Сайт тест ҳолатида ишламоқда!
03 Июл, 2025   |   8 Муҳаррам, 1447

Тошкент шаҳри
Бомдод
03:10
Қуёш
04:55
Пешин
12:32
Аср
17:42
Шом
20:04
Хуфтон
21:40
Bismillah
03 Июл, 2025, 8 Муҳаррам, 1447

Қозоғистон муфтийси: "Дин уруш билан тарқатилмайди»

20.10.2020   1451   1 min.
Қозоғистон муфтийси:

Олий муфтий Науризбай ҳожи Тағанули маънавий уйғунлик куни муносабати билан "Жусан" операцияси доирасида мамлакатга қайтган Ўтиров аҳолиси билан учрашди.
Учрашув чоғида Олий муфтий Науризбай ҳожи Тағанули уйга соғ-саломат ва омонликда қайтиш Аллоҳнинг буюк раҳмати ва давлатнинг ғамхўрлиги эканини таъкидлади.
"Қозоқлар - етим ва бева-бечораларни ҳеч балога қолдирмаган халқ. "Жусан" (шувоқ) номининг ўзи кўп нарсани билдиради. Бир пайтлар Ислом давлатини бошқарган аждодимиз Султон Байбарс ҳам шувоқнинг исини соғинган. Шувоқ-она юрт, Ватанимиз рамзи. Расулуллоҳ (соллаллоҳу алайҳи ва саллам) ҳам агар душманлари уни ҳайдаб юбормаганларида Маккани тарк етмас эдилар. Афсуски, кўп биродарларимиз ва опа-сингилларимиз жанг майдонига бориб ўлдилар. Болалар яраланди. Аслида дин уруш билан тарқатилмайди. Дин даъватда яшнайди", - дейди Олий муфтий.
Kazislam.kz маълумотларига кўра,, ўз навбатида, "Жусан-2" операцияси туфайли мамлакатга Суриядан қайтганлар мамлакат раҳбариятига, янги ҳаёт ва янги имкониятлар берган ушбу тадбир ташкилотчиларига миннатдорчилик билдирдилар.
"Қозоғистонга қайтганимиз учун Худога шукр қиламиз. Аввал бизда мамлакатимизга бошқа қараш бор эди. Эди Ватанга ҳурматимиз ошди. Аллоҳ сиздан рози бўлсин, - деди Перизат Жаксилик қизи.
Таъкидлаш керакки, "Жусан" операцияси доирасида 21 нафар аёл ва 75 нафар бола Ўтиров вилоятига қайтди. Учрашув Ўтиров вилоятидаги Имангали масжидида бўлиб ўтди. Учрашув якунида олий муфтий Науризбай ҳожи Тағанули "Жусан" операцияси бўйича қайтганларга озиқ-овқат пакетларини ва китобларни топширди, хабар қилади Azan.kz.

Ўзбекистон мусулмонлари идораси матбуот хизмати

Дунё янгиликлари
Бошқа мақолалар

Қиблани адаштириб ўқилган намоз

02.07.2025   3467   1 min.
Қиблани адаштириб ўқилган намоз

Савол: Мен бегона жойда меҳмонхонага жойлашдим. Шошилиб, эътиборсизлик билан намозни қиблага тескари тарафга қараб ўқиб қўйибман. Ўқиб бўлганимдан кейин тушундим, шу намозимни ҳукми қандай бўлади?

Жавоб: Бисмиллаҳир Роҳманир Роҳийм. Бу ҳолатда, сиз намозингизни қайтадан ўқишингиз лозим бўлади. Чунки қибла қайси тарафдалигини билмаган одам, шу ерлик қиблани биладиган (мусулмон, ақли расо, ошкор гуноҳлардан тийилган) кишидан сўраб, намоз ўқиши лозим. Агар шу ҳолатда қиблани биладиган киши топилмаса, кечаси одамларнинг эшигини тақиллатиб юрмайди. Балки бор имкониятини ишга солиб, қиблани топишга ҳаракат қилади. Қалби билан бир томонни қибла, деб қасд қилиб намозини ўқийди. Гарчи қиблани тўғри тополмаган бўлса ҳам, унинг намози дуруст бўлади. Валлоҳу аълам.

 

Ўзбекистон мусулмонлари идораси
Фатво маркази