22 Январ, 2025, 22 Ражаб, 1446
22 Январ, 2025, 22 Ражаб, 1446
Қорақалпоғистон мусулмонлари қозиёти қозиси Баҳраматдин домла Разов бошчилигида Қорақалпоғистон мусулмонлари қозиёти ходимлари, қози ўринбосари Джолаушиев, Нукус шаҳри бош имоми Набатов, Шуманай тумани бош имоми Амедов, Қанликўл тумани бош имоми Наимов ва Қўнғирот тумани ҳожиларидан иборат гуруҳ тузилиб, Қўнғирот туманидаги "Ҳаким Сулаймон" ва "Мулла Исҳоқ" масжидларининг фаолиятини ўрганиш, имом-хатиблар билан тажриба алмашиш, уларга кўрсатмалар бериш мақсадида тадбир ўтказилди.
Тадбирда масжид жойлашган маҳаллаларда яшовчи муаммоли, эҳтиёжманд оилалар, ногиронлиги бўлган фуқаролар ҳолидан хабар олиш, уларга моддий ва амалий ёрдамлар бериш ҳам белгиланган.
Тадбирдан сўнг "Ҳоким Сулаймон" масжидининг янги қуриб битказилган таҳоратхонасидаги шароитлар билан танишди ва қурилиш ишларида яқиндан ёрдам берган қурувчиларга қози домла Баҳраматдин домла қозилик номидан ташаккур билдирди.
Ишчи гуруҳ аъзолари тумандаги "Санъат, Адабиёт, Навоий, Қиёт, Темир йўл, Қумбуз, Олтин кўл" маҳаллаларидаги жами 13 та оиланинг яшаш шароитларидан хабардор бўлди, оила аъзолари билан суҳбатлашиб, моддий ёрдамлар берди.
Бош имомлар тумандаги масжидларда амалга оширилган тозалаш, ободонлаштириш, куз-қиш мавсумига тайёргарлик ишлари, масжидларда иш юритиш ҳужжатларининг қонун талабларига мувофиқлигини кўздан кечирди, камчиликларни тўлдириш учун кўрсатмалар берди.
Баҳраматдин домла Разов марказий "Ҳаким Сулаймон" масжидида, Нукус шаҳри бош имоми Набатов "Мулла Исҳоқ" масжидида пешин намозида "Масжид одоби", "Тинчлик ва хотиржамлик", "Миллатлараро тотувлик" мавзуларида маъруза қилди.
Қорақалпоғистон мусулмонлари қозиёти Матбуот хизмати
МУАММО
Олимларнинг фикрича адоват ёки кек сақлаб юриш инсон саломатлиги учун зарарли бўлиб, юрак-қон томир ва иммун тизимининг бузилишига, бош ҳамда бўғимлар оғриғига олиб келади. Бундан ташқари инсонда депрессия, хавотир, жиззакилик каби муаммоларни келтириб чиқарар экан.
ТАДҚИҚОТ
Доктор Майкл Берри ўзининг “Саратонни даволаш” номли китобида бундай ёзади: “Дарҳақиқат, кечиримли ва саховатли бўлиш инсон саломатлигига ижобий таъсир қилади. Илмий тадқиқотларда, асабий таранглик, гина-адоват сақлашлик овқат ҳазм қилиш ва қон айланиш тизимига салбий қилиши ва бу – саратон касаллигини келтириб чиқариши аниқланган”.
НИМА ҚИЛИШ КЕРАК?
Психологлар бундай ҳолатдан чиқиб кетишнинг йўли инсон кечиримли бўлишга ҳаракат қилиши кераклигини таъкидлашади. Кечиримли бўлиш инсонлар ўртасидаги яхши муносабатларни таъминлашга ҳамда уни мустаҳкамлашга кўмак беради.
Аммо айримлар кечиримли бўлиш қўлидан келмаслигидан шикоят қилади. Тўғри, кечиримли бўлиш анча қийин иш бўлсада, аммо уни ўзлаштириш мумкин.
Кечиримлик инсонга руҳий енгиллик беради, бандани ич-ичидан кемираётган иллатлар: хафагарчилик, нафрат, адоватга бархам беришга ёрдам беради. Шунинг учун кечиримли бўлишга ҳаракат қилиш инсон саломатлиги учун ниҳоятда фойдалидир.
БИР ОЯТ
Аллоҳ таоло бундай марҳамат қилади: “Яхшилик билан ёмонлик баробар бўлмас. Сен яхшилик бўлган нарса ила дафъ қил. Кўрибсанки, сен билан орасида адовати бор кимса худди содиқ дўстдек бўлур. Унга фақат сабр қилганларгина эришур. Унга фақат улуғ насиба эгаси бўлганларгина эришур” (Фуссилат сураси, 34-35-оятлар).
Демак, ёмонлик қилган инсонга яхшилик билан жавоб қайтариш сабрли ва олийжаноб мўминларнинг хулқи экан.
ҲАДИС
Расулуллоҳ соллаллоҳу алайҳи васаллам айтадилар: “Қиёмат бўлганида нидо қилувчи: “Инсонларни кечирувчи кишилар қани? Роббингиз ҳузурига келинг ва ажрингизни олинг”, деб нидо қилади.
ХУЛОСА
Демак, бақириб ёки жиззакилик қилиб, асабийлашган инсон бу билан қаршисидаги одамга зулм ўтказаётганини эмас, энг аввало ўз саломатлигига путур етказаётганини унутмасин! Бу гўёки заҳар ичган одам унинг таъсири бошқа инсонга етишини кутишга ўхшайди...
Даврон НУРМУҲАММАД
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 