Россия мусулмонлари диний жамоаси (РМДЖ) 25 ноябр ькуни барча конфессия ва миллатлардаги муҳожирлар учун федерал портални очади, деди РМДЖ раиси муфтий Альбир Крганов.
Islam.ru хабарига кўра, аввалроқ муфтий "РИА Новости" ахборот агентлигига муҳожирларни ҳуқуқий ҳимоя қилиш ва маданий мослаштириш Федерал марказининг ташкил этилиши ҳақида маълумот берган эди. Улар учун ишонч телефони ҳам очиқ (8-800-550-32-03). Лойиҳа Россиянинг 18 ҳудудида амалга оширилмоқда.
"25 ноябрь куни турли хил долзарб иловалар билан ва бир неча тилда - рус, тожик, ўзбек ва қирғиз тилларида маълумот олиш имконияти билан росмигрант.рф янги ахборот портали ишга тушади ", - деди Крганов РФ Жамаотчилик палатасидаги учрашувда.
Бундан ташқари, унинг сўзларига кўра, ташкилот "Муҳожир алифбеси" номли китобларнинг сериясини чоп этишга ва ўқув видеоларини ёзиб олишга тайёрланмоқда.
"Лойиҳамиз бошлангандан бери мигрантлардан кўплаб мурожаатлар олдик, энди эса ҳар куни 40 тагача мурожаатларни қабул қиламиз. Биз нафақат маслаҳатлашиб, масалаларни масофадан туриб ҳал қиламиз, балки бевосита ўз қавмлармиз ва масжидларимизда ҳам ёрдам кўрсатамиз", - дея изоҳ берди муфтий.
Ўзбекистон мусулмонлари идораси матбуот хизмати
Туркиянинг нуфузли таҳлил маркази ANKASAM (Ankara Kriz ve Siyaset Araştırmaları Merkezi) мамлакатимизда виждон эркинлигини таъминлаш, диний таълимни такомиллаштириш, ислом меросини илмий асосда ўрганиш ва жаҳонга танитишга қаратилган кенг қамровли ишларга юқори баҳо берди.
Туркиянинг нуфузли таҳлил маркази ANKASAM (Ankara Kriz ve Siyaset Araştırmaları Merkezi) Ўзбекистонда сўнгги йилларда диний-маърифий соҳада амалга оширилаётган ислоҳотларга бағишланган таҳлилий мақола эълон қилди.
“Янги Ўзбекистон: Диний соҳадаги ислоҳотларнинг муваффақият формуласи” деб номланган ушбу таҳлилий мақолада мамлакатимизда виждон эркинлигини таъминлаш, диний таълимни такомиллаштириш, ислом меросини илмий асосда ўрганиш ва жаҳонга танитишга қаратилган кенг қамровли ишларга юқори баҳо берилган.
ANKASAMга кўра, Ўзбекистонда қабул қилинган янги сиёсат ва инсон қадрини устувор қиймат сифатида белгилаган ёндашув сўнгги етти йилда диний соҳада чуқур, тизимли ислоҳотларни амалга оширишга пойдевор бўлди. Хусусан, таҳлилчиларнинг томонидан давлат ва дин муносабатларини демократия ва маърифат асосида қайта йўлга қўйиш, диний таълим муассасаларини халқаро андозаларга мос равишда ривожлантириш, илм-фан ва маърифатни ислом дини билан уйғунлаштириш йўлидаги саъй-ҳаракатлар эътироф этилган.
Мақолада айни пайтда Ўзбекистонда фаолият юритаётган Ўзбекистондаги Ислом цивилизацияси маркази, Имом Бухорий ва Имом Мотуридий халқаро илмий-тадқиқот марказлари, Ҳадис илми мактаби, Мир Араб олий мадрасаси, Ўзбекистон халқаро ислом академияси каби муассасаларнинг фаолияти, улар орқали ислом динининг ҳақиқий инсонпарварлик ва маърифий моҳияти кенг ёритилаётгани таъкидланган. Ушбу марказлар фақат диний эмас, балки илмий-тадқиқот, маданий-тарихий меросни сақлаш ва оммалаштириш вазифасини ҳам бажармоқда.
ANKASAM таҳлилига кўра, Янги Ўзбекистонда амалга оширилаётган диний-маърифий ислоҳотларнинг муваффақияти – бу сиёсий ирода, стратегияли ёндашув, илмий асос ва халқаро ҳамкорликни ўзида уйғунлаштирган моделдир. Шу жиҳатдан, Ўзбекистон тажрибаси минтақа давлатлари ва ислом олами учун ўрганишга арзийдиган намуналардан бири сифатида эътироф этилмоқда.
ANKASAM каби халқаро нуфузга эга таҳлил марказлари томонидан бу каби таҳлилий мақолалар эълон қилиниши Ўзбекистонда амалга оширилаётган ислоҳотларнинг очиқлиги, халқаро стандартларга мослиги ва жаҳон ҳамжамияти томонидан эътироф этилаётганини яна бир бор тасдиқлайди.