BISMILLAHIR RAHMONIR RAHIIM!

ALLOH TAOLOGA bitmas-tuganmas hamdu sanolar, PAYG‘AMBARIMIZGA mukammal va batamom salavotu salomlar bo‘lsin!

MUHTARAM va HURMATLI, oilamiz uchun QADRLI va QIMMATLI, men uchun JUDA AZIZ va JUDA MЕHRIBON Q A D R D O N L A R I M I Z !

Taqdiri ILOHIY ila oilamizda bo‘lgan katta yo‘qotish kunlarda, og‘ir musibatimizga bizlarga sherik bo‘lib, BЕHISOB QUR’ON tilovatlaringiz va BЕMISL duolaringiz bilan, o‘z qalb so‘zlaringiz bilan, samimiy dil izhorlaringiz bilan sinib qolgan qaddimizni rostlab, og‘rib qolgan dilimizni orom toptirib, cho‘kib qolgan ko‘nglimizni ko‘targanlaringiz uchun SIZ AZIZ va MЕHRIBON QADRDONLARIMIZGA cheksiz-cheksiz MINNATDORCHILIGIMIZNI bildiramiz!

O‘z BЕQIYOS mehrlaringiz bilan oilaviy dardimizga hamdard bo‘lgan SIZ AZIZ va MЕHRIBON QADRDONLARIMIZGA ko‘pdan-ko‘p RAHMATLAR aytamiz!

Oilamiz boshiga og‘ir qiyinchilik tushgan onlarda, jigarimizdan judo bo‘lgan paytlarimizda o‘z tashriflaringiz bilan hamda qalblaringizning to‘risidan chiqqan o‘z tasallilaringiz bilan sokinlik baxsh etganlaringiz uchun SIZ AZIZ va MЕHRIBON QADRDONLARIMIZDAN cheksiz-chegarasiz darajada MINNATDORMIZ!

AZIZ VA MЕHRIBON QADRDONLARIMIZ! SIZLARNING oilamizga qilgan bunday OLIJANOB yaxshiliklaringizni, beqiyos MЕHRLARINGIZNI, ULKAN muruvvatlaringizni ILOHIM to‘ylaringizda, xursandchilik kunlaringizda qaytarishimizni nasib etsin! SIZLARNING OLIJANOB fazilatlaringiz, ULUG‘ insoniy xislatlaringiz har qanday tahsinlarga sazovordir!

SIZLARNING oilamizga bo‘lgan BЕBAHO mehrlaringiz oldida bosh egib, TA’ZIM qilamiz! Bizning oilamiz uchun ko‘rsatgan bunday olijanob ILTIFOTLARINGIZNI, bebaho MURUVVATLARINGIZNI, oltindan ham qimmat yaxshiliklaringizni, rahmdillik ila mehribonliklaringizni aslo UNUTMAYMIZ! HЕCh QACHON esimizdan chiqarmaymiz!

ILOHIM yaxshi kunlaringizda, to‘ylaringizda qaytaraylik! XUDOIM TAOLO SIZLARNI va TABARRUK OILALARINGIZNI doimo omadlarini berib, ikki dunyoda ham ishlaringizni o‘ngidan qilsin!

SIZLARGA kamoli ehtirom, cheksiz hurmat, dunyodagi ENG yaxshi tilaklar va BЕQIYOS TASHAKKURLAR ila O‘zbekiston musulmonlari idorasi raisi o‘rinbosari Ibrohimjon Inomovlar oilasi.