Avgust oyida Chechenistonda Shalida yirik masjidning ochilishi va Xalqaro Qur’on musobaqasi bo‘lib o‘tdi.
Musobaqada 25 davlatdan hofizi Qur’onlar ishtirok etdi. Ushbu musobaqada yurtimiz sharafini Yo‘ldosh qori Nuriddinov himoya qildi.
Tanlov yakunlariga ko‘ra birinchi o‘rin sohibiga 100 ming AQSH dollari, ikkinchi o‘ringa 50 ming AQSH dollari, uchinchi o‘ringa esa 25 ming AQSH dollari miqdorida mukofot pullari topshirildi
1-o‘rin: Liviya
Ishtirokchi – Abdurrahmon al-Bashir Solim
Rivoyat: imom Qolunning imom Nofe’dan rivoyati
Ball: 100
2-o‘rin: Yaman
Ishtirokchi – Abdulmajid Mujohid Aliy as-Samoviy
Rivoyat: imom Hafsning imom Osimdan rivoyati
Ball: 99.97
3-o‘rin: Suriya
Ishtirokchi - Ahmad Muhammad Umar
Rivoyat: imom Hafsning imom Osimdan rivoti
Ball: 99.90
O‘zbekistonlik qori Nuriddinov Yo‘ldoshbek imom Hafsning imom Osimdan rivoyati asosida tilovat qilib, 100 baldan 98.37 ball to‘pladi. Bu esa uni 7-o‘rinni egallashiga zamin yaratdi. Bu haqda Toshkent islom instituti axborot xizmati xabar berdi.
O‘zbekiston musulmonlari idorasi Matbuot xizmati
Qozog‘iston musulmonlari diniy boshqarmasi tashkil topganiga 35 yil to‘lgani munosabati bilan Olmaota shahrida “Markaziy Osiyo va Qozog‘istonda Islom: tarixiy an’analar va zamonaviy imkoniyatlar” mavzusida nufuzli xalqaro anjuman o‘tkazildi. Unda turli davlatlardan kelgan islom ulamolari ishtirok etishdi. Jumladan, O‘zbekiston musulmonlari idorasi huzuridagi Fatvo markazi direktor o‘rinbosari G‘ulomiddin Xolboyev ham qatnashib, “Sun’iy ong (intellekt) va uning hukmi” mavzusida chiqish qildi.
Darhaqiqat, sun’iy ong (SO) – odam kabi fikrlab, qo‘yilgan muammoga yechim topishga yo‘naltirilgan bugungi texnologiya. Garchi u turli uskuna va jihozlar ko‘rinishida bo‘lsa ham, qaror qabul qilish, insoniy xulq-atvorga taqlid qilish kabi qobiliyatlarga ega.
Axborot asri deb atalayotgan bugunga kelib ilm-fan va axborot-kommunikatsiya texnologiyalari juda ham tez va shiddat bilan rivojlanib bormoqda. Taraqqiy etgan o‘lkalarda sun’iy intellekt imkoniyatlaridan foydalanish kengayib, u ko‘plab sohalarga kirib bormoqda. Ushbu “ong”ning shar’iy hukmiga aniqlik kiritish zamona faqihlari oldida turgan muhim vazifalardan. Zero, undan musulmonlar ham keng miqyosda foydalanmoqda.
O‘zbekiston ulamolari vakili G‘ulomiddin domla Xolboyevning chiqishi shu ma’noda katta qiziqish bilan tinglandi.
O‘zbekiston musulmonlari idorasi
Matbuot xizmati