frontend\widgets\header\Header: Attempt to read property "fajr" on null

Буюк Британияда виртуал масжид очилди

12.10.2020   1524   1 min.
Буюк Британияда виртуал масжид очилди

Пандемия туфайли масжидлар ёпилиши муносабати билан Буюк Британияда ишга туширилган новаторлик рақамли платформа мусулмонлар учун онлайн ёки уйда хизматларни таклиф этади. Ислам.ру маълумотларига кўра, энди ҳар бир истаган киши уйдан чиқмасдан уйда совчилик, тўй, ном бериш маросимини ўтказиши мумкин ва бунда уларга малакали мутахассис ёрдам беради.
"Имомлар учун Uber " деб номланган ImamConnect аслида "виртуал масжид" ни ўзида намоён қилади. Эпидемия шароитларида, шунингдек, шариат (Ислом қонуни) га мувофиқ ишлайдиган психологлар ёки молиявий маслаҳатчиларни ўз ичига оладиган Интернет орқали исломий хизматларнинг бу таклифи яна ҳам долзарблик касб этмоқда ва динни тарғиб этишнинг келажаги технологияларга боғлиқ, дейди сервис яратувчиларидан бири Мудасссар Аҳмад.

Ўзбекистон мусулмонлари идораси матбуот хизмати

Дунё янгиликлари
Бошқа мақолалар

Бир марта "Субҳаналлоҳ" дейиш учун фурсат берилса...

30.06.2025   3012   2 min.
 Бир марта

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.


Ўлим бир эшик. Барча инсонлар ундан ўтади. Эҳ кошки, бу эшикка киргандан кейин менинг уйим қанақалиги маълум бўлса?!

Биродар! Қаранг, қабрдагилар бир-бирларига жуда яқин ётишибди. Лекин улар сиртдан яқин қўшни. Аслида эса, бир-бирларининг ёнига ҳам бора олмайдилар.

Усмон розияллоҳу анҳу қачон қабр ёнидан ўтсалар, шу даражада йиғлар эдиларки, соқоллари кўз ёшларидан ҳўл бўлиб кетарди.

У кишидан: "Сиз нега жаннат ва дўзахни эсга олганингизда йиғламайсиз. Лекин қабрни кўриб йиғлайсиз?" деб сўрашди. У киши шундай дедилар: «Расулуллоҳ соллаллоҳу алайҳи васаллам: "Қабр охиратнинг илк манзилидир", деганлар. Шунга кўра, агар маййит қабрдаги азобдан нажот топса, ундан кейинги ҳаёт осон бўлади. Агар қабрдаги азобдан нажот топа олмаса, у ҳолда ундан кейинги ҳаёт қийин бўлади.

Яна Расулуллоҳ соллаллоҳу алайҳи васаллам: "Мен қабрдан кўра дахшатлироқ бирор манзарани кўрмадим", деганлар.

Биз учун бу қабрларда ибрат йўқми? Қаранг, бой ҳам, фақир ҳам, зўравон ҳам, кучсиз ҳам, оқ танли ҳам, қора танли ҳам, подшоҳ ҳам, фуқаро ҳам барча баробар ётибди. Улар дунёга қайтишни хоҳлайдилар. Бойлик жамлаш ёки қаср қуриш учун эмас, балки, кошки мен бир намоз ўқиш учун муҳлат топсам, кошки бизга бир мартагина "Субҳаналлоҳ" дейиш учун фурсат берилса, деб, шу амалларни қилиш учун дунёга қайтишни хоҳлайдилар. Лекин энди иложи йўқ. Номаи аъмол ёпилиб бўлди. Руҳ жисмдан чиққан. Ҳаёт муҳлати тугаб бўлган. Энди ҳар бир маййит ўз амалининг гарови ўлароқ қабрида ётибди...

«Насиҳатлар гулдастаси» китобидан