Сайт тест ҳолатида ишламоқда!
23 Январ, 2025   |   23 Ражаб, 1446

Тошкент шаҳри
Бомдод
06:20
Қуёш
07:42
Пешин
12:40
Аср
15:47
Шом
17:31
Хуфтон
18:48
Bismillah
23 Январ, 2025, 23 Ражаб, 1446

ҲАЙИТ НАМОЗИ ҚАНДАЙ ЎҚИЛАДИ?

11.05.2021   3000   1 min.
ҲАЙИТ НАМОЗИ ҚАНДАЙ ЎҚИЛАДИ?
  1. Аллоҳ ризолиги учун Рамазон ҳайити намозини ўқишга ният қилинади.
  2. Имом “Аллоҳу акбар” дея такбир айтгач жамоат ҳам қўлларини кўтариб, ичида ифтитоҳ такбири (Аллоҳу акбар)ни айтади.
  3. Такбир айтилганидан сўнг, қўлни қовуштириб туриб, ҳар ким ичида сано дуосини ўқийди. Сўнгра имом қўлларини қулоқларига кўтариб, уч марта такбир айтади. Жамоат ҳам унга эргашади. Биринчи ва иккинчи такбирда қўллар ён томонга туширилади. Учинчи такбирдан сўнг қўллар боғланиб, қиём ҳолида турилади.
  4. Имом ичида “Аъузу”ни ва “Бисмиллаҳ”ни айтиб, овоз чиқариб “Фотиҳа” сурасини ва зам сурани ўқийди. Такбир айтиб руку ва сажда адо этилади.
  5. Шундан сўнг иккинчи ракатга турилади. Имом “Фотиҳа” сураси билан зам сура ўқигач, рукуга бормай туриб, худди биринчи ракатдаги каби уч марта такбир айтади.
  6. Тўртинчи такбирда қўл кўтармасдан имом орқасидан руку ва сажда адо қилинади.
  7. Саждадан сўнгра “Аттаҳийёт”, “Саловат” ва “Дуо” ўқилиб, салом берилиб, намоз тугатилади.

Аллоҳ ибодатларингизни Ўз даргоҳида қабул этсин!

 Даврон НУРМУҲАММАД

Мақолалар
Бошқа мақолалар

Яхши ҳаётда яшаяпсизми?

22.01.2025   12451   1 min.
Яхши ҳаётда яшаяпсизми?

مَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً

"Эркагу аёл, ким мўмин ҳолида яхши амал қилса, Биз унга яхши ҳаёт кечиртирамиз(Наҳл сураси, 97-оят). 

Саъид ибн Жубайр айтади: “Яхши ҳаёт Аллоҳ сени бировга муҳтож қилмаслигидир”.

Гўзал ҳикмат. Яна бир нарса "Яхши ҳаёт дегани касал бўлмай, камбағал бўлмай яшаш дегани эмас. Мансабдор, эл оғзидаги одам бўлиш, дегани ҳам эмас. Балки Аллоҳ битганига рози бўлиб яшашда яширинган. Аллоҳнинг тақдирига норози бўлиш зиқ, танг, хор ҳаётдир. Аллоҳ ҳар ишга розилик неъматини сизга бердими, фаровон кунда шукр қилиб, қийин кунда сабр қилиб яшаяпсизми, демак, Аллоҳ сизни яхши ҳаётга қўйибди".

Шарқовий. "Қуръондан мактублар".