Сайт тест ҳолатида ишламоқда!
21 Январ, 2025   |   21 Ражаб, 1446

Тошкент шаҳри
Бомдод
06:21
Қуёш
07:43
Пешин
12:39
Аср
15:44
Шом
17:29
Хуфтон
18:46
Bismillah
21 Январ, 2025, 21 Ражаб, 1446
Янгиликлар

“Нақшбандий” масжиди пойдеворига илк ғишт қўйилди

21.01.2025   556   1 min.
“Нақшбандий” масжиди пойдеворига илк ғишт қўйилди

Нарпай тумани марказий масжиди ҳисобланган “Нақшбандий” жоме масжидининг янги биноси қурилишига дастлабки ғишт қўйилди. Шу муносабат билан ўтказилган тадбирда оқсоқоллар, имомлар, зиёли ва масъуллар иштирок этди.

Маросимда сўз олган Самарқанд вилояти бош имом-хатиби ўринбосари Хайрулла домла Сатторов ва туман ҳокими Шербек Буранов масжид қуришнинг фойдалари, катта савоблиги, унинг ҳомийлар ва ҳашар йўли билан барпо этилаётгани таҳсинга лойиқлигини таъкидлади.

Хайрли ишни бошлашдан олдин Қуръони карим тиловат қилиниб, эзгу амаллар бардавом бўлиши, элу юртга омонлик ва фаровонлик сўраб, дуога қўл очилди.

Маълумот ўрнида ушбу янги масжид икки қаватдан иборат бўлиб, жами 5 000 намозхонни ўз бағрига олади. Унинг қурилиш ишлари 2026 йилга қадар якунланиши мўлжалланган.

Ўзбекистон мусулмонлари идораси
Самарқанд вилояти вакиллиги
Матбуот хизмати

“Нақшбандий” масжиди пойдеворига илк ғишт қўйилди “Нақшбандий” масжиди пойдеворига илк ғишт қўйилди “Нақшбандий” масжиди пойдеворига илк ғишт қўйилди “Нақшбандий” масжиди пойдеворига илк ғишт қўйилди
Ўзбекистон янгиликлари
Бошқа мақолалар
Мақолалар

Кечиримли бўлишнинг саломатликка таъсири!

21.01.2025   404   2 min.
Кечиримли бўлишнинг саломатликка таъсири!

Бисмиллаҳир Роҳманир Роҳийм

МУАММО

Олимларнинг фикрича адоват ёки кек сақлаб юриш инсон саломатлиги учун зарарли бўлиб, юрак-қон томир ва иммун тизимининг бузилишига, бош ҳамда бўғимлар оғриғига олиб келади. Бундан ташқари инсонда депрессия, хавотир, жиззакилик каби муаммоларни келтириб чиқарар экан.

 

ТАДҚИҚОТ

Доктор Майкл Берри ўзининг “Саратонни даволаш” номли китобида бундай ёзади: “Дарҳақиқат, кечиримли ва саховатли бўлиш инсон саломатлигига ижобий таъсир қилади. Илмий тадқиқотларда, асабий таранглик, гина-адоват сақлашлик овқат ҳазм қилиш ва қон айланиш тизимига салбий қилиши ва бу – саратон касаллигини келтириб чиқариши аниқланган”.

 

НИМА ҚИЛИШ КЕРАК?

Психологлар бундай ҳолатдан чиқиб кетишнинг йўли инсон кечиримли бўлишга ҳаракат қилиши кераклигини таъкидлашади. Кечиримли бўлиш инсонлар ўртасидаги яхши муносабатларни таъминлашга ҳамда уни мустаҳкамлашга кўмак беради.

Аммо айримлар кечиримли бўлиш қўлидан келмаслигидан шикоят қилади. Тўғри, кечиримли бўлиш анча қийин иш бўлсада, аммо уни ўзлаштириш мумкин.

Кечиримлик инсонга руҳий енгиллик беради, бандани ич-ичидан кемираётган иллатлар: хафагарчилик, нафрат, адоватга бархам беришга ёрдам беради. Шунинг учун кечиримли бўлишга ҳаракат қилиш инсон саломатлиги учун ниҳоятда фойдалидир.

 

БИР ОЯТ

Аллоҳ таоло бундай марҳамат қилади: “Яхшилик билан ёмонлик баробар бўлмас. Сен яхшилик бўлган нарса ила дафъ қил. Кўрибсанки, сен билан орасида адовати бор кимса худди содиқ дўстдек бўлур. Унга фақат сабр қилганларгина эришур. Унга фақат улуғ насиба эгаси бўлганларгина эришур” (Фуссилат сураси, 34-35-оятлар).

Демак, ёмонлик қилган инсонга яхшилик билан жавоб қайтариш сабрли ва олийжаноб мўминларнинг хулқи экан.

 

ҲАДИС

Расулуллоҳ соллаллоҳу алайҳи васаллам айтадилар: “Қиёмат бўлганида нидо қилувчи: “Инсонларни кечирувчи кишилар қани? Роббингиз ҳузурига келинг ва ажрингизни олинг”, деб нидо қилади.

 

ХУЛОСА

Демак, бақириб ёки жиззакилик қилиб, асабийлашган инсон бу билан қаршисидаги одамга зулм ўтказаётганини эмас, энг аввало ўз саломатлигига путур етказаётганини унутмасин! Бу гўёки заҳар ичган одам унинг таъсири бошқа инсонга етишини кутишга ўхшайди...

Даврон НУРМУҲАММАД

Мақолалар