Сайт тест ҳолатида ишламоқда!
28 Июл, 2025   |   3 Сафар, 1447

Тошкент шаҳри
Бомдод
03:39
Қуёш
05:14
Пешин
12:35
Аср
17:34
Шом
19:48
Хуфтон
21:16
Bismillah
28 Июл, 2025, 3 Сафар, 1447
Янгиликлар

Имом-хатиблар янги барпо этилаётган Бурҳониддин Марғилоний туризм марказига борди

07.07.2025   8304   1 min.
Имом-хатиблар янги барпо этилаётган Бурҳониддин Марғилоний туризм марказига борди

Марғилон шаҳрида жаҳон тамаддуни ва ислом илм-фанига беқиёс ҳисса қўшган мутафаккирлардан бири — Имом Бурҳониддин Марғилоний номи билан боғлиқ янги илмий-маърифий туризм маркази барпо этилмоқда. “Наврўз” маҳалласи ҳудудида ташкил этилаётган мазкур мажмуа нафақат юртимиз, балки халқаро миқёсда ҳам аҳамиятга молик лойиҳалардан бири сифатида кўрилмоқда.


Бош режа асосида қурилаётган марказда Бурҳониддин Марғоний илмий-тадқиқот маркази, замонавий шаклда ташкиллаштириладиган музей, миллий услубда барпо этиладиган “Отабек ва Кумуш” уйи, сунъий кўл, мақом театри, гастрономия ва хизмат кўрсатиш марказлари, савдо дўконлари, меҳмонхоналар ҳамда бозор инфратузилмаси назарда тутилган.
 

Мазкур қурилишлар келажакда Марғилон шаҳрининг тарихий, илмий ва туризм салоҳиятини янада юксалтиришга хизмат қилади. Бу жой, шубҳасиз, зиёрат ва илмий тадқиқот мақсадида келувчилар учун ҳам жозибадор масканга айланади.


Шу кунларда мазкур ҳудудда қурилиш ишлари жадал суръатларда олиб борилмоқда. Бугунги кунда илмий-тадқиқот маркази биноси билан бир қаторда бошқа муҳим иншоотларнинг ҳам қурилиши бошланган.


Марғилон шаҳрида фаолият юритаётган имом-хатиблар шаҳар бош имом-хатиби Абдулфаттоҳ домла Олимов бошчилигида мажмуа билан яқиндан танишиш мақсадида объектга бордилар. 


Ташриф чоғида имом-хатиблар бу ердаги қурилиш ишларининг ҳолати билан танишдилар, лойиҳаларнинг мазмун-моҳияти юзасидан масъуллардан маълумотлар олишди. 


Мазкур мажмуа нафақат Марғилон, балки Фарғона водийси ҳамда бутун мамлакатимиз учун муҳим маданий-маърифий маскан бўлиб, у келажакда ёшлар тарбияси, диний соҳа ходимларининг салоҳиятини ошириш, миллий ўзликни англаш ва қадриятларни асраш йўлида хизмат қилади.

Ўзбекистон мусулмонлари идораси

Фарғона вилояти вакиллиги
Матбуот хизмати

Имом-хатиблар янги барпо этилаётган Бурҳониддин Марғилоний туризм марказига борди Имом-хатиблар янги барпо этилаётган Бурҳониддин Марғилоний туризм марказига борди Имом-хатиблар янги барпо этилаётган Бурҳониддин Марғилоний туризм марказига борди Имом-хатиблар янги барпо этилаётган Бурҳониддин Марғилоний туризм марказига борди Имом-хатиблар янги барпо этилаётган Бурҳониддин Марғилоний туризм марказига борди Имом-хатиблар янги барпо этилаётган Бурҳониддин Марғилоний туризм марказига борди
Ўзбекистон янгиликлари
Бошқа мақолалар
Янгиликлар

Хушхабар: Фатво маркази хориждаги ватандошлар учун "Колл-марказ" хизматини йўлга қўйди

28.07.2025   77   1 min.
Хушхабар: Фатво маркази хориждаги ватандошлар учун

Ўзбекистон мусулмонлари идораси ҳузуридаги Фатво маркази иш ёки таълим олиш мақсадида чет элда истиқомат қилаётган юртдошларимиз учун ўз хизматларини қулай шаклда тақдим этади.


Эндиликда хориждаги ватандошларимиз Telegram ва WhatsApp ижтимоий тармоқлари орқали қўнғироқ қилиб, диний масалалар юзасидан ўзларини қизиқтирган саволларига Фатво маркази уламоларидан жавоб олишлари мумкин.


Бунда: 
- ортиқча мобил трафик сарфланмайди;
- қиммат халқаро қўнғироқлардан халос бўлинади;
- ишончли ва тезкор жавоблар олинади.


Боғланиш учун:
@fatvo_call_1 (Telegram орқали)
@fatvo_call_2 (Telegram орқали)
+998917806633 (WhatsApp орқали)


Иш вақти: 09:00 дан 17:00 гача (Тошент вақти билан)


Таъкидлаб ўтамиз, мазкур хизмат фақат хориждаги ҳамюртларимизга мўлжалланган. Ҳаққа риоя қилиш эса динимиз кўрсатмасидир. 


Юртимиздаги мўмин-мусулмонлар эса Колл-марказнинг
 +998781503344 телефон рақамига қўнғироқ қилишлари мумкин.

 Фатво маркази ишончли ва яқин ёрдамчи!  

Видео шакли:  

Ўзбекистон мусулмонлари идораси
Матбуот хизмати

#xushabar #fatvo #savol #javob #xorij

 MUSLIM.UZ (http://muslim.uz/) GA  OBUNA BO'LING (https://t.me/+PSOPDevNs2Va-wt7)  VA ULASHING (https://telegram.me/share/url?url=https://t.me/muslimuzportal)

 YouTube (https://www.youtube.com/@Muslimuzz/featured) | Instagram (https://www.instagram.com/muslimuzportali/) |  Facebook (https://www.facebook.com/muslimuzportal)

Ўзбекистон янгиликлари