Ўзбекистон янгиликлари

Етти киши ҳалок бўлган оиладан хабар олинди

15 февраль куни Тошкент шаҳри, Шайхонтоҳур туманидаги хонадонда ёнғин содир бўлиши оқибатида ушбу хонадонда яшаб келган бир оиланинг етти нафар аъзоси ҳаётдан кўз юмгани ҳақиба хабар берилганди.
Маълум бўлишича, «Ҳилол» нашриётида бир неча йиллар давомида муҳаррир бўлиб ишлаган, «Тафсири Ҳилол», «Кифоя» каби асарларни таҳрир қилган Шаҳобиддин ҳожи Одиловнинг яқинлари ҳам ушбу фалокат туфайли ҳалок бўлган.
Шу муносабат билан, Ўзбекистон мусулмонлари идораси раиси, муфтий Усмонхон Алимов ҳазратларининг ҳамдардликларини етказиш мақсадида, Диний идора масъуллари ушбу хонадонга бордилар.
Мусибатзада хонадан эгаларига чин кўнгилдан таъзия изҳор этиб, муфтий ҳазратларининг ҳамдардликлари етказилди. Бундай оғир синовларни чинакам мўминларга хос сабру матонат билан қарши олишларида Яратган Роббимиз мададкор бўлишини тиладилар.
Қуръони карим тиловат қилиниб, марҳумлар ҳаққига бағишланди.
Аллоҳ таоло ушбу марҳумларни Ўз раҳматига олиб, сабру жамил ато этсин.


Ўзбекистон мусулмонлари идораси Матбуот хизмати

1640 марта ўқилди
Мавзулар

Янгиликлар

Top