Sayt test holatida ishlamoqda!
06 Aprel, 2025   |   8 Shavvol, 1446

Toshkent shahri
Tong
04:37
Quyosh
05:58
Peshin
12:30
Asr
17:00
Shom
18:56
Xufton
20:12
Bismillah
06 Aprel, 2025, 8 Shavvol, 1446

Muftiy hazrat Toshkent viloyatidagi fayzli jomeda Qur’on xatmonasida ishtirok etdilar

29.05.2019   3316   3 min.
Muftiy hazrat Toshkent viloyatidagi fayzli jomeda Qur’on xatmonasida ishtirok etdilar

Ramazon oyining so‘nggi kechalari Toshkent viloyatida Qur’oni karim xatmonalari bilan yanada fayzli o‘tmoqda. Shu kunga qadar viloyatda 80 dan ziyod masjidlarda xatmonalar yakunlandi. Qutlug‘ oyning barakotidan barcha birdek bahramand bo‘lishga oshiqmoqda. Buni odamlarning xayrli ishlarga harisligi, ibodatga oshuftaligi va farzu sunnat amallarini bajarishga e’tibori oshganidan yaqqol sezish mumkin.
Yurtimizda o‘zining fayzu barakasi bilan o‘tayotgan Ramazon oyining hikmatlari juda ko‘p, ayniqsa, hufton namozidan keyin taroveh namozining o‘qilishi eng huzurbaxsh onlar, desak to‘g‘ri bo‘ladi. Zero, Rasululloh sollallohu alayhi va sallamning Ramazonda doim ado qilgan taroveh namozi ta’kidlangan sunnat amal hisoblanadi. Abu Hurayra roziyallohu anhu aytadi: “Rasululloh sollallohu alayhi va sallamning Ramazon haqida “Kim unda iymon bilan, savob umidida qoim bo‘lsa, o‘tgan gunohlari mag‘firat qilinadi” deganlarini eshitdim” (Imom Buxoriy rivoyati).
Kuni kecha mana shunday sharif oyning fayzli oqshomida O‘zbekiston musulmonlari idorasi raisi, muftiy Usmonxon Alimov hazratlari Toshkent viloyati Toshkent tumanidagi “Abdulloh ibn Abbos” jome masjidiga tarovih namozini mo‘min-musulmonlar bilan birga-birga ado etish uchun tashrif buyurdilar. Hazratning tashriflarini eshitib, ko‘zlari Ramazon shukuhi ila chaqnagan, yuzlari nurli, yoshlari ulug‘ otaxonlar hamda Haq kalomiga some bo‘lishga muhabbbatli namozxonlar jomega kelishdi.
Masjidni fayzga to‘ldirib turgan namozxonlarni muftiy Usmonxon Alimov hazratlari muborak Ramazon oyi kechalari bilan qutlab, ushbu oyning fazilatlari, yurtimizdagi mingdan ziyod masjidlarda bo‘layotgan xatmi Qur’onlar barakoti, qutlug‘ oyning avvalida poytaxtimizda ikki muhtasham masjid ochilgani, bu jarayonlarga xorijlik mutaxassislar yuqori baho berayotgani, mamlakatimizda amalga oshirilayotgan ishlarning tag zamirida xalqni rozi qilish, mo‘min-musulmonlarning xursand qilish kabilar turganini so‘zladilar.
Muftiy hazrat so‘zlarida davom etib, Toshkent tumanidagi “Abdulloh ibn Abbos” jome masjidida juda ko‘p mashhur qorilar, xususan, Ayubxon qori Supiyev, Abduhakim qori Matqulov kabilar avval shu masjidda xatmi Qur’onga o‘tganlarini alohida ta’kidladilar.
Ushbu Qur’on xatmonasiga fazilatli va mo‘tabar ustozlar ham jam bo‘lib, xatmonaga fayz baxshida etdilar.

O‘zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Yangiliklar

Toshkent islom instituti talabasi O‘zbekistonda 2-o‘rinni egallab, jahon kubogiga yo‘llanma oldi

05.04.2025   16755   1 min.
Toshkent islom instituti talabasi O‘zbekistonda 2-o‘rinni egallab, jahon kubogiga yo‘llanma oldi

Joriy yil 2-4 aprel kunlari O‘zbekiston davlat jismoniy tarbiya va sport universitetida sportning Bahodirlar o‘yini va tosh ko‘tarish turlari bo‘yicha barcha yosh toifalari o‘rtasida bellashuv o‘tkazildi.
400 dan ortiq polvonlar o‘rtasida Toshkent islom instituti 2-kurs talabasi Bobonazarov Muhammad Sodiq tosh ko‘tarish turi bo‘yicha 18-23 yoshlilar orasida 95 kg+ vazn toifasida faxrli 2-o‘rinni oldi.  
Shuningdek, Muhammad Sodiq 2025 yil 26 aprel sanasida o‘tkaziladigan Jahon kubogida ishtirok etish yo‘llanmasini qo‘lga kiritdi.
Musobaqani Bahodirlar o‘yini va tosh ko‘tarish federatsiyasi prezidenti Voxiddin Najmiddinov, ginnes rekordchi va professional sportchilar kuzatib bordilar. Musobaqa yakunida g‘oliblarga Sport vazirligi tomonidan diplom va esdalik sovg‘alari topshirildi.

https://t.me/oliymahad/34952

Toshkent islom instituti talabasi O‘zbekistonda 2-o‘rinni egallab, jahon kubogiga yo‘llanma oldi Toshkent islom instituti talabasi O‘zbekistonda 2-o‘rinni egallab, jahon kubogiga yo‘llanma oldi Toshkent islom instituti talabasi O‘zbekistonda 2-o‘rinni egallab, jahon kubogiga yo‘llanma oldi
O'zbekiston yangiliklari