Сайт тест ҳолатида ишламоқда!
21 Апрел, 2025   |   23 Шаввол, 1446

Тошкент шаҳри
Бомдод
04:09
Қуёш
05:35
Пешин
12:27
Аср
17:10
Шом
19:13
Хуфтон
20:32
Bismillah
21 Апрел, 2025, 23 Шаввол, 1446

Муфтий ҳазрат AҚШ Тинчлик институтида нутқ сўзлади

22.05.2019   4654   2 min.
Муфтий ҳазрат AҚШ Тинчлик институтида нутқ сўзлади

Аввал, Ўзбекистон мусулмонлари идораси раиси, муфтий Усмонхон Алимов ҳазратлари АҚШга жўнаб кетганлари ҳақида хабар берган эдик.
21 май куни Вашингтон шаҳрида муфтий Усмонхон Aлимов ҳазратлари AҚШ Тинчлик институтида ташкил этилган давра суҳбатида нутқ сўзладилар. Муфтий ҳазратлари муҳтарам Президентимиз раҳбарликларида мамлакатимизда барча соҳалар қатори диний-маърифий ва эътиқод эркинлиги борасида ҳам улкан ислоҳотлар амалга оширилаётганини билдириб, масжидлар сони 2056 тани, диний таълим муассасалари сони 12 тани ташкил этгани, Рамазон ойида барча масжидда таровеҳ намозлари, 1250 та масжидда эса хатми Қуръонлар ўтказилаётгани ҳамда АҚШ, Россия ва Малайзия каби давлатлар таклифлар асосида қориларимиз мазкур давлатларда таровеҳ намозларида хатми Қуръон ўқишаётгани ҳақида маълумот бердилар.
Шунингдек, ўлкамизда 12 та диний таълим муассасаси фаолият олиб бораётгани, буларнинг 3 таси олий, 9 таси ўрта махсус, 2 таси аёл-қизлар билим юрти эканини билдирдилар. Ўтган йилларда Президентимиз ташаббуслари билан Мир Араб олий мадрасаси ва Ҳадис илми мактаби номли иккита олий диний таълим муассасаси ташкил этилганини сўзлаб бердилар.
2018 йили диёримизда 13 та янги масжид очилди, жорий йил эса давлатимиз Раҳбарининг бевосита ташаббуси билан иккита муҳташам жоме масжиднинг очилиш маросими бўлганини алоҳида қайд этдилар.
Бундан ташқари муфтий ҳазратлари юртимизда жаҳолатга қарши маърифат билан курашишнинг аҳамияти ва турли диний конфессиялар вакиллари билан азалдан аҳил-иноқ яшашнинг тинчлик-барқарорликка ижобий таъсири жуда катта эканини муфтий ҳазратлари изоҳладилар.
Давра суҳбати иштирокчилари – экспертлар, таҳлилчилар ва соҳа мутахассислари томонидан Ўзбекистондаги “Жаҳолатга қарши маърифат билан курашиш" тамойили жуда илиқ қарши олинди ва амалга оширилаётган илоҳотларга юқори баҳо берилди.
Ўзбекистон делегацияси таркибидаги Олий Мажлис аъзолари – Сенат Ташқи ишлар қўмитаси раиси Aлишер Курманов ва Қонунчилик палатаси аъзоси, Инсон ҳуқуқлари миллий маркази директори Aкмал Саидов ҳамда Ўзбекистондаги Ислом цивилизацияси маркази директори Шоазим Миноваров ҳам давра суҳбатида сўзга чиқишди ва эътиқод эркинлиги борасидаги саволларга батафсил жавоб беришди.
Ушбу тадбир Ўзбекистоннинг АҚШдаги элчихонаси ва AҚШ Тинчлик институти томонидан ташкил этилди. 20 май куни Тинчлик институти томонидан тадбир иштирокчилари учун ифторлик ҳам уюштирилди.
АҚШ сафари давом этмоқда, жараёнларни сайтимиз орқали ёритиб борамиз.

 

 

Ўзбекистон мусулмонлари идораси Матбуот хизмати

Ўзбекистон янгиликлари
Бошқа мақолалар
Янгиликлар

Фатво маркази уламоси Иорданияда малака оширмоқда

21.04.2025   2491   1 min.
Фатво маркази уламоси Иорданияда малака оширмоқда

Жорий йил 13-23 апрель кунлари Иордания вақфлар, Исломий ишлар ва Муқаддас зиёратгоҳлар вазирлиги подшоҳ Абдуллоҳ II номидаги Воизлар тайёрлаш ва малакасини ошириш институтида навбатдаги ўқув бўлиб ўтмоқда. Унда Ўзбекистон мусулмонлари идораси Фатво маркази масъул ходими Ёрқин домла Жумабаев иштирок этмоқда. 

Таъкидлаш лозимки, Аммон мурожаатномасининг мазмуни 200 дан ортиқ мусулмон уламолар ҳамда 50 дан ортиқ мамлакатдан келган баёнотлар билан умумийлаштирилди.

Мурожаатномада инсонлар орасидаги ўзаро ҳурмат ва тинчликни сақлаш муҳимлигига эътибор қаратилган. Бу ҳужжат исломда муроса ва бирликка чақирувчи муҳим қадам бўлиб, мусулмонлар орасида ўзаро ҳурмат ва ёрдамни таъминлаш учун ишлатилган ғоялардан бири ҳисобланади. Ушбу 2025 йилги малака ошириш курси 46-давра ҳисобланади.

Маълумот ўрнида Аммон мурожаатномаси 2004 йил 9 ноябрда (Рамазон) Иордания подшоҳи Абдуллоҳ II томонидан Ислом дунёсида яхшилик, ўзаро ҳурмат ва бирликни таъкидлаб эълон қилинган. Ҳар йили "Аммон мурожаатномаси" ва унинг мазмунини етказиш бўйича воизлар малакасини ошириш курслари ташкил этиб келинади. 

Ўтган йилларда ўтказилган малака ошириш курсларида мусулмон дунёсининг 20 дан ортиқ давлатдан вакиллар иштирок этган. 

Ўзбекистон мусулмонлари идораси
Матбуот хизмати

Фатво маркази уламоси Иорданияда малака оширмоқда Фатво маркази уламоси Иорданияда малака оширмоқда Фатво маркази уламоси Иорданияда малака оширмоқда Фатво маркази уламоси Иорданияда малака оширмоқда Фатво маркази уламоси Иорданияда малака оширмоқда Фатво маркази уламоси Иорданияда малака оширмоқда Фатво маркази уламоси Иорданияда малака оширмоқда
Ўзбекистон янгиликлари