Qur’on musobaqasi Jizzax va Sirdaryoda davom etadi
Bugun, 16 yanvar kuni Qur’on musobaqasining hududiy bosqichlari Jizzax viloyatida davom etadi. Sirdaryo viloyatida esa musobaqaning dastlabki hududiy bosqichiga oq fotiha beriladi.
Jizzax viloyatidagi musobaqaning hududiy bosqichi Jizzax shahridagi musiqali drama teatrida davom etmoqda. Sirdaryo viloyatida esa musobaqaning dastlabki hududiy bosqichi Guliston shahridagi “Osiyo” koshonasida boshlanadi.
Bizni kuzatishda davom eting, ushbu ikki viloyatdagi hududiy bosqich jarayonlarini jonli xabarlarda yoritib boramiz.
O‘zbekiston musulmonlari idorasi Matbuot xizmati
Ulug‘ ajdodimiz me’rosiga oid respublika ilmiy-amaliy anjumani o‘tkazildi (foto+)
Bugun, 30 iyun kuni Xorazm Ma’mun akademiyasida "Najmiddin Kubro ma’naviy-ma’rifiy merosi va uning zamonaviy tadqiqi" mavzusida respublika ilmiy-amaliy konferensiyasi bo‘lib o‘tdi.
Mazkur anjuman Davlatimiz rahbarining Najmiddin Kubro tavalludining 880 yilligini keng nishonlash to‘g‘risida ilgari surgan tashabbusi doirasida ulug‘ ajdodimizning ilmiy va ma’naviy merosini chuqur o‘rganish, bu merosni zamonaviy tadqiqot metodlari asosida tahlil qilish hamda uning umuminsoniy va milliy qadriyatlar tizimidagi o‘rnini belgilash maqsadida tashkil etildi.
Anjuman doirasida Najmiddin Kubroning tasavvufiy va ma’rifiy g‘oyalari, ularning zamonaviy ma’naviy-axloqiy muammolarni hal etishdagi o‘rni, allomaning hayoti va faoliyatiga oid tarixiy manbalar, asarlarining bugungi kundagi ilmiy va amaliy ahamiyati, kubroviylik ta’limotining tarixi va bugungi holati, shuningdek, ushbu ta’limotning keyingi tasavvuf maktablariga ta’siri keng muhokama etildi.
O‘zbekiston musulmonlari idorasi
Matbuot xizmati
- «
- »