29 Май, 2026, 11 Зулҳижжа, 1447
29 Май, 2026, 11 Зулҳижжа, 1447
Ўзбекистон мусулмонлари идораси тасарруфидаги “Кўкалдош” билим юрти битирувчиси Нўъмонхон Яҳёхон билан саодат асрига саёҳат қилиб, саҳобалар ҳаётига оид таъсирли лавҳаларни янги ташкил этилган “Пешқадамлар” лойиҳасида ёритиб бориш режалаштирилган.
Азиз мухлис, muslim.uz ижодкорлари Аллоҳнинг ёрдами ила яна бир хайрли лойиҳага қўл урди. Бундан мақсад Ислом дини маърифатини Ҳазрати Пайғамбаримиз Муҳаммад соллаллоҳу алайҳи ва салламдан ўрганиб, кейинги авлодларга етказиб кетган саҳобалар ҳаётига чуқур назар солиб, дин ривожи йўлида қилган буюк хизматларини кўрсатиб, ибрат олиш саналади.
Ислом тарихи саҳобалар ҳаёти билан чамбарчас боғлиқ. Улар пайғамбарлардан кейин инсонларнинг энг комил ва фозилларидир. Саҳобаларнинг энг яхшилари тўрт халифа, кейин жаннатга кириши башорат қилинганлар, Бадр ва Уҳуд, Ризвон иштирокчилари туради. Шунингдек, уларнинг бирлари илмда, яна бирлари ҳалимликда, бошқалари эса саховат ё жасорат бобида пешқадам бўлганлар. Aллоҳ улардан рози бўлсин.
Мана шундай маърифий лойиҳаларни ҳар бир талаба, ҳар бир битирувчи ёки диний соҳа ходими силсила шаклида олиб боришида бизнинг сайт ва ижтимоий тармоқларимиз минбар вазифасини ўташи мумкин.
Ҳақ таоло ушбу “Пешқадамлар” кўрсатувини муваффақиятли қилсин!
Ўзбекистон мусулмонлари идораси Матбуот хизмати
@muslimuzportal | @mp3muslim | @diniysavollar
1. Арафа куни кечаси, яъни, ҳайит кунига ўтар кечасини бедор ўтказиш.
Ҳайит кунига ўтар кечани Қуръон тиловати, зикр, тасбиҳ ва нафл намозлар билан ўтказиш улкан савобларга сабаб бўлади. Расулуллоҳ соллалоҳу алайҳи васаллам: "Ким икки ийд кечаларини Аллоҳдан савоб умидида қоим қилса, қалблар ўладиган кунда унинг қалби ўлмас”, деганлар (Ибн Можа, Табароний ривояти).
2. Ғусл қилиш. “Расулуллоҳ соллаллоҳу алайҳи васаллам фитр, азҳо ва арафа кунлари ғусл қилар эдилар” (Ибн Можа ривояти).
3. Энг яхши, янги ёки тоза кийимларни кийиш.
4. Хушбўйланиш.
5. Қурбон ҳайити намозига чиқишдан олдин ҳеч нарса емаслик. “Расулуллоҳ соллаллоҳу алайҳи васаллам Рамазон ҳайитида таомланмасдан чиқмасдилар, қурбонлик кунида эса намоз ўқигунларича таомланмасдилар” (Имом Термизий ривояти).
Эслатма! Баъзилар қурбон ҳайитида ҳеч нарса емай намозга чиқишни нотўғри тушуниб, куннинг аввалги ярмига қадар рўзани ният қилиш керак, дейишади. Шу билан бирга, ўша куни саҳарликка туришади ва оғизларини ният билан беркитиб намозга чиқишади. Ҳайит намози ўқиб бўлингач эса, худди ифторликдаги каби оғизларини очишади. Бундай қилиш нотўғри. Ҳайит кунларида рўзани ният қилиш ҳаром амал саналади. Қолаверса, ярим кунга рўза ният қилинмайди.
6. Масжидга имкон бўлса пиёда ва эртароқ бориш. “Расулуллоҳ соллаллоҳу алайҳи васаллам икки ҳайит намозига пиёда юриб чиқардилар” (Ибн Можа ривояти).
7. Йўлда таҳлил (Лаа илаҳа иллаллоҳ), такбир (Аллоҳу акбар) ва таҳмид (Алҳамдулиллаҳ) айтиш. "Аллоҳу акбар, Аллоҳу акбар, Лаа илаҳа иллаллоҳу Аллоҳу акбар, Аллоҳу акбар ва лиллаҳил ҳамд".
8. Ҳайит намозидан олдин бошқа бирор нафл намоз ўқимаслик. Масжидга боргандан сўнг таҳийятул масжид ёки бошқа бирор нафл намоз ўқимасдан зикр қилиб ўтириш лозим.
9. Намозга бир кўчадан бориб, бошқасидан қайтиш. Набий соллаллоҳу алайҳи васаллам шундай қилар эдилар.
10. Ҳайит билан муборакбод этиш. Саҳобалар: "Тақоббал Аллоҳ минна ва минкум (Аллоҳ биздан ҳам, сиздан ҳам қабул этсин)", деб бир-бирларини байрам билан табриклашарди.
11. Аҳли аёл ва ёш болаларни хурсанд қилиш. Оилада байрам кайфиятини пайдо қилиш, совға-ҳадялар улашиш керак.
12. Қавм-қариндош, ёш улуғларни зиёрат қилиш.
13. Таниш-билиш, ёру дўст, қўни-қўшниларни байрам билан табриклаш.
Қурбон ҳайитингиз муборак бўлсин!
Даврон НУРМУҲАММАД
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа