10 Феврал, 2026, 22 Шаъбон, 1447
10 Феврал, 2026, 22 Шаъбон, 1447
Ўзбекистон мусулмонлари идораси раиси, муфтий Усмонхон Алимов ҳазратлари ва Дин ишлари бўйича қўмита раиси Абдуғофур Аҳмедов хизмат сафари билан Сурхондарё вилоятида бўлиб турганлари ҳақида аввал хабар берган эдик.
Бугун, 26 ноябрь куни муфтий Усмонхон Алимов ҳазратлари бошчилигидаги меҳмонлар Сурхондарё вилоятининг олис Сариосиё туманидаги чекка ҳудудда жойлашган “Нуробод”, “Кенгжар” маҳаллалари аҳли учун янги қурилган “Абдураҳмон ҳожи ота” жоме масжиди билан яқиндан танишдилар. Мазкур маҳаллалар аҳолиси, масжид жамоаси ва нуроний отахонлар билан мулоқот қилинди.
Қуръони карим қироати билан бошланган тадбир эзгу дуоларга уланди. Хусусан, ушбу масжидни Аллоҳ таолодан ҳудуд аҳли ва бутун халқимизга баракали қилиши, жоме қиёматга қадар ибодат, зикр ва илм маскани бўлиши, бундай хайрли ишга ҳисса қўшган барча-барчага ажру савобини кўпайтириб беришини сўраб муфтий ҳазратлари кўпдан-кўп дуолар қилдилар.
“Абдураҳмон ҳожи ота” жоме масжиди қурилиши маҳаллий аҳоли талаб ва истакларини инобатга олган ҳолда 2017 йилда бошланиб, 2020 йил март ойида якунланди. Масжиднинг ер майдони 10 сотих бўлиб, бино миллий андозалар ва замонавий талаблар асосида кенг ва ёруғ қилиб қурилган. Жоме масжид сиғими 400 нафар намозхонга мўлжалланган бўлиб, саховатпеша инсонлар кўмаги ва ҳашар йўли билан бунёд этилди.
Ушбу жоме масжидни мўмин-мусулмонларга муборак айлашини Ҳақ таборака ва таолодан илтижо қилиб сўраймиз.
Ўзбекистон мусулмонлари идораси Матбуот хизмати
Бисмиллаҳир Роҳманир Роҳийм
Савол: Рамазон ойи олдидан луқмани ҳалоллаш мақсадида балиқ еб олиш керак деган мазмунда видео кўриб қолдим. Ростдан ҳам шундай тавсиялар борми?
Жавоб: Бисмиллаҳир Роҳманир Роҳийм.
Минг афсуски, айрим ҳолларда обуначини кўпайтириш мақсадида динда йўқ бўлган маълумотларни тарқатадиганлар ҳам учраб туради. Шунинг учун мусулмон киши доимо динига оид ҳукмларни ким айтаётганига эътибор қаратмоғи лозим экан.
Рамазон олдидан балиқ ейиш ҳақидаги гап-сўзлар ҳам ана шу асоссиз маълумотлар сирасига киради. Тўғри, халқимиз орасида “Балиқ луқмаи ҳалол” деган гап бор. Аммо унинг маъноси балиқ инсон организмида аввал ейилган шубҳали нарсаларни ҳалоллайди, дегани эмас, балки балиқ бошқа ҳайвонлардан фарқли ўлароқ, унинг ўлиб қолганини ҳам еса бўлади, деганидир. Зеро бу борада келган ҳадиси шарифлар ҳам ушбу мазмунга далолат қилади.
Жумладан, Абдуллоҳ ибн Умар розияллоҳу анҳумодан ривоят қилинади. Набий соллаллоҳу алайҳи васаллам: “Бизга икки ўлимтик ва икки қон ҳалол қилинди. Икки ўлимтик; балиқ ва чигирткадир. Икки қон бўлса, жигар ва қора талоқдир”, дедилар (Ибн Можа ва Ҳоким ривоят қилган).
Фақатгина ўлиб қолган балиқлар ичида ҳеч қандай ташқи омилсиз, бесабаб ўлиб қолганини еб бўлмайди. Валлоҳу аълам.
Ўзбекистон мусулмонлари идораси
Фатво маркази.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа