Саудия Арабистонининг шимолий-ғарбидаги чўлларга қор ёғди. Ҳаво ҳарорати эса нол даражадан ҳам пастга тушди. The National нашрининг ёзишича, Табук шаҳрининг атрофига, айниқса, кўп қор ёққан.
Совуқ об-ҳаво саудиялик ҳайдовчилар учун бир-мунча қийинчилик тўғдирди. Аммо маҳаллий аҳоли бундан жуда ҳам хурсанд. Улар қордан турли шакллар ясаб, қор бўрон ўйнашмоқда. Эсдалик учун қорга бурканган туялар билан ажойиб суратларга тушишмоқда.
Ўзбекистон мусулмонлари идораси матбуот хизмати
Бисмиллаҳир Роҳманир Роҳийм
Cавол: Тилла ёки нақд пулим йўқ. Аммо 600 грамм кумушим бор. Шу кумушдан закот бераманми?
Жавоб: Бисмиллаҳир Роҳманир Роҳийм. Кумушнинг нисоби икки юз дирҳам, яъни 595 граммга тенг. Кимда шу ва шундан кўп миқдордаги кумуши бўлиб, бир йил ўтган бўлса, қирқдан бирини закот сифатида беради. Тилла ва кумушда қиймат эмас, вазн ҳисобга олинади. Шу сабабли кумушнинг нархи закот нисобига етмаслиги мумкин, аммо вазн жиҳатдан етгани учун закот берилади. Закот беришда, кумушнинг ўзидан ёки қийматидан берса ҳам бўлади (“Бадоъиус-саноиъ” китоби). Валлоҳу аълам.
Ўзбекистон мусулмонлари идораси
Фатво маркази.