2020 йил 26 октябрь куни эълон қилинган Muslim 500-2021 рейтингида Ўзбекистон мусулмонлари идораси раиси, муфтий Усмонхон Алимов ҳазратлари номлари ҳам келтирилган. Таъкидлаш жоизки, муфтий ҳазратлари ушбу рўйхатдан 2009 йилдан буён ўрин эгаллаб келаётган кам сонли нуфузли дин пешволаридан биридирлар.
Ушбу рўйхат Иорданиянинг Аммон шаҳридаги Қироллик стратегик Ислом тадқиқотлар маркази томонидан эълон қилинди. Бу ҳақда http://themuslim500.com/ хабар бермоқда.
Бу йил Muslim 500-2021 рейтингида Туркия президенти Ражаб Тоййиб Эрдоған биринчи ўрин. Ундан кейин Саудия қироли Салмон ибн Абдулазиз ва Эроннинг Олий диний раҳнамоси Оятуллоҳ Саид Али Хаменеи бор.
Дастлабки бешликни 1999 йилдан бери Иордания қироли, Қуддусдаги муқаддас қадамжолар қўриқчиси Абдулла II ибн Ҳусайн ал-Ҳошимий ва етакчи ислом мутафаккири, ислом молияси асосчиларидан бири Шайх Муҳаммад Тақи Усмоний якунлайди.
Топ-50 таркибига Покистон Бош вазири Имрон Хон (15 ўрин), Саудия валиаҳд шаҳзодаси Муҳаммад бин Салмон (23 ўрин), Тожикистонда яшовчи дунёдаги исмоилийларнинг маънавий йўлбошчиси Шоҳ Карим ал-Ҳусайний (30 ўрин), мисрлик футболчи Муҳаммад Салоҳ (42 ўрин) ҳам киритилган.
Шунингдек, рейтингда президентлар Илҳом Алиев (Озарбайжон), Гурбангули Бердимуҳаммедов (Туркманистон), Эмомали Раҳмон (Тожикистон), Рамзан Қодиров (Чеченистон) ҳамда UFCнинг енгил вазн бўйича чемпиони Ҳабиб Нурмагомедов ва бошқалар ўрин эгаллаган.
Ўзбекистон мусулмонлари идораси Матбуот хизмати
Исломнинг барча – бешала рукнини ҳам бажарган одам чинакам саодатлидир. Айниқса, ҳожилик – алоҳида масъулият талаб этадиган мақом. Бу йил юртимиздан 15 мингдан зиёдроқ фуқаро ана шундай шарафга эга бўлди.
Бу йил юртимиздан ҳажга борган юртдошларимиз Арафот водийсида муфтий, Шайх Нуриддин Холиқназар ҳазратлари бошчиликларида юртга қайтгач, «Янги Ўзбекистоннинг тинчлик ва маънавият тарғиботчилари бўламиз» деган эзгу ташаббусни илгари сурган эдилар.
Бугун, 14 июль куни пойтахтимиздаги «Шайх Муҳаммад Содиқ Муҳаммад Юсуф» жоме масжиди мажлислар залида пойтахтимизда фаолият юритаётган имом-хатиблар, имом ноиблари иштирокида йиғилиш ўтказилди.
Тадбирда Ўзбекистон Республикаси Дин ишлари бўйича қўмитаси раисининг биринчи ўринбосари Давронбек Махсудов, Тошкент шаҳар ҳокимининг жамоат ва диний ташкилотлар билан алоқалар бўйича ўринбосари Абдулвосид Хомитжонов, «Нуроний« жамғармаси Тошкент шаҳар бўлими раиси Рустам Калонов, Маҳаллалар уюшмаси Тошкент шаҳар ҳудудий бошқармаси бошлиғи Фурқатхўжа Маҳмудхўжаев, Тошкент шаҳар бош имом-хатиби Абдуқаҳҳор домла Юнусов иштирок этди.
– Ҳожиларга катта ишонч билдириб, улар маънавият тарғиботчиларидир, – дейди ДИҚ раиси биринчи ўринбосари Даврон Махсудов. – Ҳадиси шарифда: “Инсонларнинг Аллоҳ таолога энг севиклиси одамларга кўп манфаати етказадиганидир” (Имом Табароний ривояти), дейилган. Шундай экан, ҳар бир ҳожига ўз ҳудудидаги имом-хатиб кўмакчи бўлиб, маҳаллама-маҳалла юриб, аҳолига, айниқса, ёшларга панду насиҳатлар қилишлари зарур. Чунки ҳожиларнинг сўзлари таъсирчан бўлади. Фарзандларимизнинг турли ёт ғоялар таъсирига тушиб қолишининг олдини олишда уларнинг хизматидан фойдаланишимиз керак. Ҳожиларимизнинг саъй-ҳаракатлари билан халқимизнинг маънавияти, маърифати янада ошади.
Ана шундай маънавий-маърифий тадбирлар орқали ҳожиларимиз жамиятимиздаги меҳр-оқибат муҳитини янада мустаҳкамлаш, жаҳолатга қарши маърифат билан курашиш, ёшлар тарбияси ва оилалар тотувлигида ибрат бўлмоқдалар.