Сайт тест ҳолатида ишламоқда!
20 Сентябр, 2024   |   17 Рабиъул аввал, 1446

Тошкент шаҳри
Бомдод
04:50
Қуёш
06:09
Пешин
12:21
Аср
16:35
Шом
18:26
Хуфтон
19:40
Bismillah
20 Сентябр, 2024, 17 Рабиъул аввал, 1446

Ҳадис илми мактаби абитуриентларига қўшимча имконият берилмоқда!

14.07.2020   1917   1 min.
Ҳадис илми мактаби абитуриентларига қўшимча имконият берилмоқда!

АБИТУРИЕНТЛАР ДИҚҚАТИГА!

ИМКОНИЯТ МАВЖУД
Ҳурматли, Ҳадис илми мактабига ҳужжаат топширган абитуриентлар, сизларга ўз билим ва иқтидорингизни тўлиқ намоён этишингиз учун янада қулайлик яратиш мақсадида Ҳадис илми мактабига топширган ҳужжатингиз сақланган ҳолда 2020 йилнинг 14 июлидан 20 июлига (шу куни ҳам) қадар қўшимча равишда Тошкент ислом институти ёки Мир Араб олий мадрасасида ҳам ҳужжат топшириш имконияти берилди.

ИМТИҲОНЛАР КЕЧИКТИРИЛМОҚДА
Республика махсус комиссияси қарори билан карантин чекловларининг кучайтирилгани муносабати билан ҳозирча қабул имтиҳонлари 2020 йилнинг 1 августига қадар кечиктирилмоқда.

ҚЎШИМЧА МАЪЛУМОТ БЕРИЛАДИ
Карантин чекловларининг юмшатилишига қараб қабул имтиҳонларини ўтказиш вақтлари тўғрисида қўшимча маълумот берилади

ИМТИҲОНГА ҚАЙТА ИШТИРОК ЭТИШ ИМКОНИЯТИ
Карантин чекловлари юмшатилишига қараб Ҳадис илми мактаби абитуриентлари дастлаб қабул имтиҳонларига иштирок этишади. Қабул имтиҳонлари натижаларига кўра кириш учун етарли балл тўплай олмаган абитуриентлар Тошкент ислом институти ва Мир Араб олий мадрасаси қабул имтиҳонларига қайта иштирок этиш имкониятига эга бўлишади.
Демак, Ҳадис илми мактаби абитуриентлари бир йилда иккита олий диний таълим муассасасига ҳужжат топшириб, имтиҳон жараёнларига иштирок этиш имкониятига эга бўлмоқда.

Хадис Илми мактаби Матбуот хизмати

Ўзбекистон янгиликлари
Бошқа мақолалар
Мақолалар

Kasallikka qarshi eng yaxshi davo

20.09.2024   175   1 min.
Kasallikka qarshi eng yaxshi davo

Бисмиллаҳир Роҳманир Роҳийм

“Agar bemor bo’lsam, bas, U (Alloh) menga shifo beradi” (“Shuaro” surasi, 80-oyat).

Usmon ibn al-Os as-Saqafiy roziyallohu anhu musulmon bo‘lganidan beri tanasida og‘riq sazayotganini aytib, Rasululloh sollallohu alayhi vasallamga  shikoyat qildi.

Shunda Rasululloh sollallohu alayhi vasallam unga bunday dedilar: “Qo‘lingni tanangdagi og‘riyotgan joyga qo‘y va uch marta “Bismillah” deb ayt va yana yetti marta quyidagilarni ayt:

أَعُوذُ باللَّهِ وَقُدْرَتِهِ مِن شَرِّ ما أَجِدُ وَأُحَاذِرُ

O‘qilishi: A’uzu bi ’izzatillahi va qudrotihi min sharri ma ajidu va uhaziru.

Ma’nosi: (Hozir tanamda) his qilayotgan va kelajakda ro‘y berishi mumkin bo‘lgan g‘am-tashvish (yoki ushbu og‘riqning davom etishi)ning yomonligidan Allohning izzati va qudrati ila panoh so‘rayman (Imom Muslim rahimahulloh rivoyati).

Abdulloh Abdulmajid tayyorladi

Мақолалар