28 Июл, 2025, 3 Сафар, 1447
28 Июл, 2025, 3 Сафар, 1447
24 июль куни Ўзбекистон мусулмонлари идораси тасарруфидаги Ҳадис илми мактабининг 2025-2026 ўқув йили учун қабул имтиҳонлари бошланди.
Шу муносабат билан эрта тонгда Тошкент шаҳридаги Шайх Муҳаммад Содиқ Муҳаммад Юсуф жоме масжидида бўлиб ўтган тадбирда Дин ишлари бўйича қўмита ва Ўзбекистон мусулмонлари идораси мутасаддилари, имтиҳон олувчи педагог-ўқитувчилар, абитуриентлар иштирок этди.
Дастлаб Ҳадис илми мактаби ректори Барот домла Амонов қабул имтиҳонларини юқори савияда ўтказиш учун кўрилган тайёргарлик ишлари, абитуриентларга яратилган шарт-шароитлар ҳақида маълумот берди.
Тадбирда Дин ишлари бўйича қўмита раисининг биринчи ўринбосари Давронбек Мақсудов, Ўзбекистон мусулмонлари идораси раисининг биринчи ўринбосари Ҳомиджон домла Ишматбеков ва Диний идора раиси ўринбосари Муҳаммадолим домла Муҳаммадсиддиқов нутқ сўзлади. Нотиқлар юртимизда диний таълимга берилаётган эътибор ҳақида сўз юритиш баробарида қабул имтиҳонларида абитуриентларнинг билимлиларини саралаб олиш асосий мақсад эканини алоҳида таъкидлашди. Шунингдек, имтиҳонларни шаффоф, очиқ ва ошкора ўтказилиши таъминланишига урғу беришди.
Ўзбекистон мусулмонлари идораси Таълим ва илмий-тадқиқот бўлими бошлиғи ўринбосари Шерзод Чўлпонов томонидан ижодий имтиҳонни ўтказиш тартиби ва баҳолаш мезонлари тушунтирилди. Шундан сўнг Қабул ҳайъати аъзолари, абитуриентлар ва ота-оналар гувоҳлигида имтиҳон варақалари солинган ва муҳрланган махсус қоплар очилиб, ижодий имтиҳонга старт берилди.
Маълумот ўрнида, бугун “Ҳадис” ва “Мусталаҳул ҳадис” фанларидан оғзаки ижодий имтиҳон ўтказилади. Эртага, 25 июль куни Араб тили ва Ўзбекистон тарихи фанларидан тест синовлари бўлиб ўтади.
2025-2026 ўқув йили имтиҳонлари ҳақидаги сўнгги янгиликларни @qabulmuslimuz телеграм саҳифасида кузатиб боринг.
Ўзбекистон мусулмонлари идораси Матбуот хизмати
Бисмиллаҳир Роҳманир Роҳийм
حدثنا عيسى بن أحمد العسقلاني نا ابن وهب حدثني مالك عن عمه أبي سهيل عن أبيه قال: سمعت طلحة بن عبيد الله يقول: جاء رجل من أهل نجد ثائر الرأس نسمع دوي صوته ولا نفقه ما يقول حتى دنا فإذا هو يسأل رسول الله صلى الله عليه وعلى آله وسلم عن الإسلام فقال: خمس صلوات في يوم وليلة.
قال: هل علي غيرها قال: لا إلا أن تطوع قال رسول الله صلى الله عليه وعلى آله وسلم: وصيام رمضان . قال: هل علي غيره قال رسول الله صلى الله عليه وعلى آله وسلم: لا إلا أن تطوع قال: وذكر له رسول الله صلى الله عليه وعلى آله وسلم الزكاة فقال: هل علي غيرها فقال: لا إلا أن تطوع. فأدبر الرجل وقال: والله لا أزيد على هذا ولا أنقص منه فقال رسول الله صلى الله عليه وعلى آله وسلم: أفلح إن صدق.
Талҳа ибн Убайдуллоҳ розияллоҳу анҳу айтади: “Нажд аҳлидан сочлари тўзиган бир киши келди. Овозининг ғўлдирашини эшитардик, нима деётганини эса тушунмасдик.
Кейин у яқин келди. Билсак, Расулуллоҳ соллаллоҳу алайҳи ва ъалаа олиҳи васалламдан Ислом ҳақида сўраётган экан.
Шунда у зот: “Бир кеча кундузда беш маҳал намоз”, дедилар. “Зиммамда яна бундан бошқаси ҳам борми?” деди.
У зот: “Йўқ, лекин ўз ихтиёринг билан қилишинг (мумкин)”, дедилар. Расулуллоҳ соллаллоҳу алайҳи ва ъалаа олиҳи васаллам: “Рамазон рўзасини тутиш ҳам”, дедилар.
“Зиммамда бундан бошқаси ҳам борми?” деди. “Йўқ, лекин ўз ихтиёринг билан қилишинг (мумкин)”, дедилар.
Расулуллоҳ соллаллоҳу алайҳи ва ъалаа олиҳи васаллам унга закотни зикр қилдилар. “Зиммамда бундан бошқаси ҳам борми?” деди у.
У зот: “Йўқ, лекин ўз ихтиёринг билан қилишинг (мумкин)”, дедилар. Шунда ўша одам: “Аллоҳга қасамки, бундан зиёда ҳам қилмайман, кам ҳам қилмайман”, дея орқага қайтди.
Расулуллоҳ соллаллоҳу алайҳи ва ъалаа олиҳи васаллам: “Агар гапида турса, нажот топади”, дедилар.
Абу Саид Ҳайсам ибн Кулайб Шошийнинг
“Муснади Шоший” асаридан
Даврон НУРМУҲАММАД таржимаси
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 