Жорий йилда ҚР Савдо ва интеграция вазирлиги 15дан ортиқ «ҳалол» стандартларни ишлаб чиқди ва қабул қилди. Бу ҳақда техник жиҳатдан тартибга солиш ва метрология қўмитасининг «Миллий аккредитация маркази» бош директорининг биринчи ўринбосари Қайнар Тайжанов маълум қилган.
«Ҳалол сертификатлаш муаммолари кўпроқ сифат муаммолари билан боғлиқ. Бу йил Савдо ва интеграция вазирлиги 15дан ортиқ «Ҳалол» стандартларини ишлаб чиқди ва қабул қилди, улар ҳозирда ишлаб чиқарилмоқда. Ўтган йили биз Бирлашган Араб Амирликлари ва Туркиянинг стандартлаштириш бўйича идоралари билан яқин ҳамкорлик қилдик ва принципларни амалга оширишда ишладик. Ушбу масала босқичма-босқич ҳал этилади», — деди Қайнар Тайжанов Марказий алоқа хизматида бўлиб ўтган матбуот анжуманида.
azon.uz
Оиша розияллоҳу анҳодан ривоят қилинади:
У киши айтадилар: Бир кампир Набий сoллаллоҳу алайҳи васалламнинг ҳузурларига келди. У зот менинг ҳузуримда эдилар.
Расулуллоҳ сoллаллоҳу алайҳи васаллам унга: — «Сиз кимсиз?» — дедилар. У: — «Мен Жусама ал-Музанийяман», — деди.
Расулуллоҳ сoллаллоҳу алайҳи васаллам: — «Йўқ, сиз — Ҳасона ал-Музанийясиз! Ўзингиз қандайсиз? Аҳволларингиз қандай? Биз кетгандан кейин қандай яшаяпсизлар?» — дедилар. У: — «Яхшимиз, отам ва онам сизга фидо бўлсин, эй Расулуллоҳ сoллаллоҳу алайҳи васаллам», — деди.
Кампир чиқиб кетгач, мен дедим: — «Ё Расулуллоҳ, шу кампирга бунчалик илиқ муносабат кўрсатмасангиз?» Шунда у зот: — «У Хадича замонида уйимизга келиб турар эди. Эски танишлар билан чиройли муомала қилиш иймондандир», дедилар.
Ҳомиджон қори ИШМАТБЕКОВ