Сайт тест ҳолатида ишламоқда!
13 Август, 2025   |   19 Сафар, 1447

Тошкент шаҳри
Бомдод
04:02
Қуёш
05:30
Пешин
12:33
Аср
17:22
Шом
19:29
Хуфтон
20:50
Bismillah
13 Август, 2025, 19 Сафар, 1447

Янги кўринишдаги “Пискент” жоме масжиди

04.08.2017   11086   2 min.
Янги кўринишдаги “Пискент” жоме масжиди

Кундан-кунга турмушимиз фаровон, ошиёнимиз обод бўлиб бормоқда. Юртимизда бунёд этилаётган улкан қурилишлар қаторида Пискент тумани марказида ҳам йирик иншоат, жоме масжиди қурилиб, намозхонлар ихтиёрига топширилди.

2017 йилнинг 29 июли пискентликлар учун унитилмас кун бўлди. Масжиднинг тантанали очилиш маросимида Ўзбекистон мусулмонлари идораси Тошкент вилояти бош имом-хатиби Х.Турматов, Пискент туман хокими А.Акрамов, Пискент туман бош имом-хатиби ва Олмалиқ шаҳар бош имом-хатиби Х.Ортиқовлар сўзга чиқиб, намозхонларни бу қутлуғ даргоҳ, гўзал кошона, эътиқод маскани билан қутладилар, сўнгги йилларда мамлакатимизда дин эркинлиги соҳасида, намозхонларнинг ибодат қилиш шароитларини яхшилаш бўйича олиб борилаётган ишлар ҳақида алоҳида тўхталиб ўтдилар.

Масжид аҳли янги масжид биносида Тошкент вилояти бош имом – хатиби бошчилигида илк бора пешин намозини ўқидилар. “Пискент” жоме масжидида ибодат қилувчилар учун барча замонавий шароитлар яратилган. Намозхонларнинг яратилган шароитлар ва кўрсатилган эътибор сабаб қалблари хурсандчиликка тўлди.

 Масжид кишини ўзига оҳангрободек тортади. Масжидга кирган кишининг ундан чиққиси келмай қолади. У бирваракайига 2000 намозхонни сиғдириш имкониятига эга. Лойиҳага асосан ўта мустаҳкам таъмал тоши устига пишиқ ғиштдан қурилган. Тўрт мезанали, гумбазли, ўта салобатли. Масжидни гумбази ўта чидамли металлдан Олмалиқ металл заводида ясалган. Томи энг замонавий металл қоплама билан ёпилган. Шифти гипсокартон билан қопланган, иситиш учун пенопласт тўшалган. Эшик ва деразаларига замонавий акфа ромлари ўрнатилган. Полдан иситиш мосламаси ўрнатилган. Полга бир сидирға 1200 кв.метр гилам пояндоз тўшалган. Зина, ҳовли саҳни ва йўлкаларга кафель ва брусчаткалар ётқазилган. Таҳоратхона ва мустаҳабхоналар энг замонавий услубда жиҳозланган. Мўжазгина кутубхона ташкил этилган. Масжид саҳни обод, кўкаламзорлаштирилган. Манзарали дарахт ва гуллар экилган.

 

Зайнилобиддинхон  Қудратов,
Пискент тумани бош имом хатиби

Ўзбекистон янгиликлари
Бошқа мақолалар
Янгиликлар

Фуқаролар мурожаати тингланиб, аксарияти ҳал этилмоқда

13.08.2025   682   1 min.
Фуқаролар мурожаати тингланиб, аксарияти ҳал этилмоқда

Ўзбекистон мусулмонлари идораси раҳбариятининг аҳоли билан самимий мулоқоти кўплаб муаммоларни ҳал этишда муҳим омил бўлмоқда. Айниқса, фуқаролар қабули давомида ҳар бир мурожаат эътиборга олиниб, ўз ечимини топаётгани қувонарли ҳол.
 

Бугун, 13 август куни Диний идора раиси ўринбосари Зайниддин домла Эшонқулов фуқароларни қабул қилиб, мурожаат, арз ва таклифларини эшитди. Қабул чоғида улар томонидан кўтарилган диний таълим, ҳаж-умра, масжидлар ҳолати, оилавий муаммо ва моддий ёрдам олиш сингари масалалар кўриб чиқилди.


Жумладан, оилавий муносабатларда келганларга муаммолар ечими бўйича маслаҳатлар, шаръий масалалар ечими юзасидан тавсиялар ва моддий ёрдам сўраганларга белгиланган тартибда кўмак берилди.


Бу каби қабул жараёнлари Ўзбекистон мусулмонлари идорасининг ҳудудлардаги вакилликлари ва барча жоме масжидларида ҳам ҳафтанинг ҳар чоршанба куни имом-домлалар томонидан амалга оширилмоқда.


Ўзбекистон мусулмонлари идораси

Матбуот хизмати

Фуқаролар мурожаати тингланиб, аксарияти ҳал этилмоқда Фуқаролар мурожаати тингланиб, аксарияти ҳал этилмоқда Фуқаролар мурожаати тингланиб, аксарияти ҳал этилмоқда Фуқаролар мурожаати тингланиб, аксарияти ҳал этилмоқда
Ўзбекистон янгиликлари