11 Март, 2025, 11 Рамазон, 1446
11 Март, 2025, 11 Рамазон, 1446
Доғистонлик муслима аёл Марям Шарипова ғайриоддий қўғирчоқ кашф қилди. Уни “муслима” деб номлади. У ноёб “қобилият”ли бўлиб, кичкина дўстига исмини айтиб мурожаат қилади, Қуръон сураларини ўқийди, Аллоҳнинг гўзал исмларини айтади ва беш вақт намозни ўргатади.
Кашфиётчи ушбу қўғирчоқлар фарзандига ибодат қилиш ё Қуръон оятларини тўғри талаффуз қилишни ўргатолмайдиган оналарга ёрдамчи бўлишини маълум қилди, ҳозирда ҳар ой 100 тадан 150 тагача қўғирчоқ ишлаб чиқарилаётгани, кейинроқ 500 га етказиш режа қилинганини айтди.
Марям Шарипова: “Аввало, қўғирчоқлар орқали ўз қизалоқларим қалбига анъанавий халқ кийимларига бўлган муҳаббатни сингдирмоқчи эдим... Ҳозир, ишлар яхши кетмоқда. Қўғирчоқлар анчадан буён Европа, AҚШ ва Aвстралияда сотилмоқда. Келгусида Шимолий Кавказнинг барча тилларида гаплашадиган қўғирчоқларни ишлаб чиқаришни режалаштирганмиз”.
Ўзбекистон мусулмонлари идораси
Халқаро алоқалар бўлими
Иккинчи ўн кунлиги бошланган Рамазон ойининг сакинати, файз-баракаси, таровати юртимизнинг ҳар гўшасида сезилмоқда.
Хусусан, масжидларимиз ҳар қачонгидан гавжум бўлиб, ўқилаётган таровеҳ намозлари, хатми Қуръонлардан кейин мўмин-мусулмон халқимиз жамоат бўлиб қилаётган дуолар шарофатидан баҳраманд бўляпмиз.
Ота-онага яхшилик қилиш, исрофдан сақланиш, қўшничилик ҳақлари, сахийлик каби таровиҳолди суҳбатлари, хайр-саховат тадбирларидан диллар чарағон бўлмоқда.
Бундай маънавий-маърифий тадбирлар Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бошчилигидаги муфтий ўринбосарлари Зайниддин домла Эшонқулов ва Муҳаммадолим домла Муҳаммадсиддиқов ҳамда имом-домлаларимиз томонидан юртимизнинг барча ҳудудларида, кўп масжидларда ўтказилмоқда.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа