1989 yilda Andijon viloyatining Izboskan tumanida Ahmadali ismli ziyoli, ilm ahlidan bo'lgan kishining sa'y-harakatlari bilan tuman markazida xalq hashari yo'li bilan masjid qurilgan. Masjidda shu kishining o'zi imomlik qilgan. Qadimdan ba'zi masjidlarning shu joyda imomlik qilgan imomlari nomi bilan xalq orasida nomlanishi an'ana bo'lgan. Shu tariqa masjid “Ahmadali hoji” nomi bilan shu vaqtga qadar tumandagi markaziy masjid sifatida faoliyat ko'rsatmoqda. Masjid dastlab qurilgan xonaqoh va keyinchalik unga tutuash  qo'shimcha xonaqohdan iborat.

Bugungi kunga kelib masjidning eski xonaqohi ta'mirtalab holga kelgani, shuningdek, Favqulodda vaziyatlar boshqarmasining binoning yaroqsiz holga kelganligi haqidagi xulosasiga binoa qaytadan qurilmoqda. Ta'mirlash ishlari shu yilning mart oyida boshlangan bo'lsa, bugungi kunga qadar ishlar qizg'in. Maqsad qishning sovuq kunlariga qadar yangi xonaqohni bitkazib, namozxonlar uchun issiq joy hozirlash.

38 o'rinlik tahoratxona ta'mirlanib, yaqin kunlarda foydalanishga topshiriladi. Minora samarqandlik ustalar tomonidan qayta ta'mirlandi. Hozirda yangi xonaqohning tom qismini yopish ishlari yakuniga etkazilmoqda. O'rnatilgan uchta yirik gumbaz ikki xonaqohni yaxlit bir ko'rinishga keltirdi. Yangi xonaqoh erto'la qismi bilan birgalikda 800 dan ortiq kishi sig'dira oladi. Hovli qismlari bilan hisoblanganda ushbu jomeda jami 2000 mingda ortiq namozxon ibodat qila olishi mumkin. Hayrli islohotlarga hissalari qo'shilayotgan kishilardan Alloh taolo rozi bo'lsin.    

O'zbekiston musulmonlari idorasi Masjidlar bo'limi