Имом Бухорий номидаги Тошкент ислом институтига Ўзбекистон давлат жаҳон тиллари университети Араб тили факультети талабалари келиб, олийгоҳ фаолияти билан танишдилар.
Меҳмонларга Ўзбекистон мусулмонлари идораси кутубхона мудири ва институт Ахборот-ресурс маркази ходими Камолиддин Маҳкамов таълим муассасасининг ўқув, илмий ва ташкилий фаолияти тўғрисида маълумот берди.
Шунингдек, талабалар Институтнинг бой кутубхонасидаги ноёб ва машҳур китобларни ҳам кўздан кечирди.
Ўзбекистон мусулмонлари идораси матбуот хизмати
Савол: Мен бегона жойда меҳмонхонага жойлашдим. Шошилиб, эътиборсизлик билан намозни қиблага тескари тарафга қараб ўқиб қўйибман. Ўқиб бўлганимдан кейин тушундим, шу намозимни ҳукми қандай бўлади?
Жавоб: Бисмиллаҳир Роҳманир Роҳийм. Бу ҳолатда, сиз намозингизни қайтадан ўқишингиз лозим бўлади. Чунки қибла қайси тарафдалигини билмаган одам, шу ерлик қиблани биладиган (мусулмон, ақли расо, ошкор гуноҳлардан тийилган) кишидан сўраб, намоз ўқиши лозим. Агар шу ҳолатда қиблани биладиган киши топилмаса, кечаси одамларнинг эшигини тақиллатиб юрмайди. Балки бор имкониятини ишга солиб, қиблани топишга ҳаракат қилади. Қалби билан бир томонни қибла, деб қасд қилиб намозини ўқийди. Гарчи қиблани тўғри тополмаган бўлса ҳам, унинг намози дуруст бўлади. Валлоҳу аълам.
Ўзбекистон мусулмонлари идораси
Фатво маркази