frontend\widgets\header\Header: Attempt to read property "fajr" on null

“Ал-Рияда” ва “Ал-Жазира” газеталарида Ўзбекистон ҳақида материаллар берилади

06.11.2019   2270   1 min.
“Ал-Рияда” ва “Ал-Жазира” газеталарида Ўзбекистон ҳақида материаллар берилади

Ўзбекистоннинг Саудия Арабистони Подшоҳлигидаги элчиси Улуғбек Мақсудов Саудия Арабистонининг етакчи “Ал-Рияда” ва “Ал-Жазира” газеталари бош муҳаррирлари Хани Вафо ва Ҳолид бин Ҳамад ал-Малик билан учрашув ўтказди, деб хабар бермоқда “Дунё” ахборот агентлиги.

Улар Ўзбекистондаги журналистларга кўрсатилаётган эътибор, давлат муассасалари ахборот хизматларининг фаоилиятининг буткул янгича тарзда йўлга қўйилишига юқори баҳо беришди.
Ушбу нашрлар раҳбарлари уларни кейинчалик “Ал-Рияда” ва “Ал-Жазира” газеталарида чоп этиш учун хабар янгиликлар алмашинуви бўйича Ўзбекистон ОАВлари билан ҳамкорликни ривожлантиришга тайёрликларини билдиришди.

Шуни таъкидлаш лозимки, аввалроқ Саудия Арабистонининг ушбу етакчи нашрлари Ўзбекистон вакилларининг “Ҳаж-2019” мавсумидаги иштироки ҳақида бир қатор мақолалар эълон қилишган эди.

Ўзбекистон мусулмонлари идораси Матбуот хизмати

Дунё янгиликлари
Бошқа мақолалар

Бир марта "Субҳаналлоҳ" дейиш учун фурсат берилса...

30.06.2025   3932   2 min.
 Бир марта

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.


Ўлим бир эшик. Барча инсонлар ундан ўтади. Эҳ кошки, бу эшикка киргандан кейин менинг уйим қанақалиги маълум бўлса?!

Биродар! Қаранг, қабрдагилар бир-бирларига жуда яқин ётишибди. Лекин улар сиртдан яқин қўшни. Аслида эса, бир-бирларининг ёнига ҳам бора олмайдилар.

Усмон розияллоҳу анҳу қачон қабр ёнидан ўтсалар, шу даражада йиғлар эдиларки, соқоллари кўз ёшларидан ҳўл бўлиб кетарди.

У кишидан: "Сиз нега жаннат ва дўзахни эсга олганингизда йиғламайсиз. Лекин қабрни кўриб йиғлайсиз?" деб сўрашди. У киши шундай дедилар: «Расулуллоҳ соллаллоҳу алайҳи васаллам: "Қабр охиратнинг илк манзилидир", деганлар. Шунга кўра, агар маййит қабрдаги азобдан нажот топса, ундан кейинги ҳаёт осон бўлади. Агар қабрдаги азобдан нажот топа олмаса, у ҳолда ундан кейинги ҳаёт қийин бўлади.

Яна Расулуллоҳ соллаллоҳу алайҳи васаллам: "Мен қабрдан кўра дахшатлироқ бирор манзарани кўрмадим", деганлар.

Биз учун бу қабрларда ибрат йўқми? Қаранг, бой ҳам, фақир ҳам, зўравон ҳам, кучсиз ҳам, оқ танли ҳам, қора танли ҳам, подшоҳ ҳам, фуқаро ҳам барча баробар ётибди. Улар дунёга қайтишни хоҳлайдилар. Бойлик жамлаш ёки қаср қуриш учун эмас, балки, кошки мен бир намоз ўқиш учун муҳлат топсам, кошки бизга бир мартагина "Субҳаналлоҳ" дейиш учун фурсат берилса, деб, шу амалларни қилиш учун дунёга қайтишни хоҳлайдилар. Лекин энди иложи йўқ. Номаи аъмол ёпилиб бўлди. Руҳ жисмдан чиққан. Ҳаёт муҳлати тугаб бўлган. Энди ҳар бир маййит ўз амалининг гарови ўлароқ қабрида ётибди...

«Насиҳатлар гулдастаси» китобидан