“Ҳилол” нашриётида Шайх Муҳаммад Содиқ Муҳаммад Юсуф ҳазратлари қаламига мансуб беш жилдлик “Хислатли ҳикматлар шарҳи” китоби чоп этилди.
Ушбу тўпламдан шайх Ибн Атоуллоҳ Сакандарийнинг “Ҳикамул-Атоийя” китобининг таржимаси ва батафсил шарҳлар ўрин олган. Унда руҳий тарбияга оид асарларни ўрганишга оид мулоҳазалар, қалб кўзи берклигининг далили, алдамчи дунёга нафс ёки қалб назари каби кўплаб масалаларда мазмунли ва хислатли ҳикматлар келтириб ўтилган.
Орзиқиб кутилган ушбу беназир тўплам ўзига хос бежирим қутига жойланган бўлиб, замонавий кўринишга эга. Унинг китобсевар мухлисларимиз қалбидан жой эгаллашига ишонамиз.
Ўзбекистон мусулмонлари идораси Матбуот хизмати
Савол: Мен бегона жойда меҳмонхонага жойлашдим. Шошилиб, эътиборсизлик билан намозни қиблага тескари тарафга қараб ўқиб қўйибман. Ўқиб бўлганимдан кейин тушундим, шу намозимни ҳукми қандай бўлади?
Жавоб: Бисмиллаҳир Роҳманир Роҳийм. Бу ҳолатда, сиз намозингизни қайтадан ўқишингиз лозим бўлади. Чунки қибла қайси тарафдалигини билмаган одам, шу ерлик қиблани биладиган (мусулмон, ақли расо, ошкор гуноҳлардан тийилган) кишидан сўраб, намоз ўқиши лозим. Агар шу ҳолатда қиблани биладиган киши топилмаса, кечаси одамларнинг эшигини тақиллатиб юрмайди. Балки бор имкониятини ишга солиб, қиблани топишга ҳаракат қилади. Қалби билан бир томонни қибла, деб қасд қилиб намозини ўқийди. Гарчи қиблани тўғри тополмаган бўлса ҳам, унинг намози дуруст бўлади. Валлоҳу аълам.
Ўзбекистон мусулмонлари идораси
Фатво маркази