Саудия Арабистонида, пайшанба куни эрталаб, 95 ёшида Яқин Шарқда парфюмерия империясини яратган ва хайрия учун бир миллиард евродан ортиқ маблағ сарфлаган таниқли бизнесмен Ҳусайн Бакри Ғаззоз вафот этди.
Ғаззоз учун жаноза намози унинг она шаҳри Макка шаҳрида бўлиб ўтди, дея хабар бермоқда ArabNews нашри.
Ғаззоз 1925 йилда туғилган. Дастлабки йилларида оиласи билан Мисрга кўчиб ўтиб, бошланғич таълимини олган, сўнгра Саудия Арабистонига қайтиб, кичик парфюмерия бизнесини очган, бу эса минтақадаги ўз йўналиши бўйича энг йирик корхонадан бирига айланган.
У асос солган компания 1942 йилда Ғаззоз Саудия Арабистонидаги атирларни импорт қилувчи биринчи агентга айлангач, ўз фаолиятини бошлади. 77 йил ичида лойиҳа бизнес империясига айланди. У билан Dior, Gucci, Versace, Cartier, Chanel, Yves Saint Laurent (YSL), Montblanc, Dunhill ва Dupont каби компаниялар ҳамкорлик қилиб келмоқда.
Islam.ru маълумотларига кўра, шу билан бирга Ҳусайн хайрия фаолияти билан фаол шуғулланди, жами камбағалларга ёрдам бериш ва бутун дунё бўйлаб тиббий ёрдам тарқатишга 1 миллиард евродан ортиқ сармоя киритди.
Ўзбекистон мусулмонлари идораси матбуот хизмати
Савол: Мен бегона жойда меҳмонхонага жойлашдим. Шошилиб, эътиборсизлик билан намозни қиблага тескари тарафга қараб ўқиб қўйибман. Ўқиб бўлганимдан кейин тушундим, шу намозимни ҳукми қандай бўлади?
Жавоб: Бисмиллаҳир Роҳманир Роҳийм. Бу ҳолатда, сиз намозингизни қайтадан ўқишингиз лозим бўлади. Чунки қибла қайси тарафдалигини билмаган одам, шу ерлик қиблани биладиган (мусулмон, ақли расо, ошкор гуноҳлардан тийилган) кишидан сўраб, намоз ўқиши лозим. Агар шу ҳолатда қиблани биладиган киши топилмаса, кечаси одамларнинг эшигини тақиллатиб юрмайди. Балки бор имкониятини ишга солиб, қиблани топишга ҳаракат қилади. Қалби билан бир томонни қибла, деб қасд қилиб намозини ўқийди. Гарчи қиблани тўғри тополмаган бўлса ҳам, унинг намози дуруст бўлади. Валлоҳу аълам.
Ўзбекистон мусулмонлари идораси
Фатво маркази