — oliy fazilat va insoniy burchdir
Bugun, 18 sentyabr kuni O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Qoraqalpog‘iston Respublikasiga xizmat safari davomida Nukus shahridagi “Imom eshon Muhammad” jome masjidida juma namozini ado etdilar.
Muftiy hazratlari namozdan oldin jamoatga “Muruvvatli bo‘lish — oliy fazilat!” mavzusida manfaatli ma’ruza qilib berdilar.
Ma’ruzada ta’kidlanganidek, muruvvat — mehr-shafqat, saxovat va muhtojlarga yordam berish kabi eng go‘zal insoniy fazilatlardan sanaladi. O‘zini saxovatli deb bilgan inson o‘z manfaatini o‘zgalardan ustun qo‘ymasligi, keksalar holidan xabar olishi, yiqilganni suyash orqali qalban xotirjamlik topadi.
Shuningdek, bugungi tezkor zamonda bir-birimizga bag‘rikeng bo‘lish jamiyatda tinchlik, baraka hamda hamjihatlikni barqaror qilishi, ushbu oliy fazilatni o‘zimizda shakllantirib, farzandlarimizga meros qoldirish har birimizning burchimiz ekanligi alohida uqtirildi.
Fayzli suhbat yakunida yurtimizga tinchlik-omonlik va xonadonlarimizga baraka tilab xayrli duolar qilindi.
O‘zbekiston musulmonlari idorasi Matbuot xizmati
- «
- »