21 Ноябр, 2024, 20 Жумадул аввал, 1446
21 Ноябр, 2024, 20 Жумадул аввал, 1446
Cаудия Арабистони Подшоҳи таклифига биноан ҳаж ибодатларини адо этаётган бир гуруҳ олимларимиз Арафот водийсида турли давлатлардан келган нуфузли уламолар билан биргаликда ҳаж амалларини адо этишмоқда. Ҳаж ибодатининг энг муҳим маносикларидан бири Арафот майдонида бир муддат туришдир. Зилҳижжа ойининг 9 куни фаришталар мисоли оппоқ кийимли ҳожилар Мино водийсидан Арафот майдонига кўчиб ўтишди. Арафотда бир муддат туриш ҳажнинг энг муҳим фарз амалларидан ҳисобланади. Ҳазрати Пайғамбаримиз соллаллоҳу алайҳи васаллам “Ҳаж – арафадир”, дея марҳамат қилганлар.
Уламоларимиз Арафот майдонида Подшоҳнинг меҳмонларига ажратилган чодирларга жойлашиб, таниқли олиму фузалолар билан мулоқотларга киришиб, илмий-маърифий суҳбатлар қуришмоқда.
Ушбу жараёнларда Саудия Арабистони Подшоҳлигининг марказий телеканали мухбирлари ўзбекистонлик уламолардан мамлакатимизда олиб борилаётган ўзгаришлар ва янгиликлар ҳақида интервьюлар олдилар.
Ўзбекистон мусулмонлари идораси раиси маслаҳатчи Абдуҳаким қори Матқулов интервью бериш чоғида муҳтарам Президентимиз томонидан мамлакатимизда амалга оширилаётган кенг кўламли ислоҳотлар, айниқса, диний-маърифий жабҳадаги аҳамияти беқиёс ишлар, янги барпо этилаётган масжидлар, илмий мажмуалар, очилаётган диний таълим муассасалари ҳақида алоҳида тўхталди.
Ўзбекистон мусулмонлари идораси Котибияти мудири Муҳаммад Аюбхон Ҳомидов эса Ўзбекистондаги ислом цивилизацияси маркази, Халқаро ислом академияси, Имом Бухорий, Имом Термизий каби буюк алломаларимиз номидаги халқаро илмий-тадқиқот марказлари, Ҳадис илми мактаби ташкил этилгани юртимизда Ислом дини илмини янада равнақ топтиришга хизмат қилаётганини сўзлаб берди.
Арафотдаги ушбу ўзбекистонлик уламолар Қурбон ҳайити муносабати билан муҳтарам Президентимизни ва барча юртдошларимизни муборакбод этиб, Аллоҳ таоло бутун халқимизга ушбу қутлуғ айёмни файзу баракотли қилишини, юртимиздаги тинчлик, осойишталик неъмати бардавом бўлишини ва халқимиз фаравонлигини янада зиёда этишини сўраб дуолар қилмоқдалар.
Муборак сафар жараёнларини сайтимизда кузатиб боринг.
Ўзбекистон мусулмонлари идораси Матбуот хизмати
Сўнгги йилларни ўз ичига олган давр илмий ва эксперт доиралар томонидан Ўзбекистон тараққиётининг янги босқичи деб аталмоқда. Ушбу қисқа вақт ичида Ўзбекистонда турли соҳаларда амалга оширилган ислоҳотлар давлат ва жамиятнинг жадал ривожланишига эришиш, халқ фаровонлиги ва осойишталигини таъминлашга хизмат қилмоқда.
Ўтган қисқа вақт давомида Ўзбекистон Республикаси Президенти Шавкат Мирзиёев томонидан диний-маърифий соҳа фаолиятини тубдан такомиллаштиришга қаратилган муҳим ташаббуслар илгари сурилди. Биринчидан, 2016-йилнинг 18-октабрида Тошкентда Ислом ҳамкорлик ташкилоти Ташқи ишлар вазирлари кенгаши 43-сессияси йиғилишида Ўзбекистон Президенти томонидан Самарқандда Имом Бухорий халқаро илмий-тадқиқот марказини ташкил этиш ташаббуси илгари сурилди.
Иккинчидан, Ўзбекистон Республикаси Президенти 2017-йилда Бирлашган Миллатлар Ташкилоти Бош Ассамблеясининг 72-сессиясида иштирок этиб, халқаро майдонда ислом динига нисбатан кузатилаётган бир ёқлама салбий муносабатга нисбатан ўзининг қатъий позициясини мухтасар ифода қилиб, жумладан шундай деди: “Биз муқаддас динимизни зўравонлик ва қон тўкиш билан бир қаторга қўядиганларни қатъий қоралаймиз ва улар билан ҳеч қачон муроса қила олмаймиз. Ислом дини бизни эзгулик ва тинчликка, асл инсоний фазилатларни асраб-авайлашга даъват этади”.
Бирлашган Миллатлар Ташкилотида Ўзбекистон раҳбари жаҳон ҳамжамиятига Ўзбекистондаги Ислом цивилизацияси марказини ташкил этиш лойиҳаси ҳақида сўзлади. Ислом цивилизацияси маркази ўз ғояси ва аҳамиятига кўра бетакрор лойиҳа бўлиб, ислом динининг илмий-маънавий бойлиги, бунёдкорлик салоҳиятини намойиш этишга қаратилган.
Ғайрат РАСУЛОВ,
Ўзбекистон халқаро ислом академияси
“Ислом тарихи ва манбашунослиги ИРCИCА” кафедраси мудири
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа